O‘zbek tilim, boyligim, iftixorimsan!..

1989 yil 21 oktyabr… 

Qalblarni to‘lqinlantirgan mustaqillikning ilk nasimlarini olib kelgan qutlug‘ kun... Ona tilimiz sha’ni va qadr-qimmatini yuksaklarga ko‘tarishga tashlangan mardona qadam... 

Mana 32 yildirki o‘ziga bek tilsan. O‘zbek tilimiz, boyligimiz, iftixorimizsan!.. 

Barcha millat vakillari ahil va inoqlikda yashayotgan jonajon O‘zbekistonimizda tillarning erkin qo‘llanilishiga monelik qilinmaydi. 

Shuning sharofati ila bugun dunyoning istalgan davlatida o‘zbek tilini o‘rganayotgan, shu tilda kuylayotgan, uning tarixiga qiziqqan minglab xorijliklarni ko‘rmoqdamiz. 

Ha, sen asrlar silsilasi, davr talotumlaridan, turli zug‘um va kamsitishlardan o‘z jilosini yo‘qotmay, yanada boyib, sayqallanib, ko‘zlarimizni quvontirayotgan ona tilimiz – O‘zbek tilimizsan! Sen mangu va barhayotsan!

Senga munosib vorislarga, butun O‘zbekiston farzandlariga 21 oktyabr – O‘zbek tili bayrami kuni muborak bo‘lsin!!!

Elektron hukumat loyihalarini boshqarish markazi