Hujjat nomi
Хожели районында 2016-жылда бәнтлик бағдарламасының орынланыўы ҳәм 2017-жылда жаңа жумыс орынларын жаратыў ҳәм халықтың бәнтлигин тәмийинлеў бағдарламасы ҳаққында
 To`liq ro'yxatga qaytish
Hujjat turiQaror
Hujjatni qabul qiluvchi tashkilotQoraqalpog'iston Respublikasi Xujayli tumani hokimligi
Hujjat muallifiQoraqalpog'iston Respublikasi Xujayli tumani hokimligi
Muhokama boshlanishi (sana)2017-01-07 11:43:39
Muhokama yakunlanishi (sana)2017-01-22 10:00:00
Hujjat ko'rinishiNHH loyihasi
Hujjatning joriy holatiMuhokama yakunlangan

Хожели районында 2016-жылда бәнтлик бағдарламасының орынланыўы ҳәм 2017-жылда жаңа жумыс орынларын жаратыў ҳәм халықтың бәнтлигин тәмийинлеў бағдарламасы ҳаққында

Өзбекистан Республикасы «Халықты жумыс пенен тәмийинлеў ҳаққында»ғы Нызамы («Ўзбекистон Республикаси Олий Мажлисининг Ахборотномаси»,
1998 йил, 5-6-сон, 97-м.)ның 17-статьясына, Өзбекистан Республикасы «Жергиликли мәмлекетлик ҳәкимияты ҳаққында»ғы Нызамы («Ўзбекистон Республикаси Олий Кенгаши Ахборотномаси», 1993 йил, 9-сон, 320-м) ның
24-статьясына тийкар, Хожели районы Халық депутатлары районлық Кеңеси

Ш Е Ш И М Е Т Е Д И:

1. Хожели районлық Бәнтликке көмеклесиў орайы тәрепинен халықтың бәнтлигин тәмийинлеў бағдарламасын орынлаў ҳәм халықты социаллық жақтан қорғаў бойынша бир қатар жумыслардың алып барылғанлығы атап өтилсин. Хожели районлық Бәнтликке көмеклесиў орайы директоры А.Ачиловтың «Хожели районында 2016-жылда бәнтлик дәстүриниң орынланыўы ҳаққындағы баянаты мағлыўмат ушын қабыл етилсин.

2. Районда 2017-жылда жаңа жумыс орынларын жаратыў ҳәм халықтың бәнтлигин тәмийинлеў бағдарламасы мақуллансын.

3. 2017-жылда жумыс орынларын шөлкемлестириў ҳәм халықтың бәнтлигин тәмийинлеў бағдарламасының тийкарғы жөнелислери ҳәм параметрлериниң орынланыўын тәмийнлеў мақсетинде аймақларды социаллық-экономикалық жақтан раўажландырыў, аўыллық жерлерде үлгили жойбардағы турақ жайларды қурыў, фермер хожалықларын раўажландырыў, ҳәрекетсиз турған кәрханалардың жумысларын қайта тиклеў, оларды техникалық жақтан модернизациялаў, сондай-ақ, басқа да мәнзилли бағдарламалардың орынланыўы бойынша анық иләжлар көрилсин. 2017-жылда жаңа жумыс орынларын шөлкемлестириў ҳәм халықтың бәнтлигин тәмийинлеўде биринши гезекте кәсип-өнер колледжлери питкериўшилерине, шет еллерден қайтып келген мийнет мигрантлары ҳәм адам саўдасынан жәбир көрген пуқаралардың бәнтлигин тәмийинлеўге айрықша итибар берилсин.

4. Район аймағындағы пуқаралардың, өзин-ози басқарыў уйымлары баслықларына ҳәм тийисли мәкеме, кәрхана, шөлкемлердиң басшылары менен биргеликте бул бағдарламада белгиленген аймақлар бойынша жаңа жумыс орынларын жаратыў ҳәм халықтын бәнтлигин тәмийинлеў мақсетинде белгиленген көрсеткишлердиң толық ҳәм өз мүддетлеринде орынланыўын шөлкемлестириў тапсырылсын.

5. Хожели районында 2017-жылда жаңа жумыс орынларын шөлкемлестириў ҳәм халықтың бәнтлигин тәмийинлеў бағдарламасы 1-қосымшаға, 2017-жылда жумыс орынларын шөлкемлестириў ҳәм халықтың бәнтлигин тәмийинлеў бағдарламасының орынланыўы бойынша турақлы ислеўши исши топар қурамы
2-қосымшаға муўапық тастыйықлансын.

6. Усы шешим район ҳәкимлигиниң веб-сайтында ҳәмде «Хожели ҳақыйқаты» газетасында рәсмий жәриялансын.

7. Шешим рәсмий түрде жәрияланған күннен баслап күшке киреди.

Сессия басқарыўшысы О.Генжебаев

Tadbir nomiAmalga oshirish mexanizmiAmalga oshirish muddatiIjrochilar
1Хожели районында 2016-жылда бәнтлик бағдарламасының орынланыўы ҳәм 2017-жылда жаңа жумыс орынларын жаратыў ҳәм халықтың бәнтлигин тәмийинлеў бағдарламасыРайонда 2017-жылда жаңа жумыс орынларын жаратыў ҳәм халықтың бәнтлигин тәмийинлеў бағдарламасы 2017-жылда жаңа жумыс орынларын шөлкемлестириў Бәнтликке көмеклесиў орайы директоры А.Ачилов

So`rovnoma natijalari