Hujjat nomi
«Бозатаў» мәмлекетлик тоғай хожалығына қараслы тоғайзарларда өрттиң алдын алыў ҳәм оған қарсы гүресиўди күшейттириў иләжлары ҳаққында
 To`liq ro'yxatga qaytish
Hujjat turiQaror
Hujjatni qabul qiluvchi tashkilotQoraqalpog'iston Respublikasi Kegeyli tumani hokimligi
Hujjat muallifiQoraqalpog'iston Respublikasi Kegeyli tumani hokimligi
Muhokama boshlanishi (sana)2017-03-06 17:27:22
Muhokama yakunlanishi (sana)2017-03-21 00:00:00
Hujjat ko'rinishiNHH loyihasi
Hujjatning joriy holatiMuhokama yakunlangan

«Бозатаў» мәмлекетлик тоғай хожалығына қараслы тоғайзарларда өрттиң алдын алыў ҳәм оған қарсы гүресиўди күшейттириў иләжлары ҳаққында

[ izohlar (1) ]

Izohlar va ularga berilgan javoblar

Prenov Aman Barlikbaevich 2017-03-17 23:03:37
Иләжлары сөзи «илАжлары» деп жазылса дурыс болады

Районда экологиялық орталықты жақсылаў ҳәм тоғайзарларды көбейтиў, өрттиң алдын алыў,оған қарсы гүресиўди күшейттириў, Өзбекистан Республикасы «Тоғай ҳаққында»ғы Нызамының 32-статьясына ҳәмде Қарақалпақстан Республикасы «Тоғай ҳаққында»ғы Нызамының 35-статьяларына муўапық, район аймағындағы тоғайзарларды өрттен сақлаўды тәмийинлеў мақсетинде, Өзбекистан Республикасы «Жергиликли мәмлекетлик ҳәкимияты ҳаққында»ғы Нызамының 6-статьясына муўапық

ШЕШИМ ЕТЕМЕН:

1. «Бозатаў» мәмлекетлик тоғай хожалығы тоғай фонды аймағында 2017-жыл 1-февралдан баслап 2017-жыл 1-сентябрине шекем «Тоғайзарларда өрт қәўипсизлиги мәўсими» деп белгиленсин.

[ izohlar (1) ]

Izohlar va ularga berilgan javoblar

Prenov Aman Barlikbaevich 2017-03-17 23:08:22
Қарақалпақ тилинде «ҳәмде» сөзи жоқ болганлықтан, оның орнына «ҳәм де» ямаса «және» сөзин қолланған дурысрақ

2. Қарақалпақстан Республикасының «Тоғай ҳаққында»ғы Нызамының 39-статьясына тийкарланып район аймағындағы тоғайзарларда өрт қәўпиниң алдын алыў, ҳайўанатлар ҳәм өсимликлер дүньясын өрт қәўипинен қорғаў бойынша 2017-жылда исленетуғын тийкарғы ис-иләжлар қосымшаға муўапық тастыйықлансын.

[ izohlar (1) ]

Izohlar va ularga berilgan javoblar

Prenov Aman Barlikbaevich 2017-03-17 23:09:19
Ис-иләжлар сөзи «ис-илАжлар» деп жазылса дурыс болады

3. Районлық аўыл ҳәм суў хожалығы бөлими (Қ.Нурымбетов), Бозатаў мәмлекетлик тоғай хожалығы (А.Ерназаров), өрт өшириў бөлими, тәбиятты қорғаў бойынша мәмлекетлик комитетиниң райондағы ўәкиллери, барлық ширкет хожалықлары, дара дийхан ҳәм фермер хожалықлары, аўыл пуқаралар жыйынлары баслықларына тоғайзарларда өрт қәўпиниң алдын алыў, ҳайўанатлар

ҳәм өсимликлер дүньясын өрт қәўипинен қорғаў бойынша айқын иләжлар белгилеў тапсырылсын.

