Hujjat nomi
Электрон тижорат орқали дори воситалари ва тиббий буюмларни реализация қилиш тартибини тасдиқлаш тўғрисида
 To`liq ro'yxatga qaytish
×Hurmatli foydalanuvchi!

Siz tadbikorlik faoliyatini amalga oshirishga ta’sir etuvchi qabul qilinayotgan normativ-huquqiy hujjatlarga o’z izohlaringizni berishingiz mumkin. Berilgan izohlar muhokama qilish uchun Yagona interaktiv davlat xizmatlari portalida joylashtiriladi.

Shuningdek, Siz ishlab chiqilayotgan normativ-huquqiy hujjat loyihalari muhokamasiga oid ‎So’rovnomani to’ldirishingiz mumkin.

Berilgan izohlar va So’rovnomada bildirilgan takliflar tegishli normativ-huquqiy hujjatlar loyihalarini ishlab chiquvchilar — davlat va xo’jalik boshqaruvi organlari, mahalliy davlat hokimiyati organlari tomonidan ko’rib chiqilishi shart.

Hujjat turiQaror
Hujjatni qabul qiluvchi tashkilotO'zbekiston Respublikasi Vazirlar Mahkamasi
Hujjat muallifiDori vositalari va tibbiy texnika sifatini nazorat qilish bosh boshqarmasi
Muhokama boshlanishi (sana)2018-06-14 12:59:25
Muhokama yakunlanishi (sana)2018-06-29 23:59:00
Hujjat ko'rinishiNHH loyihasi
Hujjatning joriy holatiMuhokama jarayonida

ЛОЙИҲА

ЎЗБЕКИСТОН РЕСПУБЛИКАСИ ВАЗИРЛАР МАҲКАМАСИНИНГ

ҚАРОРИ

Электрон тижорат орқали дори воситалари ва тиббий

буюмларни реализация қилиш тартибини тасдиқлаш тўғрисида

Ўзбекистон Республикасининг “Электрон тижорат тўғрисида”ги Қонунига мувофиқ, Ўзбекистон Республикаси Президентининг “Электрон тижоратни жадал ривожлантириш чора-тадбирлари тўғрисида” 2018 йил 14 майдаги ПҚ-3724-сон қарори ижросини таъминлаш мақсадида Вазирлар Маҳкамаси қарор қилади:

1. Электрон тижорат орқали дори воситалари ва тиббий буюмларни реализация қилиш тартиби иловага мувофиқ тасдиқлансин.

2. Белгилаб қўйилсинки:

электрон тижорат орқали реализация қилинган дори воситалари ва тиббий буюмлар фармацевтика фаолиятини амалга ошириш учун тегишли лицензияга эга бўлган юридик шахслар томонидан махсус ихтисослаштирилган автотранспорт воситалари орқали етказиб берилади;

дори воситалари ва тиббий буюмларни етказиб беришда уларни сифати ва безарарлигини таъминлаш Ўзбекистон Республикаси Вазирлар Маҳкамасининг “Дори воситаларининг хавфсизлиги тўғрисидаги умумий техник регламентни тасдиқлаш ҳақида” 2016 йил 27 октябрдаги 365-сон қарорига мувофиқ амалга оширилади;

фармацевтика фаолиятини амалга ошириш учун тегишли лицензияга эга бўлган юридик шахслар махсус ихтисослаштирилган автотранспорт воситаларида дори воситалари ва тиббий буюмларни етказиб беришда шаҳар, шаҳар атрофи, шаҳарлараро ва халқаро автомобилда йўловчилар ва юк ташишларни амалга ошириш учун лицензия олиш талаб қилинмайди.

3. Вазирликлар ва идоралар ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсинлар.

4. Мазкур қарорнинг бажарилишини назорат қилиш Ўзбекистон Республикаси Бош вазир ўринбосарлари А. Абдухакимов, А. Қўчқоров зиммаларига юклансин.

Ўзбекистон Республикасининг

Бош вазири А. Арипов

Ўзбекистон Республикаси Вазирлар Маҳкамасининг

2018 йил “____” ________даги ___-сон қарорига

ИЛОВА

Электрон тижорат орқали дори воситалари ва тиббий

буюмларни реализация қилиш

ТАРТИБИ

I. Умумий тартиб

1. Ушбу Тартиб Ўзбекистон Республикаси Президентининг 2018 йил
14 майдаги ПҚ-3724-сон “Электрон тижоратни жадал ривожлантириш чора-тадбирлари тўғрисида”ги қарори ва Ўзбекистон Республикаси Вазирлар Маҳкамасининг 2016 йил 27 октябрдаги 365-сон “Дори воситаларининг хавфсизлиги тўғрисидаги умумий техник регламентни тасдиқлаш ҳақида”ги қарорига мувофиқ ишлаб чиқилган бўлиб, дори воситалари ва тиббий буюмларни юридик ва жисмоний шахс (истъемолчи)ларга реализация қилиш, етказиб беришни ва сақлаш тартибини белгилайди.

