Эндиликда тиббиёт ва фармацевтика соҳаси ходимлари ҳужжат топшириш ва аттестациядан ўтиш учун пойтахтга овора бўлиб келиб юрмайди. Вақти ва маблағини беҳуда сарфламайди.

Улар ҳам My.gov.uz орқали уйдан чиқмаган ҳолда аттестациядан ўтиш ва малака тоифаларини олиш имкониятига эга бўлишди.

Хизматдан фойдаланиш учун:
▫️ ариза берувчи my.gov.uz да рўйхатдан ўтади;
▫️ сўров юборади.

Ҳужжатлардан:
▫️ малака аттестати нусхаси;
▫️ малака тоифасини бериш тўғрисидаги гувоҳнома нусхаси бўлса бас.

Ягона портал орқали ариза йўлланганда 10 фоиз чегирма ҳисобига:
▫️ Шифокор ва фармацевтлар – 612 000 сўм (1.8 БҲМ);
▫️ Бирламчи тиббий-санитария ёрдами муассасалари шифокор ва фармацевтлари – 153 000 сўм (0.45 БҲМ);
▫️ “Олий ҳамширалик иши” мутахассислигига эга ҳамширалар, ўрта тиббиёт ва ўрта фармацевтика ходимлари – 61 200 сўм (0.18 БҲМ) тўлайдилар.

My.gov.uz билан барчаси осон, тез ва қулай!