[ izohlar (1) ]

Izohlar va ularga berilgan javoblar

Prenov Aman Barlikbaevich 2017-03-17 23:11:47
иләжлар сөзи «илАжлар» деп жазылса дурыс болады

4. Тоғайларда өрттиң пайда болыўына жол қойған аўыл хожалығы кәрханалары ҳәм фермер хожалықлары басшыларына қатаң интизамий шаралар көрилетуғынлығы ескертип өтилсин.

5. Тоғайларда пайда болған өрттиң себебин анықлаў ҳәм бул бойынша оператив хабарларды район ҳәкимлигине өз ўақтында жеткерип турыў жуўапкершилиги «Бозатаў» мәмлекетлик тоғай хожалығы, барлық ширкет хожалықлары ҳәм де аўыл хожалығы кәрханалары басшыларына жүкленсин.

6. Кегейли районы ҳәкиминиң 2015-жыл 24-апрелдеги 221-04-санлы қарары «Кегейли турмысы» газетасы, 2015-жыл 30-апрель, 8-сан (6100) өз күшин жоғалтқан деп табылсын.

7. Усы шешим район ҳәкимлигиниң «Кегейли турмысы» газетасында рәсмий жариялансын ҳәм ҳәкимлик веб-сайтында жайластырылсын.

8. Усы шешимниң орынланыўын қадағалаў районлық аўыл ҳәм суў хожалығы бөлими баслығы Қ.Нурымбетовқа жүкленсин.

9. Шешим рәсмий түрде жәрияланған күннен баслап күшке киреди.

Кегейли районы ҳәкиминиң

2017-жыл «___»-________ күнги

____-санлы шешимине

қосымша

Район аймағындағы тоғайзарларда өрт қәўипиниң алдын алыў,

ҳайўанатлар ҳәм өсимликлер дүньясын өрт қәўипинен қорғаў бойынша

2017-жылда исленетуғын тийкарғы

ИС-ИЛӘЖЛАРЫ

Иләжлардың атамасы

Орынлаўмүддети

Жуўапкерлер

1.

Район аймағындағы тоғайзарлықларда, пуқаралар арасында өрт қәўипсизлигин тәмийинлеў

Жыл даўамында

Қ.Нурымбетов, А.Ерназаров, хожалық басшылары

2.

Тоғайларға жақын, тоғайзарлықлар менен шегаралас жерлерде жайласқан

атыз басларындағы шөплерди, жап-салмалардағы қамысларды өртеўди қадаған етиў ҳәм бул бойынша айқын иләжлар белгилеў

2017-жыл

март

Ширкет ҳәм фермер хожалық басшылары

3.

Тоғайзарларда өрт қәўипиниң алдын алыў дәўиринде, байрам күнлери
ҳәм дем алыс күнлери орынларда жуўапкер хызметкерлерден нәўбетшиликлер шөлкемлестириў

Жыл даўамында

Қ.Нурымбетов, А.Ерназаров, хожалық басшылары

4.

Тоғайзарларда өрт қәўипи садир болған жағдайларда оны сапластырыў бойынша оператив түрде ҳәрекет етиў

Жыл даўамында

Қ.Нурымбетов, А.Ерназаров,

өрт өшириў бөлими, айрықша жағдайлар бөлими, хожалық басшылары

5.

Тоғайларда өрт өшириў топарларын дүзиў ҳәм олардың тоғай өртин өшириўде оператив түрде ҳәрекет етиўин тәмийинлеў

Жыл даўамында

Қ.Нурымбетов, А.Ерназаров, өрт өшириў бөлими, айрықша жағдайлар бөлими, хожалық басшылары

Tadbir nomiAmalga oshirish mexanizmiAmalga oshirish muddatiIjrochilar
1«Бозатаў» мәмлекетлик тоғай хожалығына қараслы тоғайзарларда өрттиң алдын алыў ҳәм оған қарсы гүресиўди күшейттириў иләжлары ҳаққында 21.03.201706.03.2017Усы шешимниң орынланыўын қадағалаў районлық аўыл ҳәм суў хожалығы бөлими баслығы Қ.Нурымбетовқа жүкленсин.

So`rovnoma natijalari