2. Ушбу Тартибнинг амал қилиши давлат соғликни сақлаш муассасалари учун ижтимоий аҳамиятга эга дори воситалари ва тиббиёт буюмлари, тиббиёт техникалари хамда махсус тиббиёт автотранспортини етказиб беришда татбиқ этилмайди.

3. Дори воситаларини ва тиббий буюмларни ишлаб чиқарувчи ҳамда улгуржи реализация қилувчи ташкилотлар дори воситаларини ва тиббий буюмларни фармацевтика фаолиятини амалга ошириш учун лицензияга эга бўлган ташкилотларга, тиббиёт ташкилотларига, шунингдек дори воситаларидан ва тиббий буюмлардан тиббиётда қўллаш мақсадида ўз эҳтиёжлари учун фойдаланувчи ташкилотларга электрон тижорат орқали реализация қилиши мумкин.

4. Дорихоналар томонидан электрон тижорат орқали фақат рецептсиз бериладиган дори воситалари, тиббий буюмлар, биологик фаол қўшимчалар ҳамда косметика ва шахсий гигиена воситаларини чакана реализациясини амалга оширишга рухсат этилади.

5. Улгуржи ва чакана савдо билан шуғулланиш учун фармацевтик лицензияга эга бўлган субъектлар дори воситалари ва тиббий буюмларни фақатгина лицензияга эга бўлган ишлаб чиқарувчи ва/ёки бошқа улгуржи савдо билан шуғулланувчи ташкилотлардан электрон тижорат орқали сотиб олиши мумкин.

6. Ўзбекистон Республикасида давлат рўйхатидан ўтган дори воситалари ва тиббий буюмларни харид қилиш ва тарқатишда ҳамда тиббий буюмларни турини ўлчаш ёки метрологик аттестация ўтказиш, уни Ўзбекистон Республикасидаги ягона ўлчов бирлиги тизими Давлат реестирига киритишни таъминлайди.

7. Дори воситалари ва тиббий буюмларни муомаласи ўзига хос бўлган, Ўзбекистон Республикасида назоратга олинган наркотик модда сақловчи, психотроп воситалар ва прекурсорлар Ўзбекистон Республикасининг тегишли меъёрий ҳужжатлари билан тартибга солинади.

8. Электрон тижорат ушбу Тартибдаги 2-иловага мувофиқ схемага биноан ахборот тизимида офертани (таклифни) жойлаштириш ва офертага акцепт олиш йўли билан амалга оширилади.

II. Асосий тушунчалар

10. Ушбу Тартибда қуйидаги асосий тушунчалар қўлланилади:

харидор - пировард истеъмол, тижорат мақсадларида фойдаланиш учун ахборот тизимларидан фойдаланган ҳолда дори воситалари ва тиббий буюмларни сотиб олувчи, фармацевтик фаолиятини амалга ошириш учун лицензияси мавжуд бўлган тадбиркорлик субъектлари (юридик шахс), тиббиёт муассасалари ҳамда жисмоний шахслар;

электрон тижорат иштирокчиси - электрон тижоратда дори воситалари ва тиббий буюмларни сотувчи ёки уларнинг харидори бўлган юридик ёки жисмоний шахс;

ахборот воситачиси — электрон тижоратда электрон ҳужжатлар ва электрон хабарлар айланиши билан боғлиқ хизматлар кўрсатувчи юридик шахс;

фармацевтика фаолияти — дори воситалари ва тиббий буюмлар яратиш бўйича илмий-тадқиқот ишларини, шунингдек уларни ишлаб чиқариш, тайёрлаш, уларнинг сифатини назорат қилиш ҳамда уларни реализация қилишни қамраб оладиган фаолият;

дори воситалари - касалликлар профилактикаси, уларга ташхис қўйиш ва уларни даволаш, шунингдек одам организмининг ҳолати ва функцияларини ўзгартириш учун тиббиёт амалиётида қўлланилишига рухсат этилган дори моддалари (субстанциялар) ва ёрдамчи моддалар асосида олинган воситалар, дори моддалари (субстанциялар), дори препаратлари.

яроқлилик муддатининг тугаши санаси - индивидуал ўрам (одатда ёрлиқ)да кўрсатилган, унгача дори воситаси тўғри сақланган ҳолда тасдиқланган меъёрий ҳужжатларга мос келиши керак бўлган сана. Дори воситасининг ҳар бир серияси учун мазкур сана сақлаш муддати ва ишлаб чиқарилган санасини қўшиш йўли билан аниқланади.

