Hujjat nomi
Қаладағы аўыл хожалығы ҳәм мелиоратив техникаларын, сондай-ақ машина трактор парклери, устаханалар ҳәм сервис пунктлериниң әсбап -үскенелерин мәжбүрий техникалық көриктен өткизиў ҳаққында
 To`liq ro'yxatga qaytish
Hujjat turiQaror
Hujjatni qabul qiluvchi tashkilotQoraqalpog'iston Respublikasi Nukus shahri hokimligi
Hujjat muallifiQoraqalpog'iston Respublikasi Nukus shahri hokimligi
Muhokama boshlanishi (sana)2016-12-29 21:12:21
Muhokama yakunlanishi (sana)2017-01-13 00:00:00
Hujjat ko'rinishiNHH loyihasi
Hujjatning joriy holatiMuhokama yakunlangan

Қаладағы аўыл хожалығы ҳәм мелиоратив техникаларын, сондай-ақ машина трактор парклери, устаханалар ҳәм сервис пунктлериниң әсбап -үскенелерин мәжбүрий техникалық көриктен өткизиў ҳаққында

Өзбекистан Республикасы Әдиллик министрлигинен 2013-жыл 25-апрельде 2452-сан менен дизимнен өткерилген «Аўыл хожалығы ҳәм мелиоратив техникаларын, сондай-ақ машина-трактор парклери, устаханалар ҳәм сервис пунктлериниң әсбап-үскенелерин техникалық көриктен өткериў тәртиби ҳаққында»ғы Реже (Ўзбекистон Республикаси Қонун ҳужжатлари тўплами, 2013 й, 17 сон, 229-модда) талапларына тийкар, қала аймағында 2017-жыл аўыл хожалығы ҳәм мелиоратив техникаларын, сондай-ақ машина-трактор парклери, устаханалар ҳәм сервис пунктлериниң әсбап-үскенелерин ҳәр жыллық мәжбүрий техникалық көриктен өткериў мақсетинде

Ш Е Ш И М Е Т Е М Е Н:

1. Төмендегилер:

а) қала аймағындағы мүлкшилик түрине қарамастан юридикалық ҳәм физикалық шахсларға тийисли болған аўыл хожалығы ҳәм мелиоратив техникаларын, сондай-ақ машина-трактор парклери, устаханалар ҳәм сервис пунклериниң әсбап-үскенелерин техникалық көриктен өткизиў бойынша комиссия қурамы 1-қосымшаға;

б) қаладағы аўыл ҳожалығы ҳәм мелиоратив техникаларын, сондай-ақ машина-трактор парклери, устаханалар ҳәм сервис пунктлериниң әсбап-үскенелерин жыллық техникалық көриктен өткериў кестеси 2-қосымшаға муўапық тастыйықлансын.

2. Техник көриктен өткериўши қалалық комиссиясына:

а) мүлкшилик түрине қарамастан барлық түрдеги аўыл хожалығы ҳәм мелиоратив техникаларын, сондай-ақ машина-трактор парклери, устаханалар ҳәм сервис пунклериниң әсбап-үскенелерин жыллық техникалық көриктен өткериў ҳаққындағы кестени юридикалық ҳәм физикалық шахсларға жеткериў;

б) мүлкшилик түрине қарамастан барлық түрдеги аўыл хожалығы ҳәм мелиоратив техникаларын, сондай-ақ машина-трактор парклери, устаханалар ҳәм сервис пунклериниң әсбап-үскенелерин жыллық техникалық көриктен өткериў майданшаларына жыйнаў;

в) техникалық көриктен өткен техникаларды дәлалатнамалар тийкарында ислеўге рухсат бериў ўазыйпалары тапсырылсын.

3. Қала аймағындағы барлық юридикалық ҳәм физикалық шахсларға:

-балансындағы барлық аўыл хожалығы ҳәм мелиоратив техникаларын, сондай-ақ, машина-трактор парклери, устаханалар ҳәм сервис пунктлериниң әсбап-үскенелерин көрсетилген мүддетлеринде техникалық көриктен өткериўге таярлаў;

-техникалық көриктен өткериў төлемлериниң өндирилиўин тәмийинлеў;

-тракторшы-машинистлерди медициналық көриктен өткериў ҳәм де олардың мағлыўматнамаларын комиссияға усыныў ўазыйпалары жүклетилсин.

