Hujjat nomi
Социаллық қорғаўға мүтәж ҳәм жумыс табыўда қыйналып атырған шахсларды жумысқа орналастырыў ушын жумыс орынларын 2017-жыл ушын бәнт етип қойыў ҳаққында
 To`liq ro'yxatga qaytish
Hujjat turiQaror
Hujjatni qabul qiluvchi tashkilotQoraqalpog'iston Respublikasi Qung`irot tumani hokimligi
Hujjat muallifiQoraqalpog'iston Respublikasi Qung`irot tumani hokimligi
Muhokama boshlanishi (sana)2016-10-15 17:25:41
Muhokama yakunlanishi (sana)2016-10-30 00:00:00
Hujjat ko'rinishiNHH loyihasi
Hujjatning joriy holatiMuhokama yakunlangan

Социаллық қорғаўға мүтәж ҳәм жумыс табыўда қыйналып атырған шахсларды жумысқа орналастырыў ушын жумыс орынларын

2017-жыл ушын бәнт етип қойыў ҳаққында

Өзбекистан Республикасының «Халықты жумыс пенен тәмийинлеў ҳаққында»ғы Нызамы (Ўзбекистон Республикаси Олий Мажлисининг Ахборотномаси, 1998 й., 5-6-сон, 97-модда;)ның 17-статьясы, «Нәгиранларды социаллық қорғаў ҳаққында»ғы Нызамы (Ўзбекистон Республикаси қонун ҳужжатлари тўплами, 2008 й., 29-30-сон;)ның 25-статьясы, Өзбекистан Республикасы Министрлер Кабинетиниң 2008-жыл 20-августтағы 186-санлы қарары менен тастыйықланған «Социаллық қорғаўға мүтәж ҳәм жумыс табыўда қыйналып атырған шахсларды жумысқа орналастырыў ушын жумыс орынларын бәнт етип қойыў тәртиби ҳаққындағы Реже»ге (Ўзбекистон Республикаси қонун ҳужжатлари тўплами, 2008 й., 34-сон, 333-модда;) тийкар, социаллық қорғаўға мүтәж ҳәм жумыс табыўда қыйналып атырған шахсларды жумысқа орналастырыў ушын районда 2016-жыл ушын жумыс орынларын бәнт етип қойыў мақсетинде

ШЕШИМ ЕТЕМЕН:

1.Өзбекистан Республикасының «Халықты жумыс пенен тәмийинлеў ҳаққында»ғы Нызамының 17-статьясына тийкар социаллық қорғаўға мүтәж
ҳәм жумыс табыўда қыйналып атырған шахсларды жумысқа орналастырыў ушын райондағы кәрханалар, шөлкемлер ҳәм мекемелер ушын жумысшылардың дизими бойынша орташа санынан 381 адамды қурайтуғын 7 пайыз муғдарында, сол есаптан:

а) 14 жасқа толмаған балалары ҳәм нәгиран балалары бар жалғыз
ҳәмде көп балалы ата-аналарушын 30,7 пайыз – 117 адам;

б) билимлендириў мекемелерин питириўши жаслар ушын 32,8 пайыз
125 адам;

в) мүддетли әскерий хызметтен босатылғанлар ушын 7,1 пайыз – 27 адам;

г) нәгиранлар ушын 2,6 пайыз – 10 адам;

д) районлық Бәнтликке көмеклесиў орайында жумыс излеўши сыпатында есапта турған пенсия жасына жақынласып қалған шахслар ушын 1,0 пайыз – 3 адам;

е) жазаны орынлаў мекемелеринен азат етилген, жазаны өтеп атырған
яки суд қарарына көре медициналық характердеги мәжбүрий иләжлар көрилген шахслар ушын 7,3 пайыз – 28 адам;

ж)адам саўдасынан жәбирленгенлер ушын 1,5 пайыз – 6 адам;

з) социаллық қорғаўға мүтәж шахслардың басқа түрлери ушын 1,1 пайыз 4 адам;

и) мобилизациялық шақырыў резервине босатылған шахслар
ушын 10,2 пайыз 39 адам;

й) киши жастағы балалары болған ислемейтуғын ҳаяллар ушын 5,7 пайыз 22 адам муғдарында жумыс орынлары бәнт етилсин.

2. 2016-жылда социаллық қорғаўға мүтәж ҳәм жумыс табыўда қыйналып атырған шахсларды жумысқа орналастырыў ушын жумыс орынларын 2017-жыл ушын бәнт етип қойыў лазым болған кәрханалар дизими 1-қосымшаға муўапық, социаллық қорғаўға мүтәж ҳәм жумыс табыўда қыйналып атырған шахсларды жумысқа орналастырыў ушын жумыс орынларын 2017-жыл ушын бәнт етип қойыўды ҳәм оларды жумыс пенен тәмийинлеўди шөлкемлестириў бойынша арнаўлы комиссия қурамы

2-қосымшаға муўапық тастыйықлансын.

