Ko‘p beriladigan savollar
Portal haqida

YIDXP – bu butunjahon internet tarmog‘ida foydalanuvchilarga O‘zbekiston Respublikasi davlat tashkilotlari (keyingi o‘rinda – davlat tashkilotlari) tomonidan  ko‘rsatiladigan interaktiv davlat xizmatlaridan foydalanish imkoniyatini taqdim etuvchi Yagona interaktiv davlat xizmatlari portali (my.gov.uz).

YIDXP foydalanuvchilar va davlat tashkilotlari o‘rtasida davlat xizmatlari sohasida munosabatlarni masofaviy tashkillashtirilishiga hamda ko‘rsatiladigan xizmatlarning samaradorligini oshirishga xizmat qiladi.

 

Yagona portal (YIDXP) davlat organlari tomonidan ko'rsatiladigan, shu jumladan pulli asosda ko'rsatiladigan interaktiv davlat xizmatlaridan erkin foydalanishning yagona nuqtasi hisoblanadi.

Yagona portalning asosiy vazifalari:

  • foydalanuvchilarga davlat organlariga to'g'ridan-to'g'ri murojaat qilish uchun imkoniyat berish;
  • foydalanuvchilarni axborot-kommunikatsiya texnologiyalari sohasidagi boshqa loyihalar bilan integratsiyalash;
  • foydalanuvchilarning davlat organlari bilan o'zaro hamkorligi samaradorligini oshirish;
  • davlat organlariga murojaat qilinganda foydalanuvchilar uchun byurokratik to'siqlarni qisqartirish va ularni bartaraf etish;
  • «Elektron hukumat» tizimini yanada rivojlantirish va davlat boshqaruviga zamonaviy axborot texnologiyalarini joriy etishda ko'maklashish.

Yagona portal zamonaviy axborot texnologiyalaridan foydalanish asosida interaktiv davlat xizmatlari olishda foydalanuvchilarning shart-sharoitlarini rivojlantirish va imkoniyatlarini kengaytirish uchun mo'ljallangan.

MyGov da shaxsiy kabinetga OneID tizimidagi login va parol orqali kirish mumkin.

OneID tizimida ro‘yxatdan o‘tish uchun siz foydalanuvchi shartnomasi bilan tanishib chiqishingiz va unga rozilik bildirishingiz lozim. Kelishuvni tasdiqlagach, "Ro‘yxatdan o‘tish" tugmasini bosing. Bo‘sh maydonlarga O‘zbekiston Respublikasi fuqarolik pasporti (ID karta), JSHSHIR yoki fuqaroligi bo‘lmagan shaxsning yashash guvohnomasi raqamini kiriting. Shuningdek, telefon raqamingizni biriktirib qo‘ying. Keyingi bosqichda qulay login va parol yarating va ro‘yxatdan o‘tishni yakunlang.

 Jismoniy shaxsni OneID tizimida ro'yxatdan o'tishi bo'yicha batafsil qo'llanma

 

JSH SHIR, yaʼni jismoniy shaxslarning shaxsiy identifikatsion raqami — bu har bir fuqaroga pasport olayotganida, endilikda esa tug‘ilganlik to‘g‘risida guvohnoma bilan birgalikda beriladigan unikal raqamlar to‘plami.

Aynan JSH SHIR avtomatlashtirilgan tizim fuqaro kimligini aniqlashi,
u haqida zarur bo‘lgan elektron maʼlumotlarni olishga ko‘maklashuvchi maxsus kod vazifasini bajaradi.

OneID tizimida shaxsiy sahifangizda “Tasdiqlash” bo‘limiga shaxsiy ERI kalit biriktirilgan bo‘lishi lozim. Shundan keyin avtorizatsiyadan o‘tish jarayonida “ERI orqali” tugmasi orqali kirish mumkin.