Дўстлар, янги йил яқинлашмоқда.

Бугун оппоқ қорга бурканган кўчалар ҳам қалбларимизга байрам кайфиятини олиб кирди.

Яқинлар хурсандчилиги учун совғалар танлаш, фарзандлар қувончи учун хонадонларни безаш, бахтиёр оиланг борлигини ҳис қилиш учун Янги йил дастурхони атрофида жам бўлиш, яна қувноқ куй-қўшиқлар, қизиқарли ўйинлар ҳар биримиз интиқиб кутаётган энг ёқимли онлар, шундай эмасми?!

Буларнинг ҳаммасини уддалаш учун бизга нима керак? Албатта, вақт ва маблағ.

Агар сиз Ягона портал фойдаланувчиси бўлсангиз, ҳаммасига улгурасиз. Яна нақдингизни ҳам тежайсиз.

Байрамни хотиржам ўтказиш учун ҳужжатларни тўғрилай, қарзларни тезроқ ёпай, деб давлат идораларига чопмайсиз, узундан-узун навбатларда турмайсиз, ишни уйда бир пиёла чой устида ҳам битираверасиз.

Чунки my.gov.uz порталида жорий этилган 300дан ортиқ электрон хизматлар аҳолимиз учун йил мобайнида 24 соат давомида дам олишсиз ишлайди.