3. Кәрхана, шөлкем ҳәм мекемелер басшыларына социаллық қорғаўға мүтәж ҳәм жумыс табыўда қыйналып атырған шахсларды жумыс
пенен тәмийинлеў ушын 2016-жыл жуўмақланыўынан 10 күн алдын квота жумыс орынлары улыўма муғдарының кеминде 25 пайызы ушын, 2017-жылдың апрелинен кешикпей жумыс орынларының қалған бөлеги 75 пайызын қураў (ажыратыў яки бәнт етип қойыў) ҳаққындағы, яғный ҳәр бир квота тайпасы бойынша жумыс орынлары бәнт етип қойылатуғын кәсиплер ҳәм лаўазымлар, қәнийгеликлер кесиминдеги мағлыўматларды ҳәм шешим бойынша шығарылған буйрық нусқаларын район Бәнтликке көмеклесиў орайына усыныў ўазыйпалары жүклетилсин.

4. Кәрхана, шөлкем ҳәм мекемелер басшылары социаллық қорғаўға мүтәж ҳәм жумыс табыўда қыйналып атырған шахслар ушын жумыс орынларының көрсетип өтилген муғдарын Министрлер Кабинетиниң 2008-жыл 20-августтағы 186-санлы қарары менен тастыйықланған «Социаллық қорғаўға мүтәж ҳәм жумыс табыўда қыйналып атырған шахсларды жумысқа орналастырыў ушын жумыс орынларын бәнт етип қойыў тәртиби ҳаққындағы Реже»ге муўапық белгиленген мүддетлерде ҳәм тәртипте жаратылыўын (ажыратыўын яки бәнт етип қойыўын) ҳәмде жумыс орынлары санитария гигиена нормаларына ҳәм жумысшы
өз миннетлерин биймәлел орынлаўын тәмийинлейтуғын мийнет шәраятларына муўапық болыўын тәмийинлесин.

5. Усы шешим талаплары орынланбаған жағдайда мекемениң лаўазымлы шахсларына «Социаллық қорғаўға мүтәж ҳәм жумыс табыўда қыйналып атырған шахсларды жумысқа орналастырыў ушын жумыс орынларын бәнт етип қойыў тәртиби ҳаққындағы Реже»ниң 15-бәнтине муўапық жәрийма салынады.

6. Өзбекистан Республикасы Министрлер Кабинетиниң 2008-жыл
20-августтағы 186-санлы қарары менен тастыйықланған «Социаллық қорғаўға мүтәж ҳәм жумыс табыўда қыйналып атырған шахсларды жумысқа орналастырыў ушын жумыс орынларын бәнт етип қойыў тәртиби ҳаққындағы Реже»ге
тийкар, социаллық қорғаўға мүтәж ҳәм жумыс табыўда қыйналып атырған шахслар ушын бәнт етип қойылатуғын жумыс орынларын район ҳәкими тәрепинен белгиленген муғардан артықша шөлкемлестирген шөлкемлер
усы жумыс орынларын шөлкемлестириўге сарпланған қаржылардың бир бөлегин район Бәнтликке көмеклесиў ҳәм халықты социаллық қорғаў фонды қаржылары есабынан қаплаў ҳуқықына ийе екенликлери есапқа алынсын.

7. Районлық Бәнтликке көмеклесиў орайы (М.Рамазанов) усы шешимди тийисли кәрхана ҳәм шөлкем басшыларына жеткизсин ҳәмде оның орынланыўы үстинен қатаң қадағалаўды тәмийинлесин.

8. Қоңырат районы ҳәкиминиң 2015-жыл 11-ноябрь күнги «Социаллық қорғаўға мүтәж ҳәм жумыс табыўда қыйналып атырған шахсларды жумысқа жайластырыў ушын жумыс орынларын 2016-жыл ушын бәнт етип қойыў ҳаққында»ғы 646/11-санлы «Қоңырат ҳақыйқаты» газетасының 2015-жыл
25-ноябрь күнги 24-санында жәрияланған шешими 2016-жыл 31-декабрь күнинен өз күшин жойытқан деп есаплансын.

9. Усы шешимниң орынланыўын қадағалаў район ҳәкиминиң орынбасары Б. Камаловқа жүклетилсин.

10.Бул шешим районлық «Қоңырат ҳақыйқаты» газетасында рәсмий жәрияланған күннен баслап күшке киреди.

Қоңырат районы

ҳәкими З.Зайтов

Tadbir nomiAmalga oshirish mexanizmiAmalga oshirish muddatiIjrochilar
1Социаллық қорғаўға мүтәж ҳәм жумыс табыўда қыйналып атырған шахсларды жумысқа орналастырыў ушын жумыс орынларын 2017-жыл ушын бәнт етип қойыў ҳаққындагы шешимин додалау 30.10.2016-жылга шекем усыныслар киритиу30.10.2016-жылКонырат районы бантликке комеклесиу орайы, район аймагында жайласкан кархана хам шолкемлер

So`rovnoma natijalari