Hujjat nomi
Вилоятда йўловчи ташиш бўйича ягона тарифлар ставкаларини тасдиқлаш тўғрисида
 To`liq ro'yxatga qaytish
Hujjat turiQaror
Hujjatni qabul qiluvchi tashkilotNamangan viloyati hokimligi
Hujjat muallifiNamangan viloyati hokimligi
Muhokama boshlanishi (sana)2016-12-26 19:59:11
Muhokama yakunlanishi (sana)2017-01-10 00:00:00
Hujjat ko'rinishiNHH loyihasi
Hujjatning joriy holatiMuhokama yakunlangan

“Шаҳар йўловчилар транспорти тўғрисида”ги Ўзбекистон Республикасининг Қонуни, Ўзбекистон Республикаси Президентининг 2013 йил 9 октябрдаги ПҚ-2048-сонли, Вазирлар Маҳкамасининг 2013 йил 13 ноябрдаги 308-сонли қарорлари, Ўзбекистон Автомобиль ва дарё транспорти агентлиги Наманган ҳудудий бўлимининг 2016 йил 9 декабрдаги 01/966-сонли, Хусусийлаштириш, монополиядан чиқариш ва рақобатни ривожлантириш давлат қўмитаси Наманган вилоят ҳудудий бошқармасининг 2016 йил 2 декабрдаги 01-08/3502-сонли хатларига асосан ҳамда Наманган шаҳар “Зумар” МЧЖнинг 2016 йил 9 декабрдаги 54-сонли, “Фирдавс транс сервис” МЧЖнинг 2016 йил 9 декабрдаги 113-сонли, “Турон-95 МБИ” МЧЖнинг 2016 йил 9 декабрдаги 28-сонли хатларини кўриб чиқиб, шаҳар йўловчи ташиш транспорти корхоналари молиявий-хўжалик фаолиятининг самарадорлигини ошириш, йўловчи ташишдан кўрилаётган зарар миқдори, ишлаб чиқариш ва ноишлаб чиқариш сарф-харажатларини камайтириш, аҳолига хизмат кўрсатиш сифатини яхшилаш, ёқилғи-мойлаш материалларидан самарали фойдаланиш мақсадида, Ўзбекистон Республикасининг “Маҳаллий давлат ҳокимияти органлари тўғрисида”ги Қонуни (Ўзбекистон Республикаси Олий Кенгашининг Ахборотномаси, 1993 й., 9-сон, 320-модда)нинг 6-, 25-моддаларига асосан,

ҚАРОРҚИЛАМАН:

1. Вилоят молия бошқармаси (Т.Юсупов), Хусусийлаштириш, монополиядан чиқариш ва рақобатни ривожлантириш давлат қўмитаси Наманган вилоят ҳудудий бошқармаси (Д.Ботиров), вилоят Давлат солиқ бошқармаси (А.Хакимов), “Ўздарётранс” агентлиги вилоят бўлими (Ғ.Мирзабаев)ларга “Зумар”, “Фирдавс транс сервис” ва “Турон-95 МБИ” МЧЖлар томонидан Наманган шаҳри ҳудудида шаҳар йўловчи ташиш транспорти-автобусда юриш учун чекланган тарифлар: яъни

а)бир йўловчи учун – 800 (саккиз юз) сўм;

б) бир йўловчининг багажини ташиш бўйича хизмат учун – 1600 (бир минг олти юз) сўм;

ер усти транспорти – автобусда юриш учун ойлик йўл чипталарининг нархлари:

а) “А” сериясидаги умумий ойлик йўл чиптаси- 48 000 сўм;

б) “Б” сериясидаги ногиронлар ва нафақадорлар

учун ойлик йўл чиптаси- 24 000 сўм;

в) “Т” сериясидаги талабалар учун

ойлик йўл чиптаси- 24 000 сўм;

г) “O1” сериясидаги ўқувчилар учун

ойлик йўл чиптаси- 24 000 сўм

белгиланиши бўйича;

Шунингдек, йўналишсиз таксиларда йўловчиларни ташишда йўлкира ҳақининг чекланган нархи йўловчи билан босиб ўтилган 1 км. масофа учун қуйидагича:

- “Эконом класс” тоифасидаги (“Матиз”, “Спарк”, “Нексия”) автомобиллар учун – 500 (беш юз) сўм;

- “Бизнес класс” тоифасидаги (“Кобальт”, “Ласетти”, “Эпика” русумли автомобиллар учун – 600 (олти юз) сўм белгиланиши бўйичауч кунлик муддатда ўз тавсияларини бериш топширилсин.

