Hujjat nomi
Райондағы аўыл хожалығы ҳәм мелиоратив техникаларды, сондай-ақ машина-трактор парклери, устаханалар ҳәм сервис пунктлериниң әспаб-үскенелерин техникалық көриктен өткериў ҳаққында
 To`liq ro'yxatga qaytish
Hujjat turiQaror
Hujjatni qabul qiluvchi tashkilotQoraqalpog'iston Respublikasi Nukus tumani hokimligi
Hujjat muallifiQoraqalpog'iston Respublikasi Nukus tumani hokimligi
Muhokama boshlanishi (sana)2018-01-10 10:52:36
Muhokama yakunlanishi (sana)2018-01-27 10:00:00
Hujjat ko'rinishiNHH loyihasi
Hujjatning joriy holatiMuhokama yakunlangan

«ЖОЙБАР»

НӨКИС РАЙОНЫ ҲӘКИМИНИҢ ШЕШИМИ

2018-жыл “___” _________ №___Нөкис районы

Райондағы аўыл хожалығы ҳәм мелиоратив техникаларды, сондай-ақ машина-трактор парклери, устаханалар ҳәм сервис пунктлериниң

Қарақалпақстан Республикасы Министрлер Кенеси жанындағы “Давтехназорат” инспекциясының 2018-жыл ___-январьдағы _ - санлы буйрығы ҳәмде Өзбекистан Республикасы Әдиллик министрлигинен 2013-жыл 25-апрельде 2452-сан менен дизимге алынған Өзбекистан Республикасы Аўыл ҳәм суў хожалығы министрлигиниң 2013-жыл 2-апрельдеги 58-санлы буйрығы менен тастыйықланған «Аўыл хожалығы ҳәм мелиоратив техниканы, сондай-ақ машина-трактор парклери, устаханалар ҳәм сервис пунктлериниң әспаб-үскенелерин техникалық көриктен өткериў тәртиби ҳаққында» ғы Режеге тийкарланып, районда 2018-жылы аўыл хожалығы ҳәм мелиоратив техникаларды, машина-трактор парклери, устаханалар ҳәм сервис пунктлериниң әспаб-үскенелерин ҳәр жыллық техникалық көриктен өткериў мақсетинде ҳәмде “Жергиликли мәмлекетлик ҳәкимият ҳаққында» ғы Өзбекистан Республикасы Нызамның 6-статьясына тийкарланып

Ш Е Ш И М Е Т Е М Е Н:

1. Район аймағындағы аўыл хожалығы ҳәм мелиоратив техника, әсбап-үскенелерин, 2018-жылы техникалық көриктен өткериўши район комиссиясы 1-қосымшаға, райондағы аўыл хожалығы ҳәм мелиоратив техникаларды, сондай-ақ, машина-трактор парклери, устаханалар ҳәм сервис пунктлериниң әсбап-үскенелерин жыллық техникалық көриктен өткериў ис режеси 2-қосымшаға муўапық тастыйықлансын.

2. Техникалық көриктен өткериўши район комиссиясына:

а) мүликшилик түриниң қандай болыўына қарамастан барлық маркадағы аўыл хожалығы ҳәм мелиоратив техникаларды, сондай-ақ, машина-трактор парклери, устаханалар ҳәм сервис пунктлериниң әсбап-үскенелерин жыллық техникалық көриктен өткериў бойынша ис режени юридикалық ҳәм физикалық шахсларға жеткизиў;

б) техникалық талапқа жуўап бермейтуғын, техникалық насаз техникаларды ислетпеўди ҳәм пайдаланыўды қадаған етиў;

в) техникалық көрик даўамында аўыл хожалығы ҳәм мелиоратив техникаларды сондай-ақ, машина-трактор парклери, устаханалар ҳәм сервис пунктлериниң әсбап-үскенелериниң мәўсимге таярлығы, ҳәр бир тракторшы-машинисттиң тийисли техниканы басқарыў ушын рухсат етилген категориясының барлығын, техникалардың белгиленген тәртипте дизимнен өткизилгенлиги ҳәм басқа техникалық талапларға жуўап бериўине итибар қаратыў;

г) техникалық көриктен өткен техникаларды баяннамалар тийкарында ислеўге рухсат бериўди шөлкемлестириў ўазыйпалары жүкленсин.

3. Райондағы барлық фермер хожалықлары, оларға хызмет көрсетиўши кәрхана, шөлкем, коммерциялық банклер ҳәм мәҳәлле баслықларына:

а) есабында бар болған аўыл хожалық ҳәм мелиоратив техникаларды, әсбап-үскенелерди техникалық көриктен өз мүддетинде өткериў ушын таярлап, белгиленген майданшаларға жыйнаў;

б) техникалық көриктен өткерилген ҳәр бир техника ушын өндирилетуғын жыйымларды өз ўақтында төлениўин тәмийинлеў;

в) ҳәр бир мәҳәлле, өз аймағындағы жеке меншик техникаларды техникалық көриктен өтиўин шөлкемлестириў ўазыйпасы жүкленсин.

4. Район ҳәкиминиң биринши орынбасары М.Қудайбергеновқа:

райондағы кәрхана, шөлкем, машина-трактор парклери, ашық акционерлик жәмийетлери, бәсекелес машина - трактор парклери, фермер хожалықлары ҳәм пуқараларда бар болған аўыл хожалығы ҳәм мелиоратив техникаларды, әсбап - үскенелерди жыллық техникалық көриктен өткериў менен байланыслы болған жыйымларды төлеўге әмелдеги тәртиплерге тийкарланып әмелий жәрдем бериў тапсырылсын.

5. Бул шешим районлық «Ақманғыт таңы» газетасында жәрияланған күннен баслап күшке киреди ҳәм ҳәкимликтиң веб-сайтында жәриялансын.

6. Район ҳәкиминиң 2017-жыл 11-февраль күнги «Райондағы аўыл хожалығы ҳәм мелиоратив техникаларды, сондай-ақ машина-трактор парклери, устаханалар ҳәм сервис пунктлериниң әсбап-үскенелерин техникалық көриктен өткериў ҳаққында»ғы №150/2-санлы («Ақмаңғыт таңы»газетасы, 2017-жыл11-февраль, 3-4(4410-4411)-саны) шешими өз күшин жойытқан депесаплансын.

7.Усы шешимниң орынланыўын қадағалаў, район ҳәкиминиң биринши орынбасары М.Қудайбергеновтың ўазыйпасына жүкленсин.

Нөкис районы ҳәкимиА.Сейтахов

Tadbir nomiAmalga oshirish mexanizmiAmalga oshirish muddatiIjrochilar
1Райондағы аўыл хожалығы ҳәм мелиоратив техникаларды, сондай-ақ машина-трактор парклери, устаханалар ҳәм сервис пунктлериниң әспаб-үскенелерин техникалық көриктен өткериў ҳаққындаРайондағы аўыл хожалығы ҳәм мелиоратив техникаларды, сондай-ақ, машина-трактор парклери, устаханалар ҳәм сервис пунктлериниң әсбап-үскенелерин жыллық техникалық көриктен өткериў ис режеси2017-жыл 25-январьНөкис районы аўыл хожалық техникалары мәмлекетлик инспекторы

So`rovnoma natijalari