Hujjat nomi
Яшнобод туман ҳокимининг 2017 йил 25 январдаги 64-сонли қарорини бекор қилиш ва қонун ҳужжатларига мувофиқлаштирилган янги қарор қабул қилиш тўғрисида
 To`liq ro'yxatga qaytish
Hujjat turiQaror
Hujjatni qabul qiluvchi tashkilotToshkent shahar Yashnaobod tumani hokimligi
Hujjat muallifiToshkent shahar Yashnaobod tumani hokimligi
Muhokama boshlanishi (sana)2017-03-15 13:30:18
Muhokama yakunlanishi (sana)2017-03-30 00:00:00
Hujjat ko'rinishiNHH loyihasi
Hujjatning joriy holatiMuhokama yakunlangan

Яшнобод туман ҳокимининг 2017 йил 25 январдаги 64-сонли қарорини бекор қилиш ва қонун ҳужжатларига мувофиқлаштирилган янги қарор қабул қилиш тўғрисида

Ўзбекистон Республикаси Вазирлар Маҳкамасининг 2012 йил 6 декабрдаги 345-сон қарори билан тасдиқланган “Ўзбекистон Республикаси Қишлоқ ва сув хўжалиги вазирлигининг Машина ва асбоб-ускуналарнинг техник ҳолатини назорат қилиш давлат бош инспекцияси тўғрисида”ги Низоми (Ўзбекистон Республикаси қонун ҳужжатлари тўплами, 2012 й., 50-сон, 559-модда, 2016 й., 17-сон, 176-модда), Ўзбекистон Республикаси Қишлоқ ва сув хўжалиги вазирининг 2013 йил 2 апрелдаги 58-сон буйруғи билан тасдиқланган “Қишлоқ хўжалиги ва мелиоратив техникани, шунингдек машина-трактор парклари, устахоналар ва сервис пунктларининг асбоб-ускуналарини техник кўрикдан ўтказиш тартиби тўғрисида”ги Низом (Ўзбекистон Республикаси қонун ҳужжатлари тўплами, 2013 й., 17-сон, 229-модда, 2015 й., 30-сон, 402-модда) ижросини таъминлаш ҳамда туманда 2017 йилда қишлоқ ҳўжалиги ва ва мелиоратив техника, машина-трактор парклари, устахоналар ва сервис пунктларининг асбоб-ускуналарини (бундан буён матнда техника деб юритилади) ҳар йиллик техник кўрикдан ўтказиш мақсадида ҳамда “DAVTEXNAZORAT” инспекциясининг 2016 йил 20 декабрдаги 416-сонли мурожаатига асосан, Яшнобод туманида 2017 йилда қишлоқ ҳўжалиги ва мелиоратив техникани, машина-трактор парклари, устахоналар ва сервис пунктларининг асбоб-ускуналарини техник кўрикдан ўтказиш тўғрисида 2017 йил 25 январда 64-сонли қарори қабул қилинган бўлиб, Тошкент шаҳар адлия бошқармаси томонидан 2017 йил 20 февралда № 03-146/8-сонли тақдимнома киритилиб, ушбу қарор лойиҳаси 2017 йил 27 январда Тошкент шаҳар адлия бошқармасидан хуқуқий экспертизадан ўтказилиб, 2017 йил 25 январда, яъни ҳуқуқий экспертиза хулосаси олинмасдан туриб рўйхатдан ўтказилганлиги сабабли мазкур қарорни бекор қилиб, янгидан қарор қабул қилиш сўралган,

Юқоридагиларга асосан,

Қ А Р О Р Қ И Л А М А Н:

1. туман ҳокимининг 2017 йил 25 январдаги “Яшнобод туманида

2017 йилда қишлоқ ҳўжалиги ва мелиоратив техникани, машина-трактор парклари, устахоналар ва сервис пунктларининг асбоб-ускуналарини техник кўрикдан ўтказиш тўғрисида”ги 64-сонли қарори бекор қилинсин.

2. Яшнобод туманида 2017 йилда қишлоқ ҳўжалиги ва мелиоратив техникани, машина-трактор парклари, устахоналар ва сервис пунктларининг асбоб-ускуналарини техник кўрикдан ўтказиш тўғрисида қуйидагича янги қарор қабул қилинсин.