4.Қала ҳәкиминиң экономика ҳәм социаллық раўажландырыў ислери бойынша орынбасары А. Ибрагимовқа:

қала аймағындағы барлық кәрханалар ҳәм жеке пуқаралардың техникаларын техникалық көриктен өткериў менен байланыслы болған экономикалық ҳәм социаллық мәселелерде, әсиресе төлемлериниң өндирилиўине әмелий жәрдем бериў тапсырылсын.

5. Нөкис қаласы ҳәкиминиң 2016-жыл 23-марттағы «Қаладағы аўыл хожалығы ҳәм мелиоратив техникаларын, сондай-ақ машина трактор парклери, устаханалар ҳәм сервис пунктлериниң әсбап-үскенелерин мәжбүрий техникалық көриктен өткериў ҳаққында»ғы 06/03-18-санлы шешими(«Нөкис ҳақыйқаты» газетасы 2016-жыл 11-апрель 12(1093)-сан) 2016-жыл 31-декабрьден өз күшин жойытқан деп есаплансын.

6. Бул шешим қалалық «Нөкис ҳакыйқаты» газетасында жәриялансын хәм хәкимликтин рәсмий веб сайтында жайластырылсын.

7. Усы шешимниң орынланыўын қадағалаў қала ҳәкиминиң биринши орынбасары П. Турешевқа жүклетилсин.

8.Усы шешим рәсмий жәрияланған күннен баслап өз күшине киреди.

Нөкис қаласы ҳәкиминиң

«__»________ 2017-жыл

_________-санлы шешимине

1-қосымша

Қаладағы аўыл хожалығы ҳәм мелиоратив техникаларын, сондай-ақ машина трактор парклери, устаханалар ҳәм сервис пунктлериниң әсбап -үскенелерин мәжбүрий техникалық көриктен өткизиў бойынша комиссия қурамы

Комиссия баслығы:

Б.Сапаров

«Давтехназорат» инспекциясы Нөкис қалалық инспекторы;

Комиссия ағзалары:

Ж.Қайыпназаров

Нөкис қаласы ҳәкимлигиниң 1-дәрежели қәнийгеси;

Б. Хожанов

Нөкис қалалық Ишки ислер бөлими «Жол ҳәрекети

қәўипсизлиги хызмети» бөлимшеси баслығы;

Ғ. Төребаев

ҚҚ «Давтехназорат» инспекциясықәнийгеси;

Б.Шарипов

Нөкис қалалық Абаданластырыў басқармасының бас инжинери

Еслетпе:

Комиссия қурамы баслығына зәрүрлигине байланыслы қәнийгели шахслардан комиссия қурамына қосыў ҳуқықы бериледи.

Нөкис қаласы ҳәкиминиң

«__»________ 2017-жыл

_________-санлы шешимине

2-қосымша

Қаладағы аўыл хожалығы ҳәм мелиоратив техникаларын, сондай-ақ машина трактор парклери, устаханалар ҳәм сервис пунктлериниң әсбап -үскенелерин мәжбүрий техникалық көриктен өткизиў бойынша кестеси

Техникалардың түри ҳәм атамалары

Техникаларды көриктен өткериў мүддети

Техникаларды көриктен өткериў орны

1

Сүрим тракторлары

01.02.2017- жыл

28.02.2017- жыл

ММТП «Агроинтехника», Нөкис қаласы абаданластырыў басқармасы, Агроэкономика кәсип-өнер колледжи

2

Басқа түрдеги тракторлар

01.02.2017-жыл

30.04.2017-жыл

3

Басқа өзи жүрер шассилер

01.02.2017 -жыл 31.07.2017 -жыл

4.

Қатар арасын

ислеўши тракторлар

01.03.2017 -жыл 31.03.2017 -жыл

5

Транспорт тракторлары

01.03.2017 –жыл 30.04.2017- жыл

6

Трактор тиркемелери

01.03.2017- жыл 30.04.2017- жыл

7

Бульдозер, скрепер, экскаваторлар

01.03.2017- жыл 30.04.2017- жыл

8

Ғәлле орыў комбайнлары

01.05.2017- жыл 31.05.2017- жыл

9

Салы орыў комбайнлары

01.07.2017-жыл 31.07.2017- жыл

Tadbir nomiAmalga oshirish mexanizmiAmalga oshirish muddatiIjrochilar
1НӨКИС ҚАЛАСЫ ҲӘКИМИНИҢ ШЕШИМИҚаладағы аўыл хожалығы ҳәм мелиоратив техникаларын, сондай-ақ машина трактор парклери, устаханалар ҳәм сервис пунктлериниң әсбап -үскенелерин мәжбүрий техникалық көриктен өткизиў ҳаққында13.01.2017Нокис каласы хакимлиги

So`rovnoma natijalari