Hujjat nomi
Транспорт қуралларын мәжбүрий техникалық көриктен өткериў тәртиби хаққында
 To`liq ro'yxatga qaytish
Hujjat turiQaror
Hujjatni qabul qiluvchi tashkilotQoraqalpog'iston Respublikasi Nukus shahri hokimligi
Hujjat muallifiQoraqalpog'iston Respublikasi Nukus shahri hokimligi
Muhokama boshlanishi (sana)2018-01-23 09:17:46
Muhokama yakunlanishi (sana)2018-02-07 23:59:00
Hujjat ko'rinishiNHH loyihasi
Hujjatning joriy holatiMuhokama yakunlangan

ЖОЙБАР

НӨКИС ҚАЛАСЫ ҲӘКИМИНИҢ ШЕШИМИ

«____»__________ 2018-жыл

№_____________

Транспорт қуралларын мәжбүрий техникалық көриктен өткериў тәртиби хаққында

Өзбекистан Республикасы Министрлер Кабинетинин 2003-жыл 31-январь күнги 54-санлы «Транспорт қуралларын мәжбүрий техникалық көриктен өткериў тәртиби хаққында»ғы қарары ҳәм Қарақалпақстан Республикасы Министрлер Кеңесиниң 2018 жыл 8-январь күнги 03-08/13-01/11-санлы баянлама шешиминиң орынланыўын тәмийинлеў мақсетинде:

ШЕШИМ ЕТЕМЕН:

1. Өзбекистан Республикасы Министрлер Кабинетиниң 2003-жыл 31-январдағы 54-санлы «Транспорт қуралларын мәжбүрий техникалық көриктен өткериў тәртиби хаққында»ғы Қарарына тийкар, жолаўшы тасыўда пайдаланып атырған жеңил автомобиллер, автобуслар, киши автобуслар, адамларды турақлы түрде тасыў ушын қайта үскенеленген жүк автомобиллери, үлкен габаритли, аўыр ҳәм қәўипли жүклерди тасыў ушын арнаўлы транспорт қураллары ҳәм олардың тиркемелери бир жылда еки мәрте: биринши басқыш 1-марттан 30-июнь ҳәм екинши баскыш 1-сентябрден-31-октябрь аралығында мәжбүрий техникалық көриктен өткерилсин.

2. Нөкис қаласы аймағында 2018 жылдың 1-январь-31-август аралығында жеке меншик транспорт қураллары ҳәмде 1-марттан 30-июнь аралығында халық хожалығы есабындағы транспорт қураллары мәжбүрий мәмлекетлик техникалық көриктен өткерилсин.

3. Нөкис қаласы Ишки ислер бөлими ЖҲҚ бөлимшеси баслығы (М.Ажиниязов)қа:

а) Нөкис қаласы аймағында мәжбүрий мәмлекетлик техникалық көриктен өткериў бойынша ис-жобалары ислеп шығылсын ҳәм тастыйықлансын;

б) Мәмлекетлик ҳәм жеке меншик автомототранспортларды мәжбүрий техникалық көриктен сапалы өткериў ушын материаллық-техникалық базалары дүзилген, комиссиялар тәрепинен қойылып атырған талапларға жуўап беретуғын жәмийетлер ҳәм орынлардағы автохожалықлар менен шәртнама тийкарында диагностикалық постлар шөлкемлестирилсин.

4. Мекемелер, кәрханалар, шөлкемлер, компаниялар ҳәм бирлеспелер басшылары тәрепинен есабындағы автомототранспорт қуралларын 2018-жылғы мәжбүрий мәмлекетлик техникалық көриктен сапалы өткериўге таярлаў иләжлары көрилсин.

5. Нөкис қалалық техника бақлаў инспекциясы (Б. Сапаров)қа:

Бәҳәрги егис мәўсимине барлық аўыл хожалық техникаларының таярлығын көзден өткерсин ҳәм олардың толық таяр болыўына ерисиў ушын тийисли ис-иләжлар ислеп шықсын.

6. Мәмлекетлик техникалық көрикти өткериў жумыслары төмен дәрежеде шөлкемлестирген мекемелер, кәрханалар, ассоциация, концерн, компания ҳәм бирлеспе басшылары Ҳәкимият жанындағы жол хәрекети қәуйпсизлигин тәмийинлеў комиссиясы мәжилисинде қарап шығып, оларға тийисли шаралар көрилетуғынлығы ескертилсин.

7. Усы қарардың орынланыўын қадағалаў Нөкис қаласы ҳәкиминиң орынбасары И.Отегеновқа жүкленсин.

8. Усы шешим қалалық «Нөкис Ҳақыйқаты» газетасында рәсмий жәрияланған күннен баслап күшке киреди.

Ҳәким ў.ў.а: П.Турешев

Tadbir nomiAmalga oshirish mexanizmiAmalga oshirish muddatiIjrochilar
1Транспорт қуралларын мәжбүрий техникалық көриктен өткериў тәртиби хаққындаTransport va yo'lovchi tashish15Nukus shahar hokimi

So`rovnoma natijalari