Hujjat nomi
Район аймағындағы автомобиль жолларына «Жүк автотранспортлардың жүриўи қадаған» ҳәмде «Тоқтаў қадаған» жол белгилерин орнатыў ҳаққында
 To`liq ro'yxatga qaytish
Hujjat turiQaror
Hujjatni qabul qiluvchi tashkilotQoraqalpog'iston Respublikasi Qonlikul tumani hokimligi
Hujjat muallifiQoraqalpog'iston Respublikasi Qonlikul tumani hokimligi
Muhokama boshlanishi (sana)2016-10-26 11:33:54
Muhokama yakunlanishi (sana)2016-11-10 10:00:00
Hujjat ko'rinishiNHH loyihasi
Hujjatning joriy holatiMuhokama yakunlangan

Район аймағындағы автомобиль жолларына «Жүк автотранспортлардың жүриўи қадаған» ҳәмде «Тоқтаў қадаған» жол белгилерин орнатыў ҳаққында

Өзбекстан Республикасы Министрлер Кабинетиниң 2000-жыл 11-декабрьдеги 472-санлы Қарары менен тастыйықланған ҳәм 2001-жылдың 1-мартынан баслап күшке енген жол ҳәрекети қәделери ҳаққындағы расмий көрсетпесин басшылыққа алып, районлық Ишки ислер бөлиминиң 2016-жыл 1-августтағы 4/2812-санлы хатын үйренип шығып,

Ш Е Ш И М Е Т Е М Е Н:

1. Районлық ишки ислер бөлиминиң 2016-жыл 1-августтағы 4/2812-санлы хаты мағлыўмат ушын қабыл етилсин.

2. Районлық жол хожалығы кесип-алып ислеў оңлаў пайдаланыў кәрханасы (Т.Хожаметов):

- район аймағындағы жергиликли әҳимийетке ийе 4 н 88 «Алтынкөл ДФХ-Бегжап насос станция-Қарабайлы темир жол бекаты» жолына («Алтынкөл гузары» көшеси бойындағы Қанлыкөл педогогика колледжи имәраты алды жолына ҳәм Қанлыкөл районы №6-санлы кәсиплестирилген өрт қәўипсизлиги бөлимшеси алды жолына) (3,11) «Жүк автотранспортлардың жүриўи қадаған» белгисин орнатыў;

-район аймағындағы жергиликли әҳимийетке ийе 4 н 71 «Алтынкөл темир жол бекаты-Қыят аўыл» жолына («Ғарезсизлик» көшеси бойындағы районлық Ишки ислер бөлими имәраты алды тәрепине жолдың еки бойына) (3,28) «тоқтаў қадаған» жол белгилерин районлық Ишки ислер бөлими жол ҳәрекети қәўипсизлиги хызмети менен биргеликте тийисли тәртипте орнатылыўын тәмийинлесин.

3. Районлық абаданластырыў басқармасы (Б.Убайдуллаев) район аймағындағы ишки автомобиль жолының 01 005 ТМК 18 «Даўқараев» көшеси бойының («Ғарезсизлик» көшесине тутас жолы тәрепине), 01 005 ТМК 19 «Бахытлы-1» көшеси бойының («Ғарезсизлик» көшесине тутас жолы тәрепине), 01 005 ТМК 43 «Дослық» көшеси бойының («Ғарезсизлик» көшесине тутас жолы еки тәрепине), 01 005 ТМК 55 «Өзбекистан»көшеси бойының («Ғарезсизлик» көшесине тутас жолы еки тәрепине), 01 005 ТМК 67 «Қарақалпақстан» көшеси бойының («Ғарезсизлик» көшесине тутас жолы еки тәрепине) «Жүк автотранспортлардың жүриўи қадаған» белгилерин районлық Ишки ислер бөлими жол ҳәрекети қәўипсизлиги хызмети менен биргеликте тийисли тәртипте орнатылыўын тәмийинлесин.

4. Районлық Ишки ислер бөлими жол ҳәрекети қәўипсизлиги хызмети (С.Қудайбергенов):

- Районлық жол хожалығы кесип алып ислеў оңлаў пайдаланыў кәрханасы (Т.Хожаметов) ҳәм районлық абаданластырыў басқармасы (Б.Убайдуллаев) менен биргеликте район аймағындағы автомобиль жолларының тийисли орынларына жол ҳәрекети қәўипсизлиги қағыйдалары тийкарында «Жүк автотранспортлардың жүриўи қадаған» (3,11), «тоқтаў қадаған» (3.28) жол белгилериниң орнатылыўын қадағалаўға алынсын.

5. Усы шешимниң орынланыўын қадағалаў район ҳәкиминиң биринши орынбасары А. Ибраимовқа жүкленсин.

Ҳәким:

М.Косназаров

Tadbir nomiAmalga oshirish mexanizmiAmalga oshirish muddatiIjrochilar
1Район аймағындағы автомобиль жолларына «Жүк автотранспортлардың жүриўи қадаған» ҳәмде «Тоқтаў қадаған» жол белгилерин орнатыў ҳаққындаРайонлық Ишки ислер бөлими жол ҳәрекети қәўипсизлиги таминлеу максетинде10.11.2016А.Ибраимов

So`rovnoma natijalari