ёрлиқлаш - зарур барча маълумотга эга бўлган тўғри ёрлиқ танлаб олиш, текшириш ва ёпиштириш билан боғлиқ жараён.

материал - бирламчи материаллар (дори моддалари ва ёрдамчи моддалар), реагентлар, эритувчилар, оралиқ маҳсулотлар, ўров материаллари ва ёрлиқларни белгилаш учун қўлланиладиган умумий атама.

норматив талаблар - тайёрлаш, ишлаб чиқариш, улгуржи, чакана реализация қилиш ва ташишда дори воситаларини сақлашни тартибга солувчи норматив-ҳуқуқий ҳужжатлар ва техник жиҳатдан тартибга солиш соҳасидаги норматив ҳужжатлар.

ўров материали - дори воситалари ва тиббий буюмларни жойлаш, ўраш учун қўлланиладиган, ташиш ва юклаш учун мўлжалланган ташқи ўрамдан ташқари жумладан босма материал. Ўров материали маҳсулот билан тўғридан-тўғри алоқа қилиши ёки қилмаслигига қараб бирламчи ёки иккиламчи бўлиши мумкин.

сақлаш - дори воситалари ва тиббий буюмларни қўллаб бўлгунга қадар сақлаш даври.

III. Электрон тижорат субъектлари

11.Электрон тижорат иштирокчиси (сотувчи, харидор) ва ахборот воситачиси электрон тижорат субъектлари ҳисобланадилар.

10. Электрон тижорат субъектлари тузилган шартнома талабларига мувофиқ ҳуқуқни амалга оширадилар ва эга бўладилар, мажбуриятларни бажарадилар.

12. Электрон тижорат иштирокчиси қуйидаги ҳуқуқларга эга:

электрон тижорат мақсадида ишлаб турган ахборот ресурсларида офертани жойлаштириш (таклиф этиш);

электрон тижоратдаги шартномаларни тузиш йўли билан товарларни (ишларни, хизматларни) реализация қилиш ёки олиш;

электрон ҳужжатлар ва электрон хабарларни ахборот воситачиларига сақлаш учун топшириш.

Электрон тижорат иштирокчиси — товарларни (ишларни, хизматларни) сотувчи:

электрон тижоратда товарларни (ишларни, хизматларни) реализация қилишда рақобат тўғрисидаги ва истеъмолчиларнинг ҳуқуқларини ҳимоя қилиш ҳақидаги қонун ҳужжатлари талабларига риоя этиши;

қонун ҳужжатларига мувофиқ электрон ҳужжатлар ва электрон хабарларнинг сақланишини таъминлаши;

электрон тижорат соҳасидаги стандартлар, нормалар ва қоидаларга риоя этиши шарт.

Электрон тижорат иштирокчиси — товарларни (ишларни, хизматларни) сотувчи давлат рўйхатидан ўтказилган пайтдан эътиборан, фаолиятнинг лицензияланадиган турини амалга оширган тақдирда эса тегишли лицензияни олган пайтдан эътиборан электрон тижоратни амалга ошириш ҳуқуқига эга.

Электрон тижорат иштирокчиси қонун ҳужжатларига ҳамда шартномага мувофиқ бошқа ҳуқуқларга эга бўлиши ва унинг зиммасида ўзга мажбуриятлар бўлиши мумкин.

13. Ахборот воситачиси қуйидаги ҳуқуқларга эга:

ўз ваколати доирасида шартнома асосида электрон тижоратда электрон ҳужжатлар ва электрон хабарлар айланиши билан боғлиқ хизматлар кўрсатиш;

электрон тижорат иштирокчиларига кўрсатиладиган хизматлар шартларини белгилаш.

Ахборот воситачиси:

электрон тижорат соҳасидаги стандартлар, нормалар ва қоидаларга риоя этиши;

ўзининг тўлиқ номи, ташкилий-ҳуқуқий шакли, кўрсатиладиган хизматлар, уларни кўрсатиш шартлари ва қийматлари (тарифлари) ҳақидаги ахборотни электрон тижорат иштирокчиларига ошкор қилиши;

электрон ҳужжатларнинг ва электрон хабарларнинг мазмунини, улардан фойдаланиш тартибини ўзгартирмаслиги (бундан электрон тижорат иштирокчилари билан тузилган шартномаларда назарда тутилган ҳоллар мустасно);

электрон ҳужжатларни, электрон хабарларни ҳамда шахсга доир маълумотларни рухсатсиз фойдаланишдан ҳимоя қилиш чора-тадбирлари билан таъминлаши;

электрон ҳужжатларни ва электрон хабарларни учинчи шахсларга юбормаслиги (бундан қонунда ёки шартномада назарда тутилган ҳоллар мустасно) шарт.

