Xorijga chiqish pasportini rasmiylashtirishga ariza berish

1. Arizachi davlat xizmatini elektron tarzda olish uchun YIDXPda ro'yxatdan o'tiladi;

2. So'rovnomani to'ldirib vakolatli organga yuboriladi;

3. Arizachi belgilangan muddatda ma'lumotlar yig'ish punktiga qo'l barmoq izlarini topshirish va suratga tushish uchun shaxsan tashrif buyuradi;

4. Xorijga chiqish biometrik pasportini olish bo'yicha fuqarolik pasporti yoki unga tenglashtirilgan hujjatni belgilangan kun va vaqtda vakolatli organga shaxsan kelib taqdim etish;

Ma’lumot o'rnida:
Xorijga chiqish biometrik pasportini rasmiylashtirishda ma’lumotlarni yig‘ish punktiga:
harbiy guvohnomaning yoki chaqiruv uchastkasida qayd etilganligi guvohnomasining nusxasi yoki mudofaa ishlari bo'limining ma’lumotnomasi — harbiy xizmatga majburlar uchun;
ota-onalar, vasiylar (homiylar)ning notarial tasdiqlangan roziligi — voyaga yetmaganlar uchun;
fuqaroga hamrohlik qiluvchi shaxsning notarial tasdiqlangan majburiyati — voyaga yetmaganlar uchun.
Doimiy yashash uchun xorijga chiqishda o‘z ota-onalarining va turmush o‘rtog‘ining, birgalikdagi nikohdan voyaga yetmagan bolalar bo‘lsa, sobiq turmush o‘rtog‘ining notarial tasdiqlangan roziligi, vafot etgan yoki bedarak yo‘qolgan hollarda — vafot etganlik to‘g‘risidagi guvohnomaning yoki sudning shaxsni bedarak yo‘qolgan deb e’tirof etish haqidagi qarorining notarial tasdiqlangan nusxasi taqdim etiladi.