Aҳолига электрон давлат хизматларини кўрсатишни такомиллаштириш бўйича ишлар тўхтамайди. Бу сафар тадбиркорлар учун қўшимча шароитлар яратилди.

Ягона порталда ишга туширилган хизматлар эвазига хўжалик юритувчи субъектларни қўшиб юбориш ва акцияларни сотиб олиш бўйича битимларга рухсат олиш тартиби анча соддалаштирилди.

Хизматдан фойдаланиш учун зарур бўлган ҳужжатлар:

• фаолият турлари ҳақида маълумот;
• молиявий ҳисобот;
• шахслар гуруҳининг таркиби тўғрисидаги, бу шахсларнинг ушбу гуруҳга кириш асослари кўрсатилган маълумотлар.

Сиз деярли мақсадга эришдингиз, майдончаларни тўлдиргандан сўнг, операцияни ЭРИ калити билан тасдиқлаш керак бўлади ҳолос.

Рухсатномани олиш учун кутиш муддати - 10 кун.

Хизматни кўрсатиш қиймати базавий ҳисоблаш миқдорининг 10 баравари.

Хизматларга ўтиш учун ҳаволалар:

Хўжалик юритувчи субъектлар устав фондидаги (устав капиталидаги) акцияларни (улушларни) олишга олдиндан розилик олиш (хизмат юридик ва жисмоний шахслар учун тақдим этилади) - https://my.gov.uz/uz/service/355

Хўжалик юритувчи субъектларни қўшиб юбориш ва қўшиб олишга доир битимларга олдиндан розилик бериш (хизмат фақат юридик шахслар учун тақдим этилади) - https://my.gov.uz/uz/service/354

My.gov.uz – давлат хизматларидан уйдан чиқмаган ҳолда фойдаланинг!