Электрон тижорат иштирокчиларининг ахборот воситачиси орқали юборилаётган электрон ҳужжатлари ва электрон хабарлари мазмуни билан боғлиқ бўлган ҳуқуқий оқибатлар учун ахборот воситачиси жавобгар бўлмайди.

Ахборот воситачиси қонун ҳужжатларига ҳамда шартномага мувофиқ бошқа ҳуқуқларга эга бўлиши ва унинг зиммасида ўзга мажбуриятлар бўлиши мумкин.

15. Электрон тижорат иштирокчилари, электрон ҳужжатлар ва электрон хабарларни айирбошлаш учун тегишли ахборот тизимларини бошқаришни аниқ ташкил этишни таъминлаб шартнома асосида ахборот воситачиси хизматларидан фойдаланишлари мумкин.

IV. Электрон савдо майдончасини ташкил этиш

16.Сотувчи ва ахборот воситачиси электрон тижорат субъектларининг ўзаро ҳамкорлигини таъминлайдиган электрон савдо майдончаси орқали электрон тижорат шаклида дори воситалар ва тиббий буюмларни реализация ҳуқуқига эгадир.

17.Электрон савдо майдончалари Интернет бутунжаҳон ахборот тармоғидаги ресурслар, Миллий ахборот-излаш тизимида кўрсатиладиган дастурий маҳсулотлар ва мобил иловалар бўлиши мумкин.

18.Электрон савдо майдончаси электрон тижоратни амалга ошириш учун зарур функцияларни, шу жумладан:

ушбу Тартибда назарда тутилган холда офертани жойлаштириш, акцептни амалга ошириш ва шартномалар тузиш;

электрон тижорат субъектларига ушбу Тартибга мувофиқ назарда тутилган ахборотдан фойдаланиш;

ушбу Тартиб талабларига мувофиқ электрон ҳужжатлар ва электрон хабарларни хавфсиз айирбошлашни таъминлаш;

Ўзбекистон Республикаси ҳудудида жойлашган серверларда электрон ҳужжатлар ва электрон хабарларни белгиланган тартибда сақлаш имкониятини ўз ичига олиши керак.

V. Шартнома шартлари ва шартномани тузиш тартиби

19.Шартнома оферта ва акцептдан иборат бўлади. Шартнома, агар шартномада ўзгача ҳол назарда тутилмаган бўлса, оферта юборган тараф томонидан бошқа тараф юборган акцепт олинган пайтдан бошлаб тузилган деб эътироф этилади.

20.Оферта ўзида электрон ҳужжатни ифодалайди, унинг воситасида электрон тижорат иштирокчиси битта шахсга, бир нечта аниқ шахсларга ва шахсларнинг номуайян доирасига шартнома тузишни таклиф этади ва уларнинг шартнома шартлари мавжуд бўлган, шу жумладан ушбу Тартибга мувофиқ мажбурий шартнома шартлари мавжуд бўлган матндан фойдаланилишини таъминлайди.

21. Электрон тижорат иштирокчисидан чиқувчи офертада шартномага киритилиши керак бўлган барча шартлар ёхуд бундай шартлар мавжуд бўлган электрон ҳужжатлар ёки электрон хабарларга хаволалар бўлиши керак.

22.Оферта унда кўрсатилган муддат мобайнида ҳақиқийдир. Электрон тижорат иштирокчиси томонидан олинган оферта, агар офертанинг ўзида ўзгача ҳол қайд этилмаган ёхуд таклифнинг моҳиятидан ёки таклиф билдирилган вазиятдан келиб чиқмаса, унинг акцепти учун белгиланган муддат мобайнида чақириб олиниши мумкин эмас.

23.Офертани чақириб олиш уни олувчига чақириб олиш сабаблари кўрсатилиши керак бўлган электрон ҳужжат ёки электрон хабар шаклида чақириб олиш тўғрисида билдиришнома юбориш орқали амалга оширилади.

24. Шартнома:

унинг электрон рақамли имзо билан тасдиқланишини назарда тутувчи электрон ҳужжат тарзида;

матнида электрон тижорат иштирокчисининг розилиги билдирилган матн бўлган электрон хабар тарзида;

офертада кўрсатилган шартларни бажариш бўйича ҳаракатларни содир этиш орқали акцептни амалга ошириш йўли билан тузилиши мумкин;

дори воситалари ва тиббий буюмларни улгуржи реализация қилиш масалалари бўйича тузилиши мумкин.