3. Яшнобод туманида 2017 йилда мулкчилик шаклидан қатъий назар ташкилотларда қишлоқ ҳўжалиги ва мелиоратив техникани, машина-трактор парклари, устахоналар ва сервис пунктларининг асбоб-ускуналарини техник кўрикдан ўтказиш иш режаси 1-иловага ва комиссия таркиби 2-иловага мувофиқ тасдиқлансин.

4. Туман қишлоқ хўжалиги техникалари бўйича давлат инспектори М.Каримкуловага:

техникага мулк ҳуқуқи асосида эга шахсларга (бундан буён матнда мулкдор деб юритилади) техникаларини техник кўрикдан ўтказиш тўғрисидаги билдиришномани техник кўрик ўтказиш кунидан камида ўттиз кун олдин юборишни таъминлаш;

мулкчилик шаклидан қатъи назар барча русумдаги қишлоқ хўжалик ва мелиоратив йўл қурилиш техника воситалари, машина асбоб-ускуналарни йиллик техник кўрикдан ўтказиш тўғрисидаги иш режаси ва комиссия таркибини юридик ва жисмоний шахсларга етказиш;

мулкчилик шаклидан қатъи назар барча русумдаги қишлоқ хўжалик ва мелиоратив йўл қурилиш техника воситаларини йиллик техник кўрикдан ўтказиш майдончаларига йиғиш;

техник кўрикдан ўтган техникаларни далолатномалар асосида ишлашга рухсат беришни ташкил қилиш;

техник кўрикдан ўтмаган ёки техник кўрикка тақдим этилмаган техникалар юзасидан мулкдорга ёзма кўрсатма берилиши ва қайта техник кўрикдан ўтказиш учун ўн кундан кам бўлмаган муддатни белгилаш;

техникани қайта кўрикданўтказиш учун мулкдордан йиғим ундирилмаслик;

мулкдор кўрсатмада белгиланган муддатда техникани қайта техник кўрикдан ўтказмаган ҳолда туман ҳокимлигига маълумот бериш ишларини амалга ошириш топширилсин.

5. Бошқа туманларда фойдаланилаётган техника ушбу манзилдаги давлат инспектори томонидан техника доимий рўйхатдан ўтган давлат инспекторининг сўровномасига асосан техник кўрикдан ўтказилиши белгилансин.

6. Мулкдорларга:

билдиришномани олгандан сўнг техник кўрик ўтказилишидан камида беш кун олдин техник кўрикдан ўтказиладиган техникалар тўғрисида далолатнома тўлдирилсин;

техник кўрикдан ўтказиш учун белгиланган йиғим тўланганлигини тасдиқловчи ҳужжатни техника доимий рўйхатдан ўтган жойдаги давлат инспекторига тақдим этилсин.

7. “DAVTEXNAZORAT” инспекцияси (С.Хаитов):

ташкилотлар раҳбарлари томонидан мазкур қарорни тўлиқ бажариш юзасидан қатъий назорат ўрнатсин.

8. Туман ҳокимлигининг ташкилий-назорат гуруҳи (С.Тулаганов) ва Тошкент шаҳар ҳокимлигининг “Компьютерлаштириш маркази”ДУКнинг Яшнобод туман тармоқ администратори (А.Касимов):

“Тошкент оқшоми” ва “Вечерний Ташкент” газеталарида мазкур қарор расмий эълон қилиниши ва www.yashnobod.uz веб-сайтига жойлаштирилиши таъминлансин.

9. Мазкур қарор матбуотда расмий эълон қилинган кундан эътиборан кучга киради.

10. Ушбу қарорнинг бажарилишини назорат қилиш туман ҳокимининг ўринбосари Х.К.Тиллашайхов зиммасига юклансин.

Туман ҳокими Ф.Хакимов

Tadbir nomiAmalga oshirish mexanizmiAmalga oshirish muddatiIjrochilar
1Яшнобод туман ҳокимининг 2017 йил 25 январдаги 64-сонли қарорини бекор қилиш ва қонун ҳужжатларига мувофиқлаштирилган янги қарор қабул қилиш тўғрисидаЯшнобод туманида 2017 йилда қишлоқ ҳўжалиги ва мелиоратив техникани, машина-трактор парклари, устахоналар ва сервис пунктларининг асбоб-ускуналарини техник кўрикдан ўтказиш тўғрисида қуйидагича янги қарор қабул қилинсин.15 kunтуман ҳокимининг ўринбосари Х.К.Тиллашайхов

So`rovnoma natijalari