33-мақсад - Ёшлар ўртасида IT соҳасини янада оммалаштириш учун биринчи маротаба ҳафталик доирасида IT таълим форуми ўтказилмоқда. Бу 2030 йилга келиб 300 минг ёшларимизни IT соҳасида юқори маошли иш билан таъминлаш бўйича асосий самарадорлик кўрсаткичимизга эришишга ёрдам беради.

57-мақсад - мамлакатни минтақавий IT-НUBга айлантириш бўйича чет элдан юзлаб меҳмонлар таклиф этилган ва улар учун махсус Ўзбекистон аутсорсинг форуми ташкил этилмоқда. Чет эллик сайт селекторлар ва ОАВ вакиллари Ўзбекистондаги шароитларни ўз кўзлари билан кўриб кетишлари мамлакатимизга IT аутсорсинг компанияларининг кўпроқ кириб келишига ва 2030 йилгача йиллик экспортни 5 млрд долларга чиқаришга ёрдам беради.

77-мақсад - Давлат хизматларини рақамлаштириш бўйича Рақамли ҳукумат - инсонлар учун мавзусидаги саммитда қатнашадиган халқаро экспертлар ва давлат идораларининг рақамлаштириш бўйича масъуллари ушбу мақсаддаги 2030 йилга келиб дунёдаги ТОП 30та аҳоли ва тадбиркорларга энг яхши рақамли хизматлар кўрсатадиган мамлакатлар қаторига чиқиш бўйича амалга ошириладиган ишларни батафсил кўриб чиқишга имкон беради.

Ва албатта бошқа қатор тадбирлар, шу жумладан АКТ кўргазмаси ҳам рақамлаштириш соҳасидаги ўзаро ҳамкорликнинг янги йўналишларини очишга ёрдам беради.

Барчани 24-27 октябрь кунлари ўтадиган кўргазмага ҳам таклиф этамиз. Манзил: "CAEx" (Central Asian Expo Uzbekistan), Тошкент ш., Миллий боғ кўчаси, 1 уй (Central Asian University ёнида). Айниқса охирги куни 27 октябрда барча ёшларимиз учун кўргазмадаги компаниялар томонидан иш ўринлари ярмаркаси ҳам ташкил этилади.