Hujjat nomi
Қараөзек районы аймағындағы автомототранспорт қуралларын гезектеги мәжбүрий мәмлекетлик техникалық көриктен өткериў ҳаққында
 To`liq ro'yxatga qaytish
Hujjat turiQaror
Hujjatni qabul qiluvchi tashkilotQoraqalpog'iston Respublikasi Qorauzak tumani hokimligi
Hujjat muallifiQoraqalpog'iston Respublikasi Qorauzak tumani hokimligi
Muhokama boshlanishi (sana)2018-01-29 16:33:15
Muhokama yakunlanishi (sana)2018-02-13 23:59:00
Hujjat ko'rinishiNHH loyihasi
Hujjatning joriy holatiMuhokama yakunlangan

ЖОЙБАР

ҚАРАӨЗЕК РАЙОНЫ ҲӘКИМИНИҢ ШЕШИМИ

Қараөзек районы аймағындағы автомототранспорт қуралларын гезектеги мәжбүрий мәмлекетлик техникалық көриктен өткериў ҳаққында

Өзбекистан Республикасы Министрлер Кабинетиниң 2003-жыл
31-январьдағы 54-санлы қарары менен тастыйықланған «Транспорт қуралларын мәжбүрий техникалық көриктен өткериў тәртиби ҳаққында»ғы Режеге, Қарақалпақстан Республикасы Министрлер Кеңесиниң 2018-жыл 8-январь күнги 0308/13-01/11-санлы баянламасына муўапық, Қарақалпақстан Республикасы«Жергиликли мәмлекетлик ҳәкимият ҳаққында»ғы Нызамының 5-статьясына тийкаррайон аймағындағы барлық хожалық жүргизиўши субъектлерге ҳәм пуқараларға тийисли болған автомототранспорт қуралларын ҳәм тиркемелерин мәжбүрий техникалық көриктен өткериў мақсетинде

ШЕШИМ ЕТЕМЕН:

1.Районлық Ишки ислер бөлиминиң жол ҳәрекети қәўипсизлиги бөлимшеси (М.Раметов)не:

а) Райондағы «Қараөзек аўыл хожалық кәсип өнер колледжи» менен автомототранспорт қуралларын мәжбүрий техникалық көриктен өткериў бойынша шәртнама дүзиў тапсырылсын.

2.Төмендегилер:

а) Автомототранспорт қуралларын мәжбүрий техникалық көриктен өткериў бойынша районлық комиссияның қурамы 1-қосымшаға;

б) райондағы мәкеме, кәрхана, шөлкемелер ҳәм пуқаралардың автомототранспорт қуралларын мәжбүрий техникалық көриктен өткериў кестеси 2-қосымшаға муўапық тастыйықлансын.

3. «Транспорт қуралларын мәжбүрий техникалық көриктен өткериў тәртиби ҳаққында» ғы Режениң 1-бөлим 5-бәнтиниң «а» киши бәнтиндеги транспорт қуралларының техникалық көриги:

биринши мәрте 2018-жылдың 15-март-30-июль аралығында;

екинши мәрте 2018-жылдың 1-сентябрь 1-ноябрь аралығында;

юридикалық шахсларға қараслы болған транспорт қуралларының техникалық көриги 2018-жылдың 15-март 30-июль аралығында;

физикалық шахсларға тийисли болған транспорт қуралларының техникалық көриги 2018-жыл 15-март ҳәм 30-июль аралығында өткерилетуғынлығы белгиленсин.

5. Райондағы мәкеме, кәрхана, шөлкем ҳәм жәмийетлердиң басшыларына:

есабындағы транспорт қуралларын мәжбүрий техникалық көриктен сапалы өткериўге таярлаў иләжларын көриў тапсырылсын.

6. Усы шешимди район ҳәкимлигиниң веб сайтына жайластырыў ҳәм «Мийнет байрағы» газетасында жәриялаў район ҳәкимлигиниң юрист мәсләҳәтшиси И.Даулетмуратовқа жүкленсин.

7. Усы шешим рәсмий жәрияланған күннен баслап күшке киреди.

8. Усы шешимниң қабыл етилиўине байланыслы район ҳәкиминиң
2017-жыл 17-март күнги 160/3-санлы шешими («Мийнет байрағы» газетасы, 2017-жыл 31-март,№ -7 (41-81)) өз күшин жойтқан деп табылсын.

9. Усы шешимниң орынланыўын қадағалаў район ҳәкиминиң орынбасары П.Ерназаровқа ҳәм районлық Ишки ислер бөлиминиң баслығы М.Раметовқа жүкленсин.

Ҳәким: Д.Утемуратов

Район ҳәкиминиң

2018-жыл «__» - _________

«___» - санлы шешимине

-қосымша

Транспорт қуралларын жыллық техникалық көриктен өткериў бойынша районлық комиссиясының

Қ У Р А М Ы

Р. Қайпов РИИБ ЖХКТ аға инспекторы, комиссия баслығы

А.Амирханов Район ҳәкимлигиниң бас қәнийгеси

Қ.Бердимуратов Қараөзек аўыл хожалық кәсип өнер колледжи

директоры

Еслетпе: Мәмлекетлик техниканы қадағалаў инспекциясы баслығына тастыйықланған шахс комиссия ағзасы есапланады.

Tadbir nomiAmalga oshirish mexanizmiAmalga oshirish muddatiIjrochilar
1Қараөзек районы аймағындағы автомототранспорт қуралларын гезектеги мәжбүрий мәмлекетлик техникалық көриктен өткериў Қараөзек районы аймағындағы автомототранспорт қуралларын белгилен орында техникалык кориктен откериу аркалы амелге асырылады2018 жыл 31 декабрьХоким уринбосари в.в.б А.Жуманазаров, А.Оракбаев

So`rovnoma natijalari