25. Шартномада қуйидаги мажбурий шартлар бўлиши керак:

шартнома предмети;

тарафларнинг асосий ҳуқуқлари ва мажбуриятлари;

дори воситалари ва тиббий буюмларни улгуржи реализациясинингнархи ва тавсифи ҳамда тарафлар ўртасида ҳисоб-китоб қилиш тартиби;

яроклилик муддати, бу аниқ бир дори воситалари ва тиббий буюмлар учун белгиланган;

етказиб бериш жойи ва шартлари (етказиб бериш хизматлари мавжуд бўлганда);

тарафларнинг жавобгарлиги;

мажбуриятларни бажариш тартиби ва муддатлари;

шартномага ўзгартириш ва қўшимчалар киритиш имконияти ва тартиби;

битимни рад этиш шартлари;

дори воситалари ва тиббий буюмларни қайтариш шартлари ва тартиби;

шартнома тузилган тил тўғрисидаги маълумот;

электрон ҳужжатга ва электрон хабарга ҳавола қилиш воситасида шартномага киритиладиган шартлар ва тегишли ҳаволадан фойдаланиш тартиби (улар мавжуд бўлганда);

шартноманинг амал қилишини тўхтатиш шартлари;

низоларни ҳал этиш тартиби;

тарафларнинг жойлашган жойи (почта манзили), электрон манзили ва банк реквизитлари;

тарафлар томонидан келишилган бошқа шартлар.

VI. Шартнома шартларини бажаришнирад этиш тартиби

26. Дори воситалари ва тиббий буюмларни сотиб олувчи қонун ҳужжатларида назарда тутилган ҳолларда дори воситалари ва тиббий буюмларни сотиб олишни рад этиш сабабларини кўрсатган ҳолда сотувчини хабардор қилиб ўзи билан тузилган шартномани бажаришни рад этиш ҳуқуқига эгадир.

27. Харидор шартномада назарда тутилган ҳолларда шартнома шартларини бажаришни рад этиши мумкин эмас.

28. Электрон тижоратда товарни қайтариш “Истеъмолчиларнинг ҳуқуқларини ҳимоя қилиш тўғрисида”, “Хўжалик юритувчи субъектлар фаолиятининг шартномавий-ҳуқуқий базаси тўғрисида”ги Ўзбекистон Республикасининг қонунларига, Фуқаролик кодексига ва бошқа норматив-ҳуқуқий ҳужжатларга, шунингдек тузилган шартномага мувофиқ амалга оширилади.

29. Пул маблағларини қайтариш зарур бўлган ҳолларда сотувчи дори воситалари ва тиббий буюмларни харид қилинганлиги учун тўлов қандай усулда амалга оширилган бўлса, ўша усулда дори воситалари ва тиббий буюмларни ҳақи тўланганлигини тасдиқлайдиган тақдим этилган ва чекка тенглаштирилган ҳужжат асосида харидорга қайтариши шарт.

30. Пул маблағларини қайтариш шартномада кўрсатилган тартибда ва муддатларда амалга оширилади.

31. Дори воситалари ва тиббий буюмларни ёки пул маблағларини қайтариш билан боғлиқ ҳужжатлар электрон ҳужжат ёки электрон хабар тарзида расмийлаштирилиши мумкин.

32. Дори воситалари ва тиббий буюмларни қайтариш билан боғлиқ транспорт харажатларини қоплаш шартномада кўрсатилган шартларга мувофиқ амалга оширилади.

VII. Дори воситаларини ва тиббий буюмларни сақлаш тартиби

33.Сақлаш зоналари яхши сақлаш шароитларини таъминлай оладиган даражада лойиҳалаштирилган ёки мослаштирилган бўлиши керак. Жумладан, улар тоза, қуруқ бўлиши ва уларда керакли ҳарорат режими ушлаб турилиши керак. Агар маҳсулот ёрлиқларида махсус сақлаш шароитлари (масалан, ҳарорат ёки нисбий намлик) кўрсатилган бўлса, уларни таъминлаш, вақти-вақти билан текшириш, назорат қилиш ва қайд қилиш лозим. Материаллар ва дори воситалари полда сақланиши мумкин эмас, тозалаш ва инспекцияни таъминлаш учун улар зарур бўлган узоқликда жойлаштирилиши керак. Тагликларни яроқли ва тоза ҳолда яхши сақлаш лозим.

