Hujjat nomi
Пуқараларды жумысқа орналастырыў, жәмийетлик жумысларға қатнастырыў, кәсипке таярлаў ҳәм қайта таярлаў ҳаққында
 To`liq ro'yxatga qaytish
Hujjat turiQaror
Hujjatni qabul qiluvchi tashkilotQoraqalpog'iston Respublikasi Qung`irot tumani hokimligi
Hujjat muallifiQoraqalpog'iston Respublikasi Qung`irot tumani hokimligi
Muhokama boshlanishi (sana)2016-10-15 19:44:12
Muhokama yakunlanishi (sana)2016-10-30 00:00:00
Hujjat ko'rinishiNHH loyihasi
Hujjatning joriy holatiMuhokama yakunlangan

Пуқараларды жумысқа орналастырыў, жәмийетлик жумысларға қатнастырыў, кәсипке таярлаў ҳәм қайта таярлаў ҳаққында

Өзбекистан Республикасының 1998-жылы 1-майдағы «Халықты жумыс пенен тәмийинлеў ҳаққында»ғы Нызамы(Ўзбекистон Республикаси Олий Мажлисининг Ахборотномаси, 1998 й., 5-6-сон, 97-модда;) ның
17,22,23-статьялары, Өзбекистан Республикасы Министрлер Кабинетиниң
1999-жыл 19-июльдағы 353-санлы қарары менен тастыйықланған «Ҳақы төленетуғын жәмийетлик жумысларды шөлкемлестириў ҳаққында»ғы Реже(Ўзбекистон Республикаси Ҳукуматининг қарорлари тўплами, 1999 й., 7-сон, 40-модда;)ге ҳәмде Қарақалпақстан Республикасының «Орынлардағы мәмлекетлик ҳәкимияты ҳаққында»ғы Нызамларына тийкар,

ШЕШИМ ЕТЕМЕН:

1. Қоңырат районында жумыс пенен бәнт болмаған пуқараларды социаллыққорғаў мақсетинде:

а) 2017-жылда пуқараларды жумысқа орналастырыў, ҳақы төленетуғын жәмийетлик жумысларға жибериў ҳәм кәсипке таярлаў бойынша қадағалаўшы көрсеткишлери 1-қосымшаға муўапық;

б) Район аймағында жумыс излеўши сыпатында дизимге алынған пуқаралар ушын 2017-жылда ҳақы төленетуғын жәмийетлик жумысларды шөлкемлестиретуғын мекеме ҳәм кәрханалар дизими 2-қосымшаға муўапық;

в)Қоңырат аўыл хожалық хәм қурылыс кәсип-өнер колледжинде 2017-жылда кәсипке таярлаў ҳәм қайта таярлаўды шөлкемлестириў режеси 3-қосымшаға муўапық;

г) Пуқараларды жәмийетлик жумысларға қатнастырыў, кәсипке таярлаў ҳәм қайта таярлаўды шөлкемлестириў бойынша районлық исши топар қурамы
4-қосымшаға муўапық тастыйықлансын.

2. Пуқараларды жәмийетлик жумысларға қатнастырыў, кәсипке таярлаў
ҳәм қайта таярлаўды шөлкемлестириў бойынша районлық исши топар (Б.Камалов) район аймағында жумыс излеўши сыпатында дизимге алынған пуқаралар
ушын ҳақы төленетуғын жәмийетлик жумысларды шөлкемлестириў кәрхана, мекеме ҳәм шөлкем басшылары жумыссыз деп табылған пуқаралар ушын белгилеп қойылған жумыс орынларының санитариялық-гигиеналық нормаларына
ҳәм жумысшы өз ўазыйпаларын биймәлел орынланыўын тәмийинлейтуғын мийнет шараятларына муўапық болыўын тәмийинлесин.

3. Төмендегилер:

а) Өзбекистан Республикасы Министрлер Кабинетиниң 1999-жыл
19-июльдағы 353-санлы қарары менен тастыйықланған «Ҳақы төленетуғын жәмийетлик жумысларды шөлкемлестириў ҳаққында»ғы Режениң 23-бәндине муўапық ҳақы төленетуғын жәмийетлик жумысларды қаржы менен тәмийинлеўде орынлардағы мәмлекет ҳәкимияты уйымларына қараслы кәрханалар, мекемелер ҳәм шөлкемлер бойынша 50 пайызы жумыс бериўшилер қәрежетлери
ҳәм 50 пайызы жергиликли бюджет ҳәм жумыс пенен тәмийинлеўге көмеклесиўши мәмлекетлик қоры есабынан;

б) басқа кәрханалар, мекемелер ҳәм шөлкемлер бойынша 75 пайызы жумыс бериўшилер есабынан ҳәм 25 пайызы жумыс пенен тәмийнлеўге көмеклесиўши мәмлекетлик қоры есабынан әмелге асырылыўы;

в) Өзбекистан Республикасы «Халықты жумыс пенен тәмийинлеў ҳаққында»ғы Нызамының 23-статьясына муўапық жумыссыз деп табылған пуқараларды 2017-жылда кәсипке таярлаў ҳәм қайта таярлаўды шөлкемлестириў қаржылары жумыс пенен тәмийинлеўге көмеклесиўши мәмлекетлик қоры есабынан әмелге асырылыўы есапқа алынсын.

4. Районлық Бәнтликке көмеклесиў орайы (М.Рамазанов) усы шешимди тийисли кәрхана ҳәм шөлкем басшыларына жеткизсин ҳәмде оның орынланыўы үстинен қатаң қадағалаўды тәмийинлесин.

5. Қоңырат районы ҳәкиминиң 2015-жыл 16-ноябрь күнги «Пуқараларды жумысқа орналастырыў, жәмийетлик жумысларға қатнастырыў, кәсипке таярлаў ҳәм қайта таярлаў ҳаққында»ғы 645/11-санлы, («Қоңырат ҳақыйқаты» газетасы, 2015-жыл 25-ноябрь, 26-сан,) жәрияланған шешими 2016-жыл 31-декабрь күнинен өз күшин жойытқан деп есаплансын.

6. Усы шешимниң орынланыўын қадағалаў район ҳәкиминиң орынбасары Б.Камаловқа жүклетилсин.

7. Бул шешим районлық «Қоңырат ҳақыйқаты» газетасында рәсмий жәрияланған күннен баслап күшке киреди.

Қоңырат районы

ҳәкими Ш.Темирбаев

Tadbir nomiAmalga oshirish mexanizmiAmalga oshirish muddatiIjrochilar
1Пуқараларды жумысқа орналастырыў, жәмийетлик жумысларға қатнастырыў, кәсипке таярлаў ҳәм қайта таярлаў ҳаққындагы карарын додалау30.10.2016-жылга шекем усыныс киритиу30.10.2016-жылБантликке комеклесиу орайы, кархана хам шолкемлер, касип-онер колледжлери

So`rovnoma natijalari