Hujjat nomi
Қараөзек районының 2018-жылғы бюджет параметрлерин тастыйықлаў ҳаққында
 To`liq ro'yxatga qaytish
Hujjat turiQaror
Hujjatni qabul qiluvchi tashkilotQoraqalpog'iston Respublikasi Qorauzak tumani hokimligi
Hujjat muallifiQoraqalpog'iston Respublikasi Qorauzak tumani hokimligi
Muhokama boshlanishi (sana)2017-12-30 11:21:05
Muhokama yakunlanishi (sana)2018-01-14 23:59:00
Hujjat ko'rinishiNHH loyihasi
Hujjatning joriy holatiMuhokama yakunlangan

ЖОЙБАР

Халық депутатлары Қараөзек районлық Кеңеси

Ш Е Ш И М И

Қараөзек районының 2018-жылғы бюджет параметрлерин тастыйықлаў ҳаққында

Қараөзек районы жергиликли бюджетиниң 2017-жылғы дәрамат ҳәм қәрежетлери бойынша тийкарғы көрсеткишлериниң орынланыўы ҳәмде 2018-жылғы белгиленген тийкарғы параметрлерин қарап шығып, Қарақалпақстан Республикасы «Жергиликли мәмлекетлик ҳәкимияты ҳаққында»ғы Нызамының 5 ҳәм21-статьясына тийкар Қараөзек районлық Халық депутатлары Кеңеси

ШЕШИМ ЕТЕДИ:

1. Қараөзек районы жергиликли бюджетиниң 2017-жылғы дәрамат
ҳәм қәрежетлер бөлегиниң тийкарғы көрсеткишлериниң орынланыўы мағлыўмат ушын қабыл етилсин.

2. Қараөзек районының 2018-жылға мөлшерленген жергиликли бюджетиниң дәраматлар,мақсетли субвенция бөлеги 1-қосымшаға;

3. Қараөзек районының 2018-жылға мөлшерленген жергиликли бюджетиниң қәрежетлер бойынша тийкарғы көрсеткишлери2-қосымшаға муўапықтастыйықлансын.

4. Қараөзек районы Финанс бөлимине белгиленген тәртипте тийисли жергиликли бюджетлерге қәрежетлер ҳәм бюджет ссудалары (дәрамат
ҳәм қәрежетлер арасындағы ўақтыншалық касса айырмашылықларды қаплаў ушын) ажыратыўда, олардың муғдарларын район бойынша барлық салықлар
ҳәм басқа мәжбүрий төлемлердиң толық түсиўинен, сондай-ақ, ис ҳақы (жеке социаллық төлем менен), напақалар ҳәм оларға теңлестирилген төлемлер бойынша бюджет қәрежетлери биринши нәўбетте сөзсиз қаржыландырылыўы зәрүрлигинен келип шыққан ҳалда анықластырыў ҳуқықы берилсин.

5. Қараөзек районы ҳәкиминиң социаллық-экономикалық раўажландырыўы мәселелери бойынша орынбасары (Б.Ильясов) тийисли мекеме басшылары менен биргеликте:

бюджет дәраматларының тастыйықланған көрсеткишлериниң орынланыўын тәмийинлеў;

район ҳәкимлигиниң тийисли бюджетлер дәраматлары ҳәм қәрежетлери балансына тәсир көрсетиўши норматив-ҳуқықый ҳүжжетлерди финанслық ҳәм экономикалық экспертизадан өткериў мақсетинде Қарақалпақстан Республикасы Финанс Министрлигине усынып барыў;

аймақларда салық салыў базасын кеңейттиў ҳәмде финанслық жағдайын жақсылаў бойынша зәрүр иләжлар көриў;

бюджет қаржыларының мақсетли жумсалыўы үстинен қатаң қадағалаў ўазыйпалары жүкленсин.

6. Районлық Мәмлекетлик салық инспекциясы (Б.Қарабаев)район жергиликли бюджетиниң дәраматлар бөлегин салық түрлери бойынша асырып барылыўын тәмийинлесин.

7. Қараөзек районлық Финанс бөлими (Д.Пирниязова)не:

- республикамызда 2017-жылдың «Халық пенен пикирлесиў ҳәм инсан мәплери жылы» деп жәрияланыўы мүнәсибети менен Қараөзек районы жергиликли бюджетиниң 2017-жыл даўамында жергиликли бюджет қәрежетлериниң қысқарыўы нәтийжесинде пайда болған қосымша қаржылар дереги есабынан районның социаллық-экономикалық раўажландырыў барысындағы ис-иләжларды әмелге асырыў ушын зәрүр өзгерислер киритип барыў;

бюджеттен қаржы алыўшылардың бюджеттен қаржы менен тәмийинлеўдиң тийкарлылығын терең анализ қылып барыў;

зәрүр жағдайда бюджет қаржыларынан сақланыўы тийкарсыз деп табылған ҳәм бюджет қаржыларының мақсетсиз жумсалыў жағдайлары пайда болған бюджет мекемелерин қысқарттырыў мәселелери бойынша район ҳәкимлигине ҳәм тийисли басқармаларға усыныс киритиў;

Халық депутатлары Қараөзек районлық Кеңесине жергиликли бюджеттиң орынланыўы бойынша ҳәр шеректе есабат киритип барыў;

район Ғазнашылық бөлимшеси менен биргеликте бюджет қаржыларының мақсетли жумсалыўы ҳәмде олардың мақсетсиз жумсалыўының алдын алыў үстинен ғазнашылық орынланыўы дизими арқалы қатаң қадағалаўға алыў тапсырылсын.

8. Усы шешимниң қабыл етилиўине байланыслы Халық депутатлары Қараөзек районлық Кеңесиниң 2017-жыл 17-январь күнги XX/51-санлы қарары бийкар етилсин.

9. Шешим районлық «Мийнет байрағы» газетасында ҳәмде ҳәкимликтиң веб сайтында жәриялансын.

10. Усы шешимниң орынланыўын қадағалаў Халық депутатлары Қараөзек районлық Кеңесиниң Жергиликли бюджет, экономикалық реформаларды әмелге асырыў ҳәм исбилерменликти раўажландырыў мәселелери бойынша турақлы комиссиясына тапсырылсын.

11. Шешим рәсмий жәрияланған күннен баслап күшке киреди.

Халық депутатлары

Қараөзек районлықКеңесиниң баслығы: Д.Утемуратов

Tadbir nomiAmalga oshirish mexanizmiAmalga oshirish muddatiIjrochilar
1Қараөзек районының 2018-жылғы бюджет параметрлерин тастыйықлаў ҳаққындаҚараөзек районының 2018-жылғы бюджет параметрлерин тастыйықлаў 2018-жыл 31-декабрьБ.Ильясов, Д.Пирниязова

So`rovnoma natijalari