2. Шаҳар ҳокимлиги (Б.Бекходжаев)га берилган тавсия асосида тарифларни кўриб чиқиб, 5 январ кунига қадар ҳокимлик қарори билан тасдиқласин ва шу қарор асосида 2017 йил 15январдан бошлаб иш ташкил этиш топширилсин.

3. Йўловчиларга йўлкира ҳақини тўлашда қулайликлар яратиш мақсадида йўналишли таксиларда йўлкира ҳақлари миқдори 100 сўмгачаяхлитлаштирилсин.

4. Вилоят молия бошқармаси (Т.Юсупов)га ташувчиларнинг йўловчиларни имтиёзли ташишдан зарарини белгиланган тартибда тўлаш юзасидан таклиф ишлаб чиқиш топширилсин.

5. Наманган шаҳар ҳокимлиги ҳузуридаги “НАМТРАНСАВТО” департаменти бошлиғи (Ҳ.Шамсиддинов) мазкур қарор талабларидан келиб чиқиб, бир ой муддатда қонун ҳужжатларига мувофиқ йўловчиларни ташувчи тегишли ташкилот ва корхоналар билан тузилган тендер контрактларига тегишли қўшимча ва ўзгартиришлар киритсин.

6. Вилоят ИИБ ЙХХ (С.Рахимов), вилоят Давлат солиқ бошқармаси (А.Хакимов), шаҳар ҳокими (Б.Бекходжаев)ларга шаҳар ҳудудида йўналишсиз ҳаракатланаётган таксиларни қонунда белгиланган тартиб асосида чоралар кўриш бўйича қўшма “Рейд”лар ўтказиш ва ҳар куни амалга оширилган ишлар юзасидан вилоят ҳокимлигига ҳисобот киритиб бориш вазифаси топширилсин.

7. Наманган шаҳар ҳокимининг 2014 йил 14 февралдаги 79-сонли, Наманган вилоят ҳокимининг 2014 йил 2 сентябрдаги 276-сонли қарорлари ўз кучини йўқотган деб ҳисоблансин.

8. Мазкур қарорнинг бажарилишини назорат қилиш вилоят ҳокимининг ўринбосари Т.Дадабаев зиммасигаюклатилсин.

Tadbir nomiAmalga oshirish mexanizmiAmalga oshirish muddatiIjrochilar
1Қарор лойиҳасини ишлаб чиқишҚарор лойиҳасини ишлаб чиқиш3 кунНаманган вилояти ҳокимлиги
2Қарор лойиҳасини Ягона интерактив давлат хизматлари порталига мухокама қилиш учун жойлаштиришҚарор лойиҳасини Ягона интерактив давлат хизматлари порталига мухокама қилиш учун жойлаштириш1 кунВилоят ҳокимлигининг бош юрисконсульти
3Қарор лойиҳасини ҳуқуқий экспертизадан ўтказишҚарор лойиҳасини ҳуқуқий экспертизадан ўтказиш10 кунВилоят адлия бошқармаси
4Вилоят ҳокимининг қарорини қабул қилишВилоят ҳокимининг қарорини қабул қилиш3 кунНаманган вилояти ҳокимлиги
5Қарор қабул қилингандан сўнг расмий манбаларда чоп этишҚарор қабул қилингандан сўнг расмий манбаларда чоп этиш1 кунВилоят ҳокимлигининг бош юрисконсульти

So`rovnoma natijalari