Hujjat nomi
Пуқараларды жумысқа орналастырыў, жәмийетлик жумысларға қатнастырыў, кәсипке оқытыў ҳәм қайта таярлаў ҳаққында
 To`liq ro'yxatga qaytish
Hujjat turiQaror
Hujjatni qabul qiluvchi tashkilotQoraqalpog'iston Respublikasi Nukus shahri hokimligi
Hujjat muallifiQoraqalpog'iston Respublikasi Nukus shahri hokimligi
Muhokama boshlanishi (sana)2016-10-05 17:13:05
Muhokama yakunlanishi (sana)2016-10-20 00:00:00
Hujjat ko'rinishiNHH loyihasi
Hujjatning joriy holatiMuhokama yakunlangan

Пуқараларды жумысқа орналастырыў, жәмийетлик жумысларға қатнастырыў, кәсипке оқытыў ҳәм қайта таярлаў ҳаққында

Өзбекистан Республикасының 1998-жылы 1-майдағы «Халықты жумыс пенен тәмийинлеў ҳаққындағы» Нызамы («Ўзбекистон Республикаси Олий Мажлисининг Ахборотномаси», 1998 йил, 5-6-сон, 97-модда)ның 17, 22, 23-статьялары, Өзбекистан Республикасы Министрлер Кабинетиниң 1999-жыл 19-июлдағы 353-санлы қарары менен тастыйықланған «Ҳақы төленетуғын жәмийетлик жумысларды шөлкемлестириў ҳаққында»ғы Реже («Ўзбекистон Республикаси Ҳукуматининг қарорлари тўплами, 1999 йил, 7-сон, 40-модда)ге ҳәм «Жергиликли мәмлекетлик ҳәкимияты ҳаққында»ғы Өзбекистан ҳәм Қарақалпақстан Республикасы Нызамларына тийкар,

Ш Е Ш И М Е Т Е М Е Н:

1. Өзбекистан Республикасының 1998-жылы 1-майдағы «Халықты жумыс пенен тәмийинлеў ҳаққында»ғы Нызамының 17, 22, 23-статьялары, Өзбекистан Республикасы Министрлер Кабинетиниң 1999-жыл 19-июлдағы 353-санлы қарары менен тастыйықланған «Ҳақы төленетуғын жәмийетлик жумысларды шөлкемлестириў ҳаққында» ғы Реже орынлаў ушын басшылыққа алынсын.

2. Нөкис қаласында жумыс пенен бәнт болмаған пуқараларды социаллық қорғаў мақсетинде төмендегилер:

а) 2017-жылда пуқараларды жумысқа орналастырыў, ҳақы төленетуғын жәмийетлик жумысларға жибериў ҳәм кәсипке таярлаў бойынша қадағалаўшы көрсеткишлери 1-қосымшағамуўапық;

б) Қала аймағында жумыс излеўши сыпатында дизимге алынған пуқаралар ушын 2017-жылда ҳақы төленетуғын жәмийетлик жумысларды шөлкемлестиретуғын мәкеме ҳәм кәрханалар дизими 2-қосымшаға муўапық;

в) Нөкис политехника кәсип-өнер колледжинде 2017-жылда кәсипке оқытыў ҳәм қайта таярлаўды шөлкемлестириў режеси 3-қосымшаға муўапық;

г) Пуқараларды жәмийетлик жумысларға қатнастырыў, кәсипке оқытыў ҳəм қайта таярлаўды шөлкемлестириў бойынша қалалық исши топар қурамы 4-қосымшаға муўапық тастыйықлансын.

3. Пуқараларды жәмийетлик жумысларға қатнастырыў, кәсипке оқытыў ҳәм қайта таярлаўды шөлкемлестириў бойынша қалалық исши топар (А. Ибрагимов) кала аймағында жумыс излеўши сыпатында дизимге алынған пуқаралар ушын ҳақы төленетуғын жәмийетлик жумысларды шөлкемлестиретуғын кәрхана, мәкеме ҳәм шөлкем басшылары жумыссыз деп табылған пуқаралар ушын белгилеп қойылған жумыс орынларының санитариялық-гигиеналық нормаларына ҳәм жумысшы өз ўазыйпаларын еркин орынлаўын тәмийинлейтуғын мийнет шәраятларына муўапық болыўын тәмийинлесин.

Төмендегилер:

а) Өзбекистан Республикасы Министрлер Кабинетиниң 1999-жыл 19-июлдағы 353-санлы қарары менен тастыйықланған «Ҳақы төленетуғын жәмийетлик жумысларды шөлкемлестириў ҳаққында»ғы Режениң 23-бәнтине муўапық ҳақы төленетуғын жәмийетлик жумысларды қаржы менен тәмийинлеўде:

Жергиликли мәмлекет ҳәкимияты уйымларына қараслы кәрханалар, мәкемелер ҳәм шөлкемлер бойынша – 50% жумыс бериўшилер қәрежетлери ҳәм 50% жергиликли бюджет ҳәм жумыс пенен тәмийинлеўге көмеклесиў мәмлекетлик қоры есабынан; басқа кәрханалар, мәкемелер ҳәм шөлкемлер бойынша – 75% жумыс бериўшилер есабынан ҳәм 25% жумыс пенен тәмийинлеўге көмеклесиў мәмлекетлик қоры есабынан әмелге асырылыўы;

б) Өзбекистан Республикасының «Халықты жумыс пенен тәмийинлеў ҳаққында»ғы Нызамының 23-статьясына муўапық жумыссыз деп табылған пуқараларды 2017-жылда кәсипке оқытыў ҳәм қайтатаярлаўды шөлкемлестириў қаржылары жумыс пенен тәмийинлеўге көмеклесиўши мәмлекетлик қоры есабынан әмелге асырылыўы есапқа алынсын.

4. Қалалық исши топар (А. Ибрагимов) ҳәм қалалық бәнтликке көмеклесиў орайы (Б. Есенов) бул шешимди тийисли кәрхана ҳәм мәкемелер басшыларына жеткерилиўин тәмийинлесин.

5. Нөкис қаласы ҳәкиминиң 2016-жыл 14-январдағы «Пуқараларды жумысқа орналастырыў, жәмийетлик жумысларға қатнастырыў, кәсипке оқытыў ҳәм қайта таярлаў ҳаққында»ғы 06/01-03-санлы шешими («Нөкис ҳақыйқаты» газетасы 30-январь 2016-жыл, 4(1085)-сан) 2016-жыл 31-декабрьден өзкүшин жойытқан деп есаплансын.

6. Усы шешимниң орынланыўын қадағалаў қала ҳәкиминиң орынбасары А. Ибрагимовқа жүкленсин.

7. Бул шешим қалалық «Нөкис ҳақыйқаты» газетасында рәсмий жәриялансын ҳәм ҳәкимлик рәсмий веб-сайтында жайластырылсын.

8. Бул шешим рәсмий жәрияланған күннен баслап күшке киреди.

Tadbir nomiAmalga oshirish mexanizmiAmalga oshirish muddatiIjrochilar
1Пуқараларды жумысқа орналастырыў, жәмийетлик жумысларға қатнастырыў, кәсипке оқытыў ҳәм қайта таярлаў ҳаққындаНӨКИС ҚАЛАСЫ ҲӘКИМИНИҢ ШЕШИМИ2016 жылНокис каласы хакимлиги

So`rovnoma natijalari