Hujjat nomi
Кегейли районының 2017-жылғы бюджет параметрлерин тастыйықлаў ҳаққында
 To`liq ro'yxatga qaytish
Hujjat turiQaror
Hujjatni qabul qiluvchi tashkilotQoraqalpog'iston Respublikasi Kegeyli tumani hokimligi
Hujjat muallifiQoraqalpog'iston Respublikasi Kegeyli tumani hokimligi
Muhokama boshlanishi (sana)2016-12-22 11:45:52
Muhokama yakunlanishi (sana)2017-01-06 00:00:00
Hujjat ko'rinishiNHH loyihasi
Hujjatning joriy holatiMuhokama yakunlangan

Өзбекистан Республикасы Бюджет кодекси (“Ўзбекистон Республикаси қонун ҳужжатлари тўплами", 2013 йил 31 декабрь, 52-(I)-сон)ниң 28-статьясы, Кегейли районы жергиликли бюджетиниң 2016-жылғы дәрамат
ҳәм қәрежетлери бойынша тийкарғы көрсеткишлериниң күтилип атырған орынланыўы ҳәмде 2017-жылғы белгиленген тийкарғы параметрлерин қарап шығып, халық депутатлары Кегейли районлық Кеңеси

ШЕШИМ ЕТЕДИ:

1. Кегейли районы жергиликли бюджетиниң 2016-жылғы дәрамат

ҳәм қәрежетлер бөлегиниң тийкарғы көрсеткишлериниң күтилип атырған орынланыўы мағлыўмат ушын қабыл етилсин

2. Кегейли районы жергиликли бюджетиниң 2017-жыл ушын дәраматлар бойынша тийкарғы көрсеткишлери1-қосымшаға,жергиликли бюджетиниң

2017-жыл ушын қәрежетлер бойынша тийкарғы көрсеткишлери2-қосымшаға муўапықтастыйықлансын.

3. Кегейли районы Финанс бөлимине белгиленген тәртипте тийисли жергиликли бюджетлерге қәрежетлер ҳәм бюджет ссудалары (дәрамат

ҳәм қәрежетлер арасындағы ўақтыншалық касса үзилислерди қаплаў ушын) ажыратыўда, олардың муғдарларын район бойынша барлық салықлар
ҳәм басқа мәжбүрий төлемлердиң толық түсиўинен, сондай-ақ ис ҳақы (жеке социаллық төлем менен), напақалар ҳәм оларға теңлестирилген төлемлер бойынша бюджет қәрежетлери биринши нәўбетте сөзсиз қаржыландырылыўы зәрүрлигинен келип шыққан анықластырыў ҳуқықы берилсин.

4.Кегейли районы ҳәкиминиң социаллық-экономикалық раўажландырыў мәселелери бойынша орынбасары (Д.Уразымбетов) тийисли мәкемелер басшылары менен биргеликте:

бюджет дәраматларының тастыйықланған көрсеткишлериниң орынланыўын тәмийинлеў;

район ҳәкимлигиниң тийисли бюджетлер дәраматлары ҳәм қәрежетлери баланслылығына тәсир көрсетиўши норматив-ҳуқықый ҳүжжетлерди финанслық ҳәм экономикалық экспертизадан өткериў мақсетинде Қарақалпақстан Республикасы Финанс Министрлигине усынып барыў;

аймақларда салық салыў базасын кеңейтиў ҳәмде финанслық жағдайын жақсылаў бойынша зәрүр иләжлар көриў;

бюджет қаржыларының мақсетли жумсалыўы үстинен қатаң қадағалаў жүргизсин.

5. Районлық Мәмлекетлик салық инспекциясы (И.Оразбаев)район жергиликли бюджетиниң дәраматлар бөлегин салық түрлери бойынша асырып барылыўын тәмийинлесин.

6. Кегейли районлық Финанс бөлими (К.Жиенбаев) не:

Республикамызда 2017-жылдың “Халык пенен сәўбет ҳәм инсан мәплери жылы” деп жәрияланыўы мүнәсибети менен Кегейли районы жергиликли бюджетиниң 2017-жыл даўамында жергиликли бюджет қәрежетлериниң қысқарыўы нәтийжесинде пайда болған қосымша қаржылар дереги есабынан районның социаллық-экономикалық раўажландырыў барысындағы ис-иләжларды әмелге асырыў ушын зәрүр өзгерислер киритип барыў;

бюджеттен қаржы алыўшылардың бюджеттен қаржы менен тәмийинлеўдиң тийкарлылығын терең анализ қылып барыў;

бюджет қаржыларынан сақланыўы тийкарсыз деп табылған ҳәм бюджет қаржыларының мақсетсиз жумсалыў жағдайлары пайда болған бюджет мәкемелерин қысқарттырыў мәселелери бойынша район ҳәкимлигине ҳәм тийисли басқармаларға усыныс киритиў;

Халық депутатлары Кегейли районлық Кеңесине жергиликли бюджеттиң орынланыўы бойынша ҳәр шеректе есабат киритип барыў;

район ғазнашылық бөлими менен биргеликте бюджет қаржыларының мақсетли жумсалыўы ҳәмде олардың мақсетсиз жумсалыўының алдын алыў үстинен ғазнашылық орынланыўы дизими арқалы қатаң қадағалаўға алыў тапсырылсын.

7. Усы шешимниң орынланыўын қадағалаў Халық депутатлары Кегейли районлық Кеңесиниң жергиликли бюджет, экономикалық реформаларды әмелге асырыў ҳәм исбилерменликти раўажландырыў мәселелери бойынша турақлы комиссиясына тапсырылсын.

8.Усы шешим “Кегейли турмысы” газетасында рәсмий жәриялансын
ҳәмде ҳәкимликтиң рәсмий веб-сайтында жайластырылсын.

9.Шешим рәсмий түрде жәрияланған күннен баслап күшке киреди.

Tadbir nomiAmalga oshirish mexanizmiAmalga oshirish muddatiIjrochilar
1Кегейли районының 2017-жылғы бюджет параметрлерин тастыйықлаў ҳаққында 6-январь 2017-жыл 7. Усы шешимниң орынланыўын қадағалаў Халық депутатлары Кегейли районлық Кеңесиниң жергиликли бюджет, экономикалық реформаларды әмелге асырыў ҳәм исбилерменликти раўажландырыў мәселелери бойынша турақлы комиссиясына тапсырылсын. 8.Усы шешим “Кегейли турм7. Усы шешимниң орынланыўын қадағалаў Халық депутатлары Кегейли районлық Кеңесиниң жергиликли бюджет, экономикалық реформаларды әмелге асырыў ҳәм исбилерменликти раўажландырыў мәселелери бойынша турақлы комиссиясына тапсырылсын.

So`rovnoma natijalari