ID карта олдингизми?..

Ҳозирги кунда абитуриентларнинг Олий таълим муассасаларига топширадиган ҳужжатлари my.gov.uz ва Давлат тест маркази сайтлари орқали онлайн қабул қилинмоқда. Аввалгидек таълим муассасаларига овора бўлиб бориш, узундан-узоқ навбатларда туриш йўқ энди.

Абитурентлар ҳужжатларини масофадан топшириш учун дастлаб Ягона идентификация тизими (id.egov.uz) да рўйхатдан, сўнгра my.gov.uz да авторизациядан ўтадилар.

Шу ўринда яна бир қулайликни эслатиб ўтамиз, ID карта олганлар id.egov.uz тизимида автоматик тарзда рўйхатдан ўтган бўлишади.

2021 йилда my.gov.uz орқали 77 мингдан ортиқ абитурентларнинг аризалари қабул қилинган.

Маълумот ўрнида:
Халқ таълими вазирлиги берган маълумотларга кўра, жорий ўқув йилида мактабларни 390 мингдан ортиқ ўқувчи битиради. Бугунги кунда электрон маълумотлар базаси attestat.uzedu.uz сайтида 16 ёшга тўлган 122 мингдан зиёд битирувчи (31%) ID карта (паспорт) олмаган.

Шундай экан, ота-оналар фарзандлари, яъни 16 ёшга тўлган мактаб битирувчиларининг ўз вақтида ID карта олишларини таъминлашлари лозим.

ID карта олиш учун 16 ёшга тўлган битирувчилар Ички ишлар органларининг миграция ва фуқароликни расмийлаштириш бўлимлари ёки давлат хизматлари марказларига мурожаат этишлари мумкин.