Hujjat nomi
Социаллық қорғаўға мүтәж ҳәм жумыс табыўда қыйналып атырған шахсларды жумысқа жайластырыў ушын жумыс орынларын бәнт етип қойыў тәртиби ҳаққындағы Реже”ге тийкар социаллық қорғаўға мүтәж ҳәм жумыс табыўда қыйналып атырған шахсларды жумысқа орналастырыў бойынша
 To`liq ro'yxatga qaytish
Hujjat turiQaror
Hujjatni qabul qiluvchi tashkilotQoraqalpog'iston Respublikasi Nukus tumani hokimligi
Hujjat muallifiQoraqalpog'iston Respublikasi Nukus tumani hokimligi
Muhokama boshlanishi (sana)2017-11-14 11:43:01
Muhokama yakunlanishi (sana)2017-11-29 23:59:00
Hujjat ko'rinishiNHH loyihasi
Hujjatning joriy holatiMuhokama yakunlangan

1

« жойбар »

НӨКИС РАЙОНЫ ҲӘКИМИНИҢ ШЕШИМИ

№ ____________ «____»___________ 2017-ж



Cоциаллық қорғаўға мүтәж ҳәм жумыс табыўда қыйналып атырған шахсларды жумысқа орналастырыў ушын жумыс орынларын
2018-жыл ушын бәнт етип қойыў ҳаққында

Өзбекистан Республикасының “Халықты жумыс пенен тәмийинлеў ҳаққында”ғы Нызамның 17-статьясы, “Майыпларды социаллық қорғаў ҳаққында”ғы Нызамның 25-статьясы, Өзбекистан Республикасы Министрлер Кабинетиниң 2008-жыл 20 августтағы 186-санлы қарары
менен тастыйқланған “Социаллық қорғаўға мүтәж ҳәм жумыс табыўда қыйналып атырған шахсларды жумысқа жайластырыў ушын жумыс орынларын бәнт етип қойыў тәртиби ҳаққындағы Реже”ге тийкар социаллық қорғаўға мүтәж ҳәм жумыс табыўда қыйналып атырған шахсларды жумысқа орналастырыў ушын районда 2018-жыл ушын жумыс орынларын бәнт етип қойыў мақсетинде

Ш Е Ш И М Е Т Е М Е Н:

1. Өзбекистан Республикасының “Халықты жумыс пенен тәмийинлеў ҳаққында”ғы Нызамның 17-статьясына тийкар социаллық қорғаўға мүтәж ҳәм жумыс табыўда қыйналып атырған шахсларды жумысқа орналастырыў ушын райондағы кәрханалар, шөлкемлер ҳәм мәкемелер
ушын жумысшылардың дизим бойынша орташа санынан 66 адамды қурайтуғын 7 пайыз муғдарында, сол есаптан:
а) майыплар ушын 3 пайыз - 2 адам;
б) 14 жасқа толмаған балалары ҳәм майып балалары бар жалғыз
ҳәмде көп балалы ата-аналар ушын 6,9 пайыз - 5 адам;
в) билимлендириў мәкемелерин питкериўши жаслар ушын 54,5 пайыз 48-адам;
г) мүддетли әскерий хызметтен босатылғанлар ушын 5 пайыз - 4 адам;
д) районлық Бәнтликке көмеклесиў орайында жумыс излеўши сыпатында есапта турған пенсия жасына жақынласып қалған шахслар
ушын 6,9 пайыз - 4 адам;
е) жазаны орынлаў мәкемелеринен азат етилген, жазаны өтеп атырған яки суд қарарына тийкар медициналық характердеги мәжбүрий шаралар қолланылған шахслар ушын 7,9 пайыз - 5 адам;
ж) киши жастағы балалары болған ислемейтуғын ҳаяллар 9 пайыз
8 адам;
з) социаллық әҳмийетли кеселликлер менен наўқасланған шахслар ушын 3,4 пайыз 2 адам;
и) адам саўдасынан жәбирленгенлер ушын 3,4 пайыз 3 адам муғдарында жумыс орынлары резерви белгиленсин.
2. 2018-жылда социаллық қорғаўға мүтәж ҳәм жумыс табыўда қыйналып атырған шахсларды жумысқа орналастырыў ушын жумыс орынларын 2018-жыл ушын бәнт етип қойыў лазым болған кәрханалар дизими 1-қосымшаға, социаллык қорғаўға мүтәж ҳәм жумыс табыўда қыйналып атырған шахсларды жумысқа орналыстырыў ушын жумыс орынларын 2018-жыл ушын бәнт етип қойыў бойынша арнаўлы комиссия қурамы 2-қосымшаға тийкар тастыйқлансын.
3. Кәрхана, шөлкем ҳәм мәкемелер басшыларына социаллық қорғаўға мүтәж ҳәм жумыс табыўда қыйналып атырған шахсларды жумыс
пенен тәмийинлеў ушын 2018-жыл жуўмақланыўынан 10 күн алдын квота жумыс орынлары улыўма муғдарының кеминде 25 пайызы
ушын 2018-жылдың 10 апрелинен кешикпей жумыс орынларының қалған бөлеги 75 пайызын қураў (ажыратыў яки бәнт етип қойыў) ҳақкындағы, яғный ҳәр бир квота тайыпасы бойынша жумыс орынлары бәнт етип қойылатуғын кәсиплер ҳәм лаўазымлар, қәнигеликлер кесиминдеги мағлыўматларды ҳәм шешим бойынша шығарылған буйрық нусқаларын районлық Бәнтликке көмеклесиў орайына усыныў ўазыйпалары жүклетилсин.
4. Районлық кәрхана, шөлкем ҳәм мәкемелер басшылары социаллық қорғаўға мүтәж ҳәм жумыс табыўда қыйналып атырған шахслар
ушын жумыс орынларының көрсетип өтилген муғдарын Министрлер Кабинетиниң 2008-жыл 20-августтағы 186-санлы қарары
менен тастыйқланған “Социаллық қорғаўға мүтәж ҳәм жумыс табыўда қыйналып атырған шахсларды жумысқа орналастырыў ушын жумыс орынларын бәнт етип қойыў тәртиби ҳаққында”ғы Режеге муўапық белгиленген мүддетлерде ҳәм тәртипте жаратылыўын (ажыратылыўын
яки бәнт етип қойылыўын) ҳәмде жумыс орынлары санитариялық гигиеналық нормаларына ҳәм жумысшы өз миннетлерин биймәлел орынланыўын тәмийинлейтуғын мийнет шәраятларына муўапық болыўын тәмийинлесин.
5. Усы шешим орынланыўы тәмийинлебеген жағдайда шөлкеминиң лаўазымлы шахсларына “Социаллық қорғаўға мүтәж ҳәм жумыс табыўда қыйналып атырған шахсларды жумысқа орналастырыў ушын жумыс орынларын бәнт етип қойыў тәртиби ҳаққында”ғы Режениң 15-бәнтине муўапық жәрийма салынады.
6. Өзбекистан Республикасы Министрлер Кабинетиниң 2008-жыл
20- августтағы 186-санлы қарары менен тастыйқланған “Социаллық қорғаўға мүтәж ҳәм жумыс табыўда қыйналып атырған шахсларды жумысқа жайластырыў ушын жумыс орынларын бәнт етип қойыў ҳаққында”ғы Режеге тийкар социаллық қорғаўға мүтәж ҳәм жумыс излеўде қыйналып атырған шахслар ушын бәнт етип қойылатуғын жумыс орынларын район ҳәкими тәрепинен белгиленген муғдардан артықша шөлкемлестирген шөлкемлер усы жумыс орынларын шөлкемлестириўге сарпланған қаржылардың бир бөлегин районлық Бәнтликке көмеклесиў орайы менен дүзилген шәртнама тийкарында Бәнтликке көмеклесиў орайының жамғарма фонды қаржылары есабынан қаплаў ҳуқықына ийе екенликлери есапқа алынсын.
7. Районлық Бәнтликке көмеклесиў орайы директоры ўазыйпасын ўақтынша атқарыўшы (Р.Ембергенов) усы шешимди тийисли кәрхана ҳәм шөлкем басшыларына жеткизсин ҳәмде оның орынланыўы үстинен қатаң қадағалаўды тәмийинлесин.
8. Нөкис районы ҳәкиминиң 2016-жыл ноябрь айындағы “Социаллық қорғаўға мүтәж ҳәм жумыс табыўда қыйналып атырған шахсларды жумысқа орналастырыў ушын жумыс орынларын 2017-жыл ушын бәнт етип қойыў ҳаққында”ғы 1236/11-санлы шешими (“Ақманғыт таңы” 21 (4404) 2017-жыл 31-декабрьден өз күшин жойтқан деп есаплансын.
9. Усы шешимниң орынланыўын қадағалаў район ҳәкиминиң биринши орынбасары М.Қудайбергеновқа жүклетилсин.
10. Бул шешим районлық “Ақманғыт таңы” газетасында рәсмий түрде жәрияланған күннен баслап күшке киреди ҳәм ҳәкимлик веб-сайтында жәриялансын.

Tadbir nomiAmalga oshirish mexanizmiAmalga oshirish muddatiIjrochilar
1Cоциаллық қорғаўға мүтәж ҳәм жумыс табыўда қыйналып атырған шахсларды жумысқа орналастырыў ушын жумыс орынларын 2018-жыл ушын бәнт етип қойыў ҳаққында Жумыс пенен тамийинлеу бойынша29.11.2017Нокис районы хакимлиги, районлык бантликке комеклесиу орайы хам тийисли карханалар

So`rovnoma natijalari