Hujjat nomi
Аўыл хожалығы ҳәм мелиоратив техниканы, сондай-ақ машина-трактор парклери, устаханалар ҳәм сервис пунктлериниң әспаб-үскенелерин техникалық көриктен өткериў ҳаққында
 To`liq ro'yxatga qaytish
Hujjat turiQaror
Hujjatni qabul qiluvchi tashkilotQoraqalpog'iston Respublikasi Qorauzak tumani hokimligi
Hujjat muallifiQoraqalpog'iston Respublikasi Qorauzak tumani hokimligi
Muhokama boshlanishi (sana)2016-02-02 18:24:03
Muhokama yakunlanishi (sana)2016-02-17 00:00:00
Hujjat ko'rinishiNHH loyihasi
Hujjatning joriy holatiMuhokama yakunlangan

Аўыл хожалығы ҳәм мелиоратив техниканы, сондай-ақ машина-трактор парклери, устаханалар ҳәм сервис пунктлериниңәспаб-үскенелерин техникалық көриктен өткериў ҳаққында

Өзбекистан Республикасы Министрлер Кабинетиниң 2013-жыл
25-апрель күнги 2452-саны менен дизимнен өткизилген Өзбекистан Республикасы Аўыл ҳәм суў хожалығы министрлигиниң 2013-жыл 2-апрельдеги 58-санлы буйрығы менен тастыйықланған «Аўыл хожалығы ҳәм мелиоратив техниканы, сондай-ақ машина-трактор парклери, устаханалар ҳәм сервис пунктлериниң әспаб үскенелерин техникалық көриктен өткериў тәртиби ҳаққында» ғы Режеге тийкарланып Карақалпақстан Республикасы Министрлер Кеңеси жанындағы «Мәмлекетлик техникалық бақлаў» инспекциясының 2016-жыл 5-январь күнги 2-санлы буйрығына муўапық, районда 2016-жыл аўыл хожалығы ҳәм мелиоратив техника, машина-трактор парклери, устаханалар ҳәм сервис пунктлерин ҳәр жыллық техникалық көриктен өткериў мақсетинде

Ш Е Ш И МЕ Т Е М Е Н:

1.Төмендегилер:

а) Район аймағындағы аўыл хожалығы ҳәм мелиоратив техниканы, сондай-ақ, машина-трактор парклери, устахана ҳәм сервис пунктлериниң әсбап-үскенелерин техникалық көриктен өткериў кестеси 1-қосымшаға,

б) аўыл хожалығы ҳәм мелиоратив техниканы сондай-ак, машина- трактор парклери, устахана ҳәм сервис пунклериниң әсбап-үскенелерин техникалық көриктен өткериў бойынша комиссия қурамы 2-қосымшаға муўапық тастыйықлансын.

Техникалық көриктен өткериўши район комиссиясына:

мүлкшилик түриниң қандай болыўына қарамастан барлық маркадағы аўыл хожалық ҳәм мелиоратив, жол қурылыс техника қураллары, машина әсбап-үскенелерди жыллық техникалық көриктен өткериў ҳаққындағы кестени юридикалық ҳәм физикалық шахсларға жеткериў;

мүлкшилик түриниң қандай болыўына қарамастан барлық маркадағы аўыл хожалық ҳәм мелиоратив, жол-қурылыс техника қуралларын техникалық көриктен өткериў майданшаларына жыйнаў;

техникалық көриктен өткен техникаларды баянламалар тийкарында ислеўге рухсат бериў, шөлкемлестириў ўазыйпасы тапсырылсын.

2. Барлық кәрхана, шөлкем, машина-трактор парки жуўапкершилиги шекленген жәмийетлери, альтернатив машина-трактор парклери, фермер хожалықлары басшыларына;

есабында бар болған аўыл хожалық ҳәм мелиоратив жол-қурылыс техникаларын, машина әсбап-үскенелерин техникалық көриктен өткериў ушын таярлап, белгиленген майданшаларға жыйнаў ҳәм техникалық көрикке тийисли төлемлердиң төлениўин тәмийинлеў тапсырылсын.

3. Район ҳәкиминиң биринши орынбасарына (П.Ерназаров) ҳәм районлық аўыл ҳәм суў хожалығы бөлимине (С.Досбергенов) райондағы кәрхана, шөлкем,машина-тракторпарки ашық акционерлик жәмийети, альтернативлик машина трактор парклери, фермер хожалықлары ҳәм пуқараларда бар болған мүлкшилик түрине қарамастан аўыл хожалығы ҳәм мелиоратив,
жол-қурылыс техникаларын, машина, әсбап-үскенелериниң техникалық жағдайын техникалық көриктен өткериў менен байланыслы болған жыйымларды төлеўге әмелдеги тәртиплерге тийкарланып әмелий жәрдем бериў тапсырылсын.

4.Бул шешим районлық «Мийнет байрағы» газетасында жәриялансын.

5. Усы шешимниң қабыл етилиўине байланыслы район ҳәкиминиң
2015-жыл 19-февраль күнги 44/2-санлы шешими бийкар етилсин.

6. Усы шешимниң орынланыўын қадағалаў район ҳәкиминиң биринши орынбасары Ерназаровқа ҳәм районлық аўыл ҳәм суў хожалығы бөлими баслығы С.Досбергеновқа жүкленсин.

7.Бул шешим рәсмий жәрияланған күннен баслап күшке киреди.

Район ҳәкиминиң 2016- жыл «____»_______________ күнги «_____» - санлы шешимине1-қосымша

Аўыл хожалығы ҳәм мелиоративлик техника, сондай-ақ машина-трактор парклери, устахана ҳәм сервис пунктлериниң әсбап-үскенелерин техникалық көриктен өткизиў бойынша районлық комиссия қурамы

Қ.Утемисов

-Қараөзек районлық мәмлекетлик техника қадағалаў инспекторы, комиссия баслығы

Комиссия ағзалары:

Ж.Даўекеев

- Қараөзек районы «Агротехсервис» ЖШЖ баслығы

С.Ещпанов

- Караөзек районы аўыл хожалық кәсип-өнер колледжи механиги

Б.Тилеуимбетов

- Районлық аўыл ҳәм суў хожалығы бөлими бас қәнийгеси.

Еслетпе: Усы комиссия ағзалары басқа жумысқа өткен жағдайда орнына келген шахс комиссия ағзасы болып есапланады.

Tadbir nomiAmalga oshirish mexanizmiAmalga oshirish muddatiIjrochilar
1Аўыл хожалығы ҳәм мелиоратив техниканы, сондай-ақ машина-трактор парклери, устаханалар ҳәм сервис пунктлериниң әспаб-үскенелерин техникалық көриктен өткериў ҳаққындаРайонда 2016-жыл аўыл хожалығы ҳәм мелиоратив техника, машина-трактор парклери, устаханалар ҳәм сервис пунктлерин ҳәр жыллық техникалық көриктен өткериў 23/02/2016Район ҳәкимлиги, районлық аўыл ҳәм суў хожалығы бөлими

So`rovnoma natijalari