2024 йил 1 март санасидан бошлаб My.gov.uz порталида ёшларнинг IT-сертификат харажатларини қоплаш ва ўқув марказларини қўллаб-қувватлаш мақсадида 2 та янги давлат хизмати ишга туширилди:

1) Битирувчиси IT-хизматларни экспорт қилувчи IT-Парк резиденти бўлган компанияларга ишга жойлашган нодавлат ўқув марказларига субсидия ажратиш хизмати

Ушбу хизмат орқали битирувчиси IT хизматлар экспорт қилувчи компанияга ишга жойлашган ўқув марказларига БҲМнинг 75 бараваригача (25,5 млн сўмгача), ногиронлиги бўлган ёш битирувчиси ишга жойлашган ҳолларда эса 105 бараваригача (35,7 млн сўмгача) бир марталик субсидия ажратилади.

Ариза бериш учун: https://my.gov.uz/uz/service/901

2) Ёшларнинг халқаро IT-сертификатларни олиш харажатларини қоплаб бериш бўйича ариза юбориш хизмати

Мазкур хизмат орқали инглиз тили бўйича B2 ва ундан юқори даражага эга бўлган ёшларнинг профессионал даражадаги халқаро IT-сертификатларни олиш ҳамда ўқиш харажатлари тўлиқ қоплаб берилади.

Хизматдан фойдаланиш учун: https://my.gov.uz/oz/service/622

Мазкур хизматлар Ўзбекистон Республикаси Президентининг 2024 йил 2 февралдаги ПҚ-51-сон қарорига мувофиқ йўлга қўйилди.