Hujjat nomi
Шымбай районы аймағында барлық хожалық жүргизиўши субъектлерге ҳәм пуқараларға тийисли болған автомототранспорт қуралларын ҳәм тиркемелерин мәжбүрий техникалық көриктен өткериў ҳаққында
 To`liq ro'yxatga qaytish
Hujjat turiQaror
Hujjatni qabul qiluvchi tashkilotQoraqalpog'iston Respublikasi Chimboy tumani hokimligi
Hujjat muallifiQoraqalpog'iston Respublikasi Chimboy tumani hokimligi
Muhokama boshlanishi (sana)2017-02-23 09:18:58
Muhokama yakunlanishi (sana)2017-03-10 10:00:00
Hujjat ko'rinishiNHH loyihasi
Hujjatning joriy holatiMuhokama yakunlangan

ЖОЙБАР

ШЫМБАЙ РАЙОНЫ ҲӘКИМИНИҢ ШЕШИМИ

2017-жыл “____”__________

№__

Шымбай районы

Шымбай районы аймағында барлық хожалық жүргизиўши субъектлерге ҳәм пуқараларға тийисли болған автомототранспорт қуралларын ҳәм тиркемелерин мәжбүрий техникалық көриктен өткериў ҳаққында

Өзбекистан Республикасы Министрлер Кабинетиниң 2003-жыл
31-январдағы 54-санлы қарары (Ўзбекистон Республикаси қонун ҳужжатлари тўплами, 2003 й., 1-2-сон, 17-модда) менен тастыйықланған “Транспорт қуралларын мәжбүрий техникалық көриктен өткериў тәртиби ҳаққында”ғы Режеге тийкар ҳәм Қарақалпақстан Республикасы Министрлер Кеңесиниң
2017-жыл 27-январдағы 02-08/5-01/43-санлы мәжилис баянламасын басшылыққа

алып, “Жергиликли мәмлекетлик ҳәкимияты ҳаққында”ғы Өзбекистан Республикасы Нызамының 6-статьясына муўапық, район аймағында барлық хожалық жүргизиўши субъектлерге ҳәм пуқараларға тийисли болған автомототранспорт қуралларын ҳәм тиркемелерин мәжбүрий техникалық көриктен өткериў мақсетинде

Ш Е Ш И М Е Т Е М Е Н:

1. Төмендегилер:

а) Шымбай районы аймағындағы автомототранспорт қуралларын мәжбүрий техникалық көриктен өткериў бойынша районлық комиссия қурамы 1-қосымшаға;

б) райондағы мәкеме, кәрхана, шөлкемлердиң транспорт қуралларын мәмлекетлик мәжбүрий техникалық көриктен өткериў кестеси 2-қосымшаға муўапық тастыйықлансын.

2. Районлық Ишки ислер бөлиминиң жол ҳәрекети қәўипсизлиги бөлимшесине (Т.Абдикаликов), транспорт қуралларын мәжбүрий техникалық көриктен өткериў ушын мүлкшилик түрине қарамастан райондағы зәрүр шәраят ҳәм үскенелерге ийе болған техника хызметин көрсетиўши станцияларды анықлаў ҳәм олар менен шәртнама дүзиў ўазыйпасы тапсырылсын.

3. “Транспорт қуралларын мәжбүрий техникалық көриктен өткериў тәртиби ҳаққында”ғы Режениң 1-бөлими 5-бәнтиниң “а” киши бәнтиндеги транспорт қуралларының техникалық көриги:

биринши мәрте 2016-жылдың 1-март 30-июнь аралығында;

екинши мәрте 2016-жылдың 1-сентябрь 31-октябрь аралығында;

юридикалық тәреплерге қараслы болған транспорт қуралларының техникалық көриги 2016-жылдың 1-март 30-июнь аралығында;

физикалық тәреплерге қараслы болған транспорт қуралларының техникалық көриги 2016-жылдың 1-январь 31-август аралығында өткерилиўи белгиленсин.

4. Райондағы барлық мәкеме, кәрхана, шөлкем ҳәм жәмийетлердиң басшылары тәрепинен есабындағы транспорт қуралларын мәжбүрий техникалық көриктен сапалы өткериўге таярлаў иләжларын көрсин.

5. Райондағы барлық мәкеме, кәрхана, шөлкем, жәмийетлер ҳәм меншигинде транспорт қураллары болған пуқаралар өз транспорт қуралларын белгиленген мүддетлерде мәжбүрий техникалық көриктен өткериўге, техникалық жақтан саз
ҳәм оларды жарамлы аўҳалда алып келиўин тәмийинлесин.

6. “Шымбай ҳаўазы” газетасы редакциясына (Р.Утепбергенов), транспорт қуралларын мәжбүрий техникалық көриктен өткериў басланғанлығын ҳәм өткериў барысын газета бетлеринде жәриялап барыў усыныс етилсин.

7. Шымбай районы ҳәкиминиң 2016-жыл 19-февраль күнги “Шымбай районы аймағында барлық хожалық жүргизиўши субъектлерге ҳәм пуқараларға тийисли болған автомототранспорт қуралларын ҳәм тиркемелерин мәжбүрий техникалық көриктен өткериў ҳаққында”ғы 59-санлы шешими (“Шымбай ҳаўазы” газетасы 2016-жыл 29-февраль 6-сан (8477)) өз күшин жойытқан деп есаплансын.

8. Усы шешим “Шымбай ҳаўазы” газетасында жәриялансын ҳәм ҳәкимлик рәсмий веб-сайтында жайластырылсын.

9. Усы шешимниң орынланыўын қадағалаў район ҳәкиминиң биринши орынбасары Б.Жуманиязовқа ҳәм районлық Ишки ислер бөлими баслығы
П. Ещановларға жүкленсин.

10. Бул шешим рәсмий түрде жәрияланған күннен баслап күшке киреди.

Шымбай районы ҳәкими О.Казакбаев

Tadbir nomiAmalga oshirish mexanizmiAmalga oshirish muddatiIjrochilar
1Шымбай районы аймағында барлық хожалық жүргизиўши субъектлерге ҳәм пуқараларға тийисли болған автомототранспорт қуралларын ҳәм тиркемелерин мәжбүрий техникалық көриктен өткериў ҳаққындаHайон аймағында барлық хожалық жүргизиўши субъектлерге ҳәм пуқараларға тийисли болған автомототранспорт қуралларын ҳәм тиркемелерин мәжбүрий техникалық көриктен өткериў мақсетинде1-март 30-июнь аралыгындаРайондағы барлық мәкеме, кәрхана, шөлкем ҳәм жәмийетлердиң басшылары

So`rovnoma natijalari