34. Маҳсулотларни сақлаш зоналари тоза, ахлат йиғилмайдиган ва зараркунандалардан (ҳайвон ва ҳашоратлардан) холи бўлиши керак. Ёзма равишда санитария бўйича тозалаш оралиғи, хона ва сақлаш зоналарини тозалаш учун қўлланиладиган усуллар кўрсатилган дастур тузилиши лозим. Бундан ташқари ёзма равишда зараркунандаларга (ҳайвон ва ҳашоратларга) қарши курашиш дастури тузилиши керак. Зараркунандаларга қарши курашишда қўлланиладиган воситалар безарар бўлиши, материал ва дори воситаларини у билан контаминацияланишини олдини олиши зарур. Ҳар қандай тўкилиш ва сочилишда бирон-бир контаминация хавфини тўлиқ олдини олишни таъминлаш учун тозалаш бўйича тегишли жараёнлар (процедура) ишлаб чиқилган бўлиши керак.

35. Материал ва маҳсулотларни қабул қилиш ва жўнатиш жойлари об-ҳаво шароити таъсиридан ҳимояланган бўлиши лозим. Қабул қилиш зоналари шундай лойиҳалаштирилган ва жиҳозланган бўлиши керакки, зарур бўлганда олинган материал ва дори воситалари ўрамлари (контейнерлари)ни сақлашга жўнатгунга қадар тозалаш имкони бўлсин.

36. Агар карантин статуси алоҳида зоналарда таъминланаётган бўлса, мазкур зоналар аниқ белгиланган ва уларга кириш фақат масъул ходимга рухсат этилган бўлиши лозим. Жисмоний карантин ўрнига қўлланиладагин ҳар қандай тизим айнан бир хил ҳимояни таъминлаши лозим. Масалан, кириш ҳуқуқини чекланишига ишонч ҳосил қилиш учун валидацияланган ҳолдагина компьютерлаштирилган тизимлар қўлланилиши мумкин.

37. Назорат қилинадиган зонадаги бирламчи маҳсулотлардан намуналар олиш учун тегишли назорат қилинадиган шароитларга эга бўлган алоҳида зона ажратилган бўлиши лозим. Агар намуналар олиш сақлаш зонасида амалга оширилса, уни контаминацияланишини ёки кесишган контаминацияни олдини олган ҳолда амалга ошириш лозим. Намуналар олиш зоналарини тозалаш бўйича тегишли усуллар (процедуралар) ишлаб чиқилиши лозим.

38. Яроқсиз деб топилган, яроқлилик муддати ўтган, чақириб олинган, қайтарилган маҳсулотлар ва материалларни сақлаш учун жисмоний ёки бошқа эквивалент валидацияланган (масалан, электрон) усул билан изоляция қилинган алоҳида ҳудуд ажратилиши лозим. Бундай материаллар ва маҳсулотлар, шунингдек уларни сақлаш жойлари аниқ белгиланиши лозим.

39. Юқори фаолликка эга ва радиоактив материаллар, зарарли, юқори сезгирликка эга ва/ёки хавфли материаллар ва дори воситалари, шунингдек ёнғин ва портлаш хавфи бўлган моддалар (масалан, осон ёнувчи суюқликлар ва қаттиқ моддалар, босим остидаги газлар) тегишли қўшимча хавфсизлик ва қўриқлаш воситалари билан жиҳозланган махсус ажратилган жойларда сақланиши лозим.

40. Яроқсиз деб топилган материаллар ва дори воситалари идентификация қилиниши ва унинг тақдири бўйича охирги қарор қабул қилингунга қадар маҳсулотни ишлатишга йўл қўймайдиган карантин шароитида сақлаш учун жўнатилиши лозим.

41. Гиёҳванд воситалар, психотроп моддалар ва прекурсорлар халқаро конвенция ва Ўзбекистон Республикасининг миллий қонунчилик хужжатларига мувофиқ сақланиши лозим.

42. Зиён етган маҳсулотлар олиб ташланиши ва ажратилиши лозим.

43. Маҳсулотлар сақланадиган хоналардаги ёруғлик барча жараёнларни аниқ ва хавфсиз бажариш имкониятини бериши керак.

44. Маҳсулотни сақлаш зоналарида барча фаолият, жумладан яроқлилик муддати ўтган маҳсулотлар билан иш олиб бориш бўйича ўрнатилган тартибда расмийлаштирилган ёзма йўриқномалар ва ҳисоботлар (баённомалар) бўлиши лозим. Ушбу йўриқномалар ва ҳисоботлар (баённомалар) сақлаш жараёнларини аниқ ва равшан таснифлаши, материаллар, дори воситалари ҳаракатини ва маҳсулотни чақириб олиш зарурати юзага келган холда ташкилот доирасидаги маълумотларни акс эттириши лозим.

45. Доимо сақлашда бўлган ҳар дори воситалари ва тиббий буюмлар учун сақлаш шароитлари, амал қилиниши лозим бўлган ҳар қандай эҳтиёткорлик чора-тадбирлари кўрсатилган ёзма ёки электрон кўринишидаги маълумот бўлиши лозим. Ёрлиқ ва ўрам бўйича доимо сифат стандартлари ва амалдаги қонунчилик талабларига риоя қилиш лозим.

