O‘zboshimchalik bilan qurilgan imoratga nisbatan mulk huquqini olish uchun ariza yuborish xizmati o‘chiriladi

2019-04-30 19:00:00

Hurmatli foydalanuvchilar!

     O‘zboshimchalik bilan qurilgan imoratlarni qonuniylashtirish bo‘yicha bir martalik umumdavlat aksiyasi muddati yakunlanishi munosabati bilan, Yagona interaktiv davlat xizmatlari portalidagi “O‘zboshimchalik bilan qurilgan imoratga nisbatan mulk huquqini olish uchun ariza yuborish” xizmati joriy yilning 1 mayidan o‘chiriladi.
     Ko‘rib chiqish uchun avval yuborilgan arizalar O‘zbekiston Respublikasi Vazirlar Mahkamasining “O‘zbekiston Respublikasi Prezidentining "Fuqarolarni ijtimoiy qo‘llab-quvvatlash bo‘yicha qo‘shimcha chora-tadbirlar hamda o‘zboshimchalik bilan qurilgan turar joylarga nisbatan mulk huquqini e’tirof etish bo‘yicha bir martalik umumdavlat aksiyasini o‘tkazish to‘g‘risida" 2018 yil 20 apreldagi PF-5421-son farmoni ijrosini ta’minlash chora-tadbirlari haqida” qaroriga muvofiq ko‘rib chiqiladi.