Barchaga yasharish va yangilanish ayyomi – Navro‘zi olam muborak, azizlar!
Bahor fasli nafaqat bayramlari, balki milliy qadriyatlari – hasharlari bilan ham go‘zal.
Siz – toza havodan nafas olishni, toza suv ichishni va ozoda joylarda yashashni istaysizmi? Nega unda bunga harakat qilmasligimiz kerak, yurtdoshlar?!
Shu bugundan yurtimiz tozaligiga befarq bo‘lmagan, bo‘sh vaqtini foydali o‘tkazishni istagan vatandoshlarimizni "Obod yurtim" sovrinli aksiyamizda ishtirok etishga chorlaymiz.
Ishoning, vaqtingiz behuda o‘tmaydi.
Yurtimizdagi obodonlashtirish va ko‘kalamzorlashtirish ishlariga o‘z hissangizni qo‘shing va sovg‘alarimizdan birini qo‘lga kiriting.
G‘oliblarni ajoyib sovg‘alar kutmoqda.
Aksiyada qatnashish shartlari:
1. my.gov.uz portalida ro‘yxatdan o‘ting
2. Telegramdagi @mitcuz va @mygovuz kanallariga obuna bo‘ling
3. Obodonlashtirish va ko‘kalamzorlashtirishga hissa qo‘shgan video olib, uni @mygovuztanlovbot orqali bizga yuboring
Tasvirga olgan videoingizni ijtimoiy tarmoqlar orqali #obodyurtim #ободюртим xeshtegi bilan do‘stlaringizga ulashib, ularni ham ushbu xayrli tadbirga jalb eting.
Aksiya g‘oliblari shu yilning 20-aprel kuni tasodifiy tanlash usuli bilan aniqlanadi va keng ommaga e’lon qilinadi.
Aksiyada ishtirok etish bo‘yicha video qo‘llanma bilan tanishish!
