Hujjat nomi
Оқолтин туманида 2018 йилда ҳақ тўланадиган жамоат ишларини ташкиллаштириш тўғрисида
 To`liq ro'yxatga qaytish
Hujjat turiQaror
Hujjatni qabul qiluvchi tashkilotSirdaryo viloyati Oqoltin tuman hokimligi
Hujjat muallifiSirdaryo viloyati Oqoltin tuman hokimligi
Muhokama boshlanishi (sana)2017-08-28 17:37:31
Muhokama yakunlanishi (sana)2017-09-12 23:59:00
Hujjat ko'rinishiNHH loyihasi
Hujjatning joriy holatiMuhokama yakunlangan

ЛОЙИҲА

СИРДАРЁ ВИЛОЯТИ ОҚОЛТИН ТУМАНИ ҲОКИМИ ҚАРОРИ

2017 йил «___» _____________ № ______ сон Сардоба ш.

Оқолтин туманида 2018 йилда ҳақ тўланадиган жамоат ишларини ташкиллаштириш тўғрисида

Ўзбекистон Республикаси Вазирлар Махкамасининг 1999 йил 353-сонли қарорига мувофиқ Оқолтин туман худудидаги иш билан банд бўлмаган «ишсиз»лик мақоми берилган фуқароларни ишга жойлаштириш борасида вужудга келган оғир вазиятдан чиқиш хамда туман Бандликка кўмаклашиш марказининг таклифларига кўра ташкилот ва корхоналарда ҳақ тўланадиган жамоат ишларини яъни, хамма учун қулай, махсус касб-хунар тайёргарлиги талаб қилмайдиган, вақтинчалик иш жойларини барпо этиш мақсадида, Ўзбекистон Республикаси Махаллий давлат хокимияти тўғрисида»ги қонуннинг 6,25- моддасига асосан,

Қ А Р О Р Қ И Л А М А Н :

1.2018 йил давомида банд бўлмаган ахоли қатлами учун жамоат ишлари ташкил этиладиган туман корхоналари, муассасалари, ташкилотлари ва фермер хўжаликлари рўйхати 1 иловага мувофиқ тасдиқлансин.Ҳақ тўланадиган жамоат ишларини ташкил этиш бўйича иш турларининг намунавий рўйхати 2 иловага мувофиқ тасдиқлансин.

2. 2 иловада келтирилган иш берувчилар рахбарларига - туман Бандликка кўмаклашиш маркази билан биргаликда шартномалар асосида 2018 йил давомида ҳақ тўланадиган жамоат ишларини ташкил этиш вазифаси юклатилсин.

3.Ҳақ тўланадиган жамоат ишларини маблағ билан таъминлаш иш берувчилар томонидан ўз маблағлари, шунингдек махаллий бюджет ва иш билан таъминлашга кўмаклашиш давлат жамгармаси маблағлари хисобига амалга оширилади. Бунда ҳақ тўланадиган жамоат ишларига жалб қилинган фуқаролар меҳнатига ҳақ тўлаш харажатларининг: 1

- давлат хокимияти органига қарашли корхоналар, муассасалар ва ташкилотлар буйича - эллик фоизи иш берувчилар маблағлари, эллик фоизи махаллий бюджет ва Иш билан таъминлашга кўмаклашиш давлат жамғармаси маблағлари хисобига:

- бошқа корхоналар, муассасалар ва ташкилотлар бўйича - етмиш беш фоизи иш берувчилар маблағлари ва йигирма беш фоизи иш билан таъминлашга кўмаклашиш давлат жамғармаси маблағлари хисобига амалга оширилади.

4. Корхона, ташкилот ва муассасалар рахбарлари туман Бандликка кўмаклашиш маркази билан биргаликда хақ тўланадиган жамоат ишларини ташкиллаштиришни Вазирлар Махкамасининг 1999 йилдаги 353-сонли қарорининг 1-иловаси асосида яъни «Ўзбекистон Республикасида ҳақ тўланадиган жамоат ишларини ташкил қилиш ҳақида»ги Низомга асосан амалга оширсин.

5. Мазкур қарор қабул қилиниши муносабати билан туман хокимининг 2017 йил 11 ноябрдаги № 477-сонли «Ҳақ тўланадиган жамоат ишларини ташкиллаштириш тўғрисида»ги қарори ўз кучини йўқотган деб хисоблансин.

6.Мазкур қарор “Оқолтин овози” газетасида эълон қилинсин ва хокимликнинг расмий веб-сайтига жойлаштирилсин.

7. Ушбу қарор расмий нашрда эълон қилингач уч ой ўтгач кучга киради.

8.Ушбу қарор ижросини назорати туман хокими биринчи ўрибосари О.Абдуллаев зиммасига юклатилсин.

ХОКИМ: Д.ФАЗИЛОВ

Оқолтин туман Хокимининг 2017 йил

«___»_________даги № __ сонли қарорига

1 илова

2018 йил давомида банд бўлмаган ахоли қатлами учун жамоат ишлари ташкил этиладиган туман корхоналари, муассасалари, ташкилотлари ва фермер хўжаликлари рўйхати

Шартнома тузиб, жамоат ишлари олиб борадиган ташкилотлар, корхоналар ва хўжаликлар номи.

Жамоат ишларида қатнашадиган фуқаролар сони

Жамоат иши муддати

1

«Навруз нури зиё» уй жой мулкдорлар ширкати

3

бир ой

2

«Оқолтиндавсувмахсуспудрат» давлат унитар корхонаси

4

бир ой

3

Туман сув истемолчилари уюшмаларига қарашли фермер хўжаликлари

3

бир ой

ЖАМИ

10

Tadbir nomiAmalga oshirish mexanizmiAmalga oshirish muddatiIjrochilar
1Оқолтин туманида 2018 йилда ҳақ тўланадиган жамоат ишларини ташкиллаштириш тўғрисидатуман корхона ва ташкилотлари2018 йил давомидакарорнинг 1 иловасида курсатилган иш берувчилар

So`rovnoma natijalari