Эндиликда, Ягона интерактив давлат хизматлари портали ва Электрон ҳукуматнинг инфокиосклари орқали фуқароларнинг Давлат хизматлари марказларидан юборган аризалари ҳолатини текшириш, аризанинг кўриб чиқилиши босқичларини кузатиб бориш имкони мавжуд. Бунда фойдаланувчилардан аризанинг рақами ва махсус паролни киритиш талаб этилади. Маҳсус код ҳар бир аризанинг Амаллар хронологиясидаги “Ариза тўғрисида маълумот” менюсида жойлаштирилган бўлади.
Давлат хизматлари марказлари орқали ариза юборилганда, унинг махсус паролини оператордан сўрашингиз мумкин.
Хизматнинг қулайлиги шундаки, фуқаролар эндиликда хизматнинг кўрсатилиш натижасини Давлат хизматлари марказларига ташриф буюрмасдан билишлари мумкин бўлади.

Мазкур хизматни 2019 йил 19 мартдан кейин юборилган аризаларга қўллаш мумкин.