46. Ҳар бир келтирилган юк бўйича ҳисоботлар (баённомалар)ни сақлаш лозим. Бу ҳисоботлар (баённомалар) маҳсулот тўғрисида қуйидаги маълумотни ўз ичига олиш керак: номи, дори шакли, миқдори, етказиб берувчи ва олувчининг номи ва манзили, етказиб берувчи томонидан берилган серия рақами, келтирилган ва олинган сана, олишда берилган серия рақами, яроқлилик муддати ўтиши санаси. Ҳисобот (баённомалар)ни камида 5 йил сақлаш лозим.

47. Белгиланган тизимга мувофиқ, масалан, серия рақами бўйича, дори воситаларини ва тиббий буюмлар барча олиш ва бериш саналарини акс эттирувчи мукаммал баённомалар юритиш лозим. Баённомалар аниқ ёритилган ва олишга қулай жойда бўлиши керак.

VIII. Дори воситалари ва тиббий буюмларнинг ёрлиқ ва ўрами

48. Дори воситалари ва тиббий буюмларнинг сифатига салбий таъсир кўрсатмайдиган ва ташқи омиллардан, жумладан микроб контаминациясидан ишончли ҳимояни таъминловчи ўрамларда сақланиши лозим.

49. Дори воситалари ва тиббий буюмларда дори воситаси номи, ишлаб чиқарувчи номи ва манзили, дори шакли ва дозаси, яроқлилик муддати, сақлаш шароити, алоҳида эҳтиёткорлик чора-тадбирлари (зарур бўлганда) кўрсатилган ҳолда аниқ ёрлиқланиши лозим. Умумий қабул қилинган қисқартмалар, номлар ёки кодларни ишлатиш лозим.

IX. Дори воситалар ва тиббий буюмларни етказиб бериш

50. Дори воситаларни ва тиббий буюмларни етказиб беришда уларни бутунлиги бузилмаслиги ва сақлаш шароитига риоя қилиниши лозим.

51. Совуқ занжирда қуруқ музни ишлатилишига алоҳида эътибор бериш лозим. Хавфсизлик чораларига риоя қилишдан ташқари, маҳсулот сифатига салбий таъсир кўрсатиши (масалан, музлашга олиб келиши) мумкинлиги сабабли, материаллар ва дори воситаларини қуруқ муз билан контактда бўлмаслиги шароитини таъминланиши лозим.

52. Зарур бўлганда етказиб бериш шароитини таъминлаш учун ҳароратни назорат қилиш учун асбоб-ускуналар ишлатиш лозим. Мониторинг баённомалари текшириш учун қулай бўлиши керак.

53. Дори воситалари ва тиббий буюмларни қонун ҳужжатларига мувофиқ ҳужжатлаштирилгандан кейин етказиб берилади.

54. Етказиб бериш буюртма берилган дори воситалари ва тиббий буюмларнинг турини эътиборга олган ҳолда ва махсус эҳтиёткорлик чораларига риоя қилган ҳолда ташкил этилиши ва ҳужжатлаштирилиши керак.

Дорихоналар томонидан электрон тижорат орқали фақат рецептсиз бериладиган дори воситалари, тиббий буюмлар, биологик фаол қўшимчалар ҳамда косметика ва шахсий гигиена воситаларини етказб беришда бевосита фармоцевт иштирокида амалга оширилиши лозим.

55. Ташқи ўрам барча ташқи омиллардан ишончли ҳимояни таъминлаши, шунингдек ювилиб кетмайдиган аниқ ва равшан ёрлиққа эга бўлиши лозим.

56. Маҳсулотни жўнатилганлиги тўғрисидаги қуйидаги маълумотлар кўрсатилган ҳисоботлар сақланиши лозим: юклаш санаси; бюртмачи номи ва манзили; маҳсулот таснифи (номи, дори шакли ва таъсир кучи (дозаси) (зарур бўлганда, серия (партия) рақами ва миқдори); ташиш ва сақлаш шароити.

57. Ҳисоботларнинг белгиланган тартибда сақланиши таъминланади.

X. Якунловчи қоидалар

58. Дори воситалари ва тиббий буюмларни электрон тижоратини амалга ошириш билан боғлиқ низолар қонун ҳужжатларида белгиланган тартибда ҳал этилади.

59. Дори воситалари ва тиббий буюмларни электрон тижорат катнашчилар ушбу тартибига риоя этмаганлиги, шунингдек ўз мажбуриятларини қонун ҳужжатларида белгиланган тартибда шартнома доирасида бажармаганлиги учун жавоб берадилар.

