Hujjat nomi
«2016-жылға Қарақалпақстан Республикасы аймағындағы мәмлекетлик көшпес мүлклерден пайдаланыўда ижәра төлемлериниң ең кем ставкасын тастыйықлаў ҳаққында»
 To`liq ro'yxatga qaytish
Hujjat turiQaror
Hujjatni qabul qiluvchi tashkilotQoraqalpog`iston Respublikasi Vazirlar Kengashi
Hujjat muallifiQoraqalpog`iston Respublikasi Vazirlar Kengashi
Muhokama boshlanishi (sana)2016-01-11 12:21:54
Muhokama yakunlanishi (sana)2016-01-26 00:00:00
Hujjat ko'rinishiNHH loyihasi
Hujjatning joriy holatiMuhokama yakunlangan

Өзбекистан Республикасы Министрлер Кабинетиниң 2009-жыл 8-апрельдеги «Мәмлекет мүлкин ижәраға бериў тәртибин жеделлестириў ис-иләжлары ҳаққында»ғы 102-санлы қарарын орынлаў мақсетинде ҳәм Өзбекистан Республикасы Меншиклестириў, монополиядан шығарыў ҳәм бәсекеликти раўажландырыў мәмлекетлик комитетиниң 2015-жыл 17-ноябрьдеги 406/01-14-санлы усынысына муўапық ҳәмде Өзбекистан Республикасы финанс министрлиги тәрепинен 2015-жыл 23-декабрьдеги БЮ/08-03-32-13/218-санлы ҳәм Өзбекистан Республикасы экономика министрлигиниң 2015-жыл 23-декабрьдеги 107-санлы «Мәмлекетлик көшпес мүлклерден пайдаланыўда ижәра төлемлериниң ең кем ставкасын анықлаў ҳаққында»ғы келисимлерин есапқа алып, Қарақалпақстан Республикасы Министрлер Кеңеси

ҚАРАР ЕТЕДИ:

1.Өзбекистан Республикасы Министрлер Кабинетиниң 2009-жыл 8-апрельдеги «Мәмлекет мүлкин ижәраға бериў тәртибин жеделлестириў ис-иләжлары ҳаққында»ғы 102-санлы қарарын орынлаў мақсетинде ҳәм Өзбекистан Республикасы Меншиклестириў, монополиядан шығарыў ҳәм бәсекеликти раўажландырыў мәмлекетлик комитетиниң 2015-жыл 17-ноябрьдеги 406/01-14-санлы усынысына муўапық ҳәмде Өзбекистан Республикасы финанс министрлиги тәрепинен 2015-жыл 23-декабрьдеги БЮ/08-03-32-13/218-санлы ҳәм Өзбекистан Республикасы экономика министрлигиниң 2015-жыл 23-декабрьдеги 107-санлы «Мәмлекетлик көшпес мүлклерден пайдаланыўда ижәра төлемлердиң ең кем ставкасын анықлаў ҳаққында»ғы келисимлери басшылыққа алынсын.

2. Қарақалпақстан Республикасында көшпес мәмлекетлик мүлклерден пайдаланғанлығы ушын 2016-жылда 1 кв.метрге қолланылатуғын ижәра төлемлериниң ең кем ставкалары 1-косымшаға муўапық тастыйықлансын.

3. Ижәраға берилетуғын имәратларды ижәраға бериўде аймақлық зоналарды есапқа алыў, пайдаланыў қолайлықлары, қоңсылас аймақтан пайдаланыў, қурылыс түрлерине қарап, тийкарғы қураллардың, автотранспорт қуралларының өсиўши коэффициентлери, соның менен бирге келип түскен ижәра төлемелерин бөлистириў тәртиби

2-қосымшаға муўапық тастыйықлансын.

4. Мүлкшилик түрине қарамастан барлық министрликлер, мәкемелер, басшылары қала ҳәм районлар ҳәкимликлери қарамағындағы пайдаланып (ижәраға берилип) ҳәм пайдаланбай бос турған мәмлекетлик мүлки ҳаққындағы мағлыўматларды Қарақалпақстан Республикасы Мәмлекет мүлкин ижәраға бериў орайы мәмлекетлик унитар кәрханасына толық өз ўақтында берилиўин тәмийинлеўде жеке жуўапкер екенлиги;

а) мәмлекет мүлкин ижәра шәртнамасы дүзбестан ижәраға бериў, ижәра шәртнамасында ижәраға берилген мүлктиң параметрлери ҳәм саны билқастан натуўры көрсетилгенлиги, буның нәтийжесинде ижәра төлеминиң жасырылыўына алып келгенлиги анықланған жағдайда, Қарақалпақстан Республикасы Мәмлекет мүлкин ижәраға бериў орайы мәмлекетлик унитар кәрханасы тәрепинен сол күннен баслап 3 (үш) күн ишинде белгиленген тәртипте мәмлекет мүлкинен пайдаланған дәўир ушын ижәра төлеминиң

2 (еки) есеси муғдарында есаплап шығылады ҳәм оны өндириў ушын тийисли ҳүжжетлер баланста сақлаўшыға усынылатуғынлығы;

б) Қарақалпақстан Республикасындағы мәмлекетлик мүлклерди «ноль» ставкадан ижәраға берилиўи бойынша Қарақалпақстан Республикасы Министрлер Кеңесиниң бийлиги тийкарында әмелге асырылатуғынлығы белгилеп қойылсын.

5. Қарақалпақстан Республикасындағы мәмлекетлик мүлки есапланатуғын имәрат ҳәм қурылмаларында жайластырылатуғын бюджет шөлкемлери ушын ижәра төлеми «ноль» ставкада белгиленсин.

6. Қарақалпақстан Республикасы Министрлер Кеңесиниң 2014-жыл 29-декабрьдеги «2015-жылға Қарақалпақстан Республикасы аймағындағы мәмлекетлик көшпес мүлклерден пайдаланыўда ижәра төлемлердиң ең кем ставкасын тастыйықлаў ҳаққында»ғы 335-санлы қарары өз күшин жоғалытқан деп табылсын.

7. Бул қарар рәсмий жәрияланған күннен баслап күшке киреди.

8. Усы қарардың орынланыўын қадағалаў Қарақалпақстан Республикасы Министрлер Кеңеси Баслығы орынбасары М.Мамутовқа жүклетилсин.

Tadbir nomiAmalga oshirish mexanizmiAmalga oshirish muddatiIjrochilar
Нет результатов.

So`rovnoma natijalari