Mámleketlik bilimlendiriw grantları

Mámleketlik bilimlendiriw grantları

Qordıń maqseti:

Ózbekstanda ekonomika hám ilimniń túrli tarawların rawajlandırıw ushın maman qánigeler tayarlaw.

Qatnasıw shártleri:

Stipendiya tańlawında qatnasıw ushın Ózbekstan puqarası bolıwı, qánigeligi boyınsha belgili jumıs tájiriybesine ie bolıwı hám bilim dárejesine (magistratura, doktorantura, qánigeligin arttırıw, stajirovka) baylanıslı jas sheklewlerine juwap beriwi kerek.

"El-yurt umidi" jamǵarması Basqarıw keńesiniń 2025-jıl 3-iyundaǵı qararına muwapıq abıraylı jetekshi joqarı oqıw orınlarında bakalavriat, magistratura hám doktoranturada oqıw ushın birinshi márte ashıq stipendiya tańlawı járiyalanadı!

Usı tańlawǵa kvotalardı bólistiriwde tómendegi baǵdarlarǵa ayrıqsha áhmiet berildi:

STEM (ilim, texnologiya, injenerlik hám matematika) hám ekonomikanıń drayver tarawları (energetika, transport, urbanizaciya, arxitektura hám qurılıs, awıl hám suw xojalıǵı, geodeziya, jer qatnasıqları), sonday-aq, mámleketlik basqarıw hám basqa da áhmietli sociallıq baǵdarlar (medicina, bilimlendiriw).

"El-yurt umidi" qorı tárepinen jámi 450 orın ajıratıldı, sonnan:

• bakalavriat basqıshına - 130 orın;
• magistratura baǵdarlamasına - 220 orın;
• doktorantura baǵdarlamasına - 100 orın;

Talabanlardıń hújjet tapsırıwı ushın qolaylı sharayatlar jaratıw maqsetinde onlayn platforma iske qosıldı.

Talabanlar usı platforma arqalı zárúr hújjetlerdi tapsırıwı hám usı jıldıń 3-iyuninen 16-iyunına shekem talaban sıpatında tańlawda qatnasıw ushın dizimnen ótiwi múmkin.

Hújjet tapsırıw procesinde talabanlar tómendegi hújjetlerdi júklep alıwı kerek:

• Qordıń atqarıwshı direktorı atına arza;
• shet el oqiw ornınan qabillaw xatı (Letter of Acceptance);
• miynet dáptershesiniń nusqası (eger bolsa);
• attestat yamasa diplom nusqası;
• shet tilin biliw dárejesin tastıyıqlawshı xalıqaralıq sertifikat;
• motivaciyalıq esse hám basqa hújjetler.

Qor stipendiatlardıń tómendegi qárejetlerin qaplaydı:

- oqıw ushın tólem;

- viza alıw;

- transport qárejetleri (eki tárepke jılına keminde bir márte);

- shet elde jasaw, awqatlanıw hám transport qárejetleri;

- zárúr oqiw hám ilimiy ádebiyatlardı aliw;

- shet el bilimlendiriw yamasa ilimiy mákemesiniń buyırtpası boyınsha maqalalar basıp shıǵarıw;

- ilimiy maqalalardı júklep aliw;

- medicinalıq qamsızlandırıw;

- medicinalıq qamsızlandırıw;

- Qor Qáwenderlik keńesiniń qararı boyınsha basqa qárejetler.

Konkurs haqqındaǵı barlıq tolıq maǵlıwmatlar rásmiy veb-saytında turaqlı járiyalanıp barıladı:https://eyuf.uz

Maǵlıwmat ushın baylanıs telefonları:

(71) 203-00-47. (71) 203-00-49.

Sonday-aq: @Eyufmatbuot