60. Ўзбекистон Республикаси ҳудудидаги дори воситалари ва тиббий буюмларни ишлаб чиқариш, улгуржи ва чакана реализация қилиш учун тегишли лицензияга эга бўлган ташкилотлар томонидан ушбу тартиб талабларига риоя этилишини назорат қилиш амалдаги қонунчиликка мувофиқ лицензия берувчи органга юклатилади.

[ izohlar (5) ]

Izohlar va ularga berilgan javoblar

× Izoh qoldirish uchun bu yerda avtorizatsiyadan o`ting
Исаев Руслан Ринатович 2018-06-19 12:43:41

Уважаемые авторы проекта,

В соответствии с Постановлением Президента РУз "О мерах по ускоренному развитию электронной коммерции" в пункте 4, Глава государства поручил "Министерству здравоохранения, Министерству по развитию информационных технологий и коммуникаций Республики Узбекистан совместно с заинтересованными министерствами и ведомствами в месячный срок внести проект постановления правительства, предусматривающий порядок реализации и доставки лекарственных средств и изделий медицинского назначения посредством электронной коммерции, с учетом четких требований и условий к их хранению и перевозке".

Где акцент был сделан на ПОРЯДКЕ РЕАЛИЗАЦИИ И ДОСТАВКИ ЛЕКАРСТВЕННЫХ СРЕДСТВ..., а не описания условий хранения, и выдержек из других нормативных актов.

Исаев Руслан Ринатович 2018-06-19 12:46:15

Важно регламентировать, как участники электронной коммерции могут РЕАЛИЗОВЫВАТЬ медикаменты, нужны ли дополнительные сопроводительные документы, какие конкретно требования предъявляются к транспорту доставляющее медикаменты.

Будет ли база сертификации медикаментов как нибудь синхронизирована с базой на сайтах производителей и оптовиков? Или также по старинке стоять в очереди за сертификатами и прикреплять их к накладным.

Планируется ли синхронизация справочников медикаментов между участниками электронной коммерции и Главным управлением?

Исаев Руслан Ринатович 2018-06-19 12:46:41

Что касается приобретения медикаментов онлайн, пожалуйста опишите:

1. Как будет выглядеть товарный чек в личном кабинете Пользователя, с учетом весенний изменений в Правила розничной торговли медикаментами

2. Для совершения сделки с физ лицом, достаточно ли виртуального чека, есть ли необходимость дублировать чек при онлайн продаже, как он должен выглядить

3. Какая информация должна содержаться в информационном источнике (на сайте) о лекарствах, учитывая что ранее было обсуждение Закона "О рекламе",

4. Публикация информации и фото о препаратах будет ли являться рекламой,

5. Какие требования предъявляются к описанию лекарств,

6. Необходимо ли при доставке прикреплять сертификаты соответствия, которые уже опубликованы в информационных источниках(на сайте продавца) и др. вопросы

7. Как регулировать взаимоотношения с потребителем если он хочет приобрести только лишь 1 блистер или стрип, или россыпью

На эти и многие другие вопросы должен отвечать Проект, а в дальнейшем нормативный акт.

Исаев Руслан Ринатович 2018-06-19 12:47:17

Необходимо проанализировать и внести предложения о внесении изменений в действующие нормативные акты регламентирующие фармацевтическую сферу и торговлю.

Для нас как потребителей и участников рынка важно получить более развернутые и конкретные нормы Проекта, для того чтобы избежать непонимания и двусказанность со стороны различных органов при электронной реализации медикаментов, особенно ГИБДД, СЭС.

Исаев Руслан Ринатович 2018-06-19 12:50:27

Необходимо проанализировать и внести предложения о внесении изменений в действующие нормативные акты регламентирующие фармацевтическую сферу и торговлю.

Для нас как потребителей и участников рынка важно получить более развернутые и конкретные нормы Проекта, для того чтобы избежать непонимания и двусказанность со стороны различных органов при электронной реализации медикаментов, особенно ГИБДД, СЭС.

Tadbir nomiAmalga oshirish mexanizmiAmalga oshirish muddatiIjrochilar
1Электрон тижорат орқали дори воситалари ва тиббий буюмларни реализация қилиш тартибини тасдиқлаш тўғрисида ЎЗБЕКИСТОН РЕСПУБЛИКАСИ ВАЗИРЛАР МАҲКАМАСИНИНГ ҚАРОРИ 30.11.2018Министерство здравоохранения РУз
Hurmatli foydalanuvchi!

So`rovda ishtirok etish uchun bu yerda avtorizatsiyadan o`ting

So`rovnoma natijalari