Hujjat nomi
2018-жыл ушын Хожели районының бюджет параметрлерин тастыйықлаў ҳаққында
 To`liq ro'yxatga qaytish
Hujjat turiQaror
Hujjatni qabul qiluvchi tashkilotQoraqalpog'iston Respublikasi Xujayli tumani hokimligi
Hujjat muallifiQoraqalpog'iston Respublikasi Xujayli tumani hokimligi
Muhokama boshlanishi (sana)2018-01-03 12:40:56
Muhokama yakunlanishi (sana)2018-01-18 23:59:00
Hujjat ko'rinishiNHH loyihasi
Hujjatning joriy holatiMuhokama yakunlangan

2018-жыл ушын Хожели районының бюджет параметрлерин тастыйықлаў ҳаққында

Өзбекистан Республикасы Бюджет кодексиниң 100-статьясы, Өзбекистан Республикасы Президентиниң 2017-жыл 29-декабрьдеги “Өзбекистан Республикасының 2018-жылғы тийкарғы макроэкономикалық көрсеткишлери прогнозы ҳәм Мәмлекетлик бюджет параметрлери ҳаққында”ғы ПҚ-3454-санлы қарары ҳәм Қарақалпақстан Республикасы Жоқарғы Кенесиниң 2017 жыл 30 декабрьдеги 161/XIX-санлы сессия қарарының орынланыўын тәмийинлеў мақсетинде, Хожели районы жергиликли бюджетиниң 2018-жылғы дәрамат ҳәм қәрежетлери бойынша тийкарғы көрсеткишлериниң күтилип атырған орынланыўы ҳәмде 2017-жылғы белгиленген тийкарғы параметрлерин қарап шығып, Халық депутатлары Хожели районлық Кеңеси

ШЕШИМ ЕТЕДИ:

1. Өзбекистан Республикасы Бюджет кодексиниң 100-статьясы, Өзбекистан Республикасы Президентиниң 2017-жыл 29-декабрьдеги “Өзбекистан Республикасының 2018-жылғы тийкарғы макроэкономикалық көрсеткишлери прогнозы ҳәм Мәмлекетлик бюджет параметрлери ҳаққында”ғы ПҚ-3454-санлы қарары ҳәм Қарақалпақстан Республикасы Жоқарғы Кенесиниң 2017 жыл 30 декабрьдеги 161/XIX-санлы сессия қарары орынлаў ушын басшылыққа алынсын.

2. Хожели районы жергиликли бюджетиниң 2018-жылғы дәрамат
ҳәм қәрежетлер бөлегиниң тийкарғы көрсеткишлериниң күтилип атырған орынланыўы мағлыўмат ушын қабыл етилсин.

3. Хожели районының 2018-жылға мөлшерленген жергиликли бюджетиниң дәраматлар бөлеги 1-қосымшаға, қәрежетлер бойынша бөлеги 2-қосымшаға муўапықтастыйықлансын.

4. Хожели районы Қаржы бөлимине белгиленген тәртипте тийисли жергиликли бюджетлерге қәрежетлер ҳәм бюджет ссудалары (дәрамат ҳәм қәрежетлер арасындағы ўақтыншалық касса айырмашылықларды қаплаў ушын) ажыратыўда, олардың муғдарларын район бойынша барлық салықлар ҳәм басқа мәжбүрий төлемлердиң толық түсиўинен, сондай-ақ ис ҳакы (жеке социаллық төлем менен), напақалар ҳәм оларға теңлестирилген төлемлер бойынша бюджет қәрежетлери биринши нәўбетте сөзсиз қаржыландырылыўы зәрүрлигинен келип шыққан анықластырыў ҳуқықы берилсин.

5. Хожели районы ҳәкиминиң экономикалық ҳәм исбилерменлик мәселелери бойынша биринши орынбасары (П.Алламуратов) тийисли мәкеме басшылары менен биргеликте:

-бюджет дәраматларының тастыйықланған көрсеткишлериниң орынланыўын тәмийинлеў;

-аймақларда салық салыў базасын кеңейтиў ҳәмде финанслық жағдайын жақсылаў бойынша зәрүр иләжлар көриў;

-бюджет қаржыларының мақсетли жумсалыўы үстинен қатаң қадағалаў жүргизсин.

6. Районлық Мәмлекетлик салық инспекциясы (К.Алиев)район жергиликли бюджетиниң дәраматлар бөлегин салық түрлери бойынша асырып барылыўын тәмийинлесин.

7. Хожели районлық Қаржы бөлими (Ш.Елмуратов)не:

2018-жылды «Белсенди исбилерменлик, инновациялық идеялар ҳәм технологияларды қоллап-қуўатлаў жылы» деп жәрияланыўы мүнәсибети мененХожели районы жергиликли бюджетиниң 2018-жыл даўамында жергиликли бюджет қәрежетлериниң қысқарыўы нәтийжесинде пайда болған қосымша қаржылар дереги есабынан районның социаллық-экономикалық раўажландырыў барысындағы ис-иләжларды әмелге асырыў ушын зәрүр өзгерислер киритип барыў;

бюджеттен қаржы алыўшылардың бюджеттен қаржы менен тәмийинлеўдиң тийкарлылығын терең анализ қылып барыў;

зәрүр жағдайда бюджет қаржыларынан сақланыўы тийкарсыз деп табылған ҳәм бюджет қаржыларының мақсетсиз жумсалыў жағдайлары пайда болған бюджет мекемелерин қысқарттырыў мәселелери бойынша район ҳәкимлигине ҳәм тийисли басқармаларға усыныс киритиў;

Халық депутатлары Хожели районлық Кеңесине жергиликли бюджеттиң орынланыўы бойынша ҳәр шеректе есабат киритип барыў;

район ғазнашылық бөлинбеси менен биргеликте бюджет қаржыларының мақсетли жумсалыўы ҳәмде олардың мақсетсиз жумсалыўының алдын алыў үстинен ғазнашылық орынланыўы дизими арқалы қатаң қадағалаўға алыў тапсырылсын.

8. Шешим районлық «Хожели ҳақыйқаты» газетасында ҳәмде ҳәкимликтиң веб сайтында жәриялансын.

9.Усы шешимниң орынланыўын қадағалаў Халық депутатлары Хожели районлық Кеңесиниң Жергиликли бюджет, экономикалық реформаларды әмелге асырыў ҳәм исбилерменликти раўажландырыў мәселелери бойынша турақлы комиссиясына тапсырылсын.

10. Шешим рәсмий жәрияланған күннен баслап күшке киреди.

Халық депутатлары Хожели

районлық Кеңесиниң баслығы: Д.Кайпов

Сессия хаткери А.Кыличев

Tadbir nomiAmalga oshirish mexanizmiAmalga oshirish muddatiIjrochilar
12018-жыл ушын Хожели районының бюджет параметрлерин тастыйықлаў ҳаққындаҚарақалпақстан Республикасы Жоқарғы Кенесиниң 2017 жыл 30 декабрьдеги 161/XIX-санлы сессия қарары 2018 жылУсы шешимниң орынланыўын қадағалаў Халық депутатлары Хожели районлық Кеңесиниң Жергиликли бюджет, экономикалық реформаларды әмелге асырыў ҳәм исбилерменликти раўажландырыў мәселелери бойынша турақлы комиссиясы

So`rovnoma natijalari