Budjetdan tashqari Pensiya jamg‘armasi tomonidan ko‘rsatiladigan elektron xizmatlar vaqtincha o‘chirildi

2019-08-14 11:20:00

2019 yil 14-19 avgust kunlari Davlat xizmatlari markazlari hamda Yagona interaktiv davlat xizmatlari portali (my.gov.uz) orqali O‘zbekiston Respublikasi Moliya vazirligi huzuridagi budjetdan tashqari Pensiya jamg‘armasi tomonidan ko‘rsatiladigan quyida belgilangan xizmatlar taqdim etilishi vaqtincha to‘xtatiladi.

- Farzand tug‘ilganda beriladigan bir martalik nafaqa pulini olish;
- Pensiya va nafaqalar miqdori to‘g‘risida ma’lumotnoma olish;
- Dafn marosimlarini o‘tkazish uchun nafaqa pulini olish.

O‘zbekiston Respublikasi Moliya vazirligi huzuridagi budjetdan tashqari Pensiya jamg‘armasi ma’lumotiga ko‘ra, mazkur ishlarni fuqarolarga pensiya ta’minotiga oid ko‘rsatilayotgan xizmatlar sifati hamda “Pensiya” dasturiy majmuasi faoliyati tezkorligini oshirish maqsadida, dasturni yangi ma’lumotlar saqlash qurilmasiga ko‘chirish uchun amalga oshirish zarur.

Tushunganingiz uchun tashakkur!