Hujjat nomi
Район аймағында барлық хожалық жүргизиўши субъектлерге ҳәм пуқараларға тийисли болған автомототранспорт қуралларын ҳәм тиркемелерин мәжбүрий техникалық көриктен өткериўди сапалы шөлкемлестириў ҳаққында
 To`liq ro'yxatga qaytish
Hujjat turiQaror
Hujjatni qabul qiluvchi tashkilotQoraqalpog'iston Respublikasi Taxtakupir tumani hokimligi
Hujjat muallifiQoraqalpog'iston Respublikasi Taxtakupir tumani hokimligi
Muhokama boshlanishi (sana)2017-02-11 21:13:10
Muhokama yakunlanishi (sana)2017-02-26 00:00:00
Hujjat ko'rinishiNHH loyihasi
Hujjatning joriy holatiMuhokama yakunlangan

Өзбекистан Республикасы Министрлер Кабинетиниң 2003-жыл 31-январьдағы 54-санлы қарары менен тастыйықланған «Транспорт қуралларын мәжбүрий техникалық көриктен өткериў тәртиби ҳаққында»ғы Режеге (Ўзбекистон Республикаси қонун ҳужжатлари тўплами, 2003 й., 1-2-сон, 17-модда) тийкарланып ҳәм Қарақалпақстан Республикасы Министрлер Кеңесиниң 2017-жыл 27-январь күнги 02-08/5-01/43-санлы мәжлис баянламасы қарарын басшылыққа алып, район аймағында барлық хожалық жүргизиўши субъектлерге ҳәм пуқараларға тийисли болған автомототранспорт қуралларын ҳәм тиркемелерин мәжбүрий техникалық көриктен өткериўди сапалы шөлкемлестириў мақсетинде

ШЕШИМ ҚАБЫЛ ЕТЕМЕН:

1. Қарақалпақстан Республикасы Министрлер Кеңеси жанындағы жол ҳәрекети қәўипсизлигин тәмийинлеў комиссиясының 2017-жыл 27-январь күнги 02-08/5-01/43-санлы баянламасы қарары орынлаў ушын басшылыққа алынсын.

2. Транспорт қуралларын мәжбүрий техникалық көриктен өткериўди шөлкемлестириў бойынша районлық комиссия қурамы 1-қосымшаға, райондағы мәкеме, кәрхана, шөлкемлердиң транспорт қуралларын мәмлекетлик мәжбүрий техникалық көриктен өткериў кестеси 2-қосымшаға муўапық тастыйықлансын.

3. Райондағы хожалықлар, мәкеме, кәрхана ҳәм шөлкемлер басшылары тәрепинен қараўындағы автомототранспорт қуралларын 2017-жылғы мәжбүрий мәмлекетлик техникалық көриктен сапалы өткериўге таярлаў илажлары көрилсин.

4. Автомототранспортларды мәжбүрий техникалық көриктен сапалы өткериў ушын тийисли материаллық-техникалық базаға ийе болған «Миясар» жуўапкершилиги шекленген жәмийети менен шәртнама дүзилгенлиги мағлыўмат ушын қабыл етилсин.

5. Мәмлекетлик техникалық көрикти өткериў жумысларын төмен дәрежеде шөлкемлестирген райондағы хожалық, мәкеме, кәрхана ҳәм шөлкем басшыларына район ҳәкимияты жанындағы Жол ҳәрекети қәўипсизлигин тәмийинлеў бойынша комиссиясы мәжлисинде қарап шығып, оларға тийисли шаралар көрилетуғынлығы ескертилсин.

6. «Транспорт қуралларын мәжбүрий техникалық көриктен өткериў тәртиби ҳаққында»ғы Режениң 1-бөлими 5-бәнтиниң «а» бөлиминде көрсетилген транспорт қуралларының техникалық көриги:

биринши басқыш 2017-жылдың 1-март-30-июнь аралығында;

екинши басқыш 2017-жылдың 1-сентябрь-31-октябрь аралығында өткерилиўи;

2017-жылдың 1-январь-31-август аралығында район аймағындағы жеке меншик транспорт қуралларының ҳәмде 1-март-30-июнь аралығында хожалық есабындағы транспорт қуралларын мәжбүрий мәмлекетлик техникалық көриктен өткерилиўи белгиленсин.

7. Усы шешим «Тахтакөпир таңы» газетасында рәсмий түрде жәриялансын ҳәм жәрияланған күннен баслап күшке киреди..

8. Усы шешимниң қабыл етилиўи менен Тахтакөпир районы ҳәкиминиң 2016-жыл 23-февраль күнги «Район аймағында барлық хожалық жүргизиўши субъектлерге ҳәм пуқараларға тийисли болған автомототранспорт қуралларын ҳәм тиркемелерин мәжбүрий техникалық көриктен өткериўди сапалы шөлкемлестириў ҳаққында»ғы 204-санлы шешими («Тахтакөпир таңы» газетасы 2016-жыл, 29-март
6-сан.) өз күшин жойытқан деп табылсын.

9. Усы шешимниң орынланыўын қадағалаўды район ҳәкиминиң орынбасары Т.Нурманов ҳәм районлық ишки ислер бөлими баслығы Н.Аметовтың жуўапкершилигине жүкленсин.

Район ҳәкими: О. Шаназаров

Tadbir nomiAmalga oshirish mexanizmiAmalga oshirish muddatiIjrochilar
1Транспорт қуралларын мәжбүрий техникалық көриктен өткериўди шөлкемлестириў бойынша районлық комиссия қурамы 1-қосымшаға, райондағы мәкеме, кәрхана, шөлкемлердиң транспорт қуралларын мәмлекетлик мәжбүрий техникалық көриктен өткериўРайондағы хожалықлар, мәкеме, кәрхана ҳәм шөлкемлер басшылары тәрепинен қараўындағы автомототранспорт қуралларын 2017-жылғы мәжбүрий мәмлекетлик техникалық көриктен сапалы өткериўге таярлаў 2017 йил давомидарайон ҳәкиминиң орынбасары Т.Нурманов ҳәм районлық ишки ислер бөлими баслығы Н.Аметов

So`rovnoma natijalari