1. Litsenziat o‘zgartirilgan, uning nomi yoki joylashgan joyi (pochta manzili) o‘zgargan taqdirda, litsenziat yoki uning huquqiy vorisi qayta ro‘yxatdan o‘tkazilgandan keyin bir oy muddatda ko‘rsatib o‘tilgan ma'lumotlarni tasdiqlovchi tegishli hujjatlarni kiritgan holda, so‘rovnoma orqali litsenziyani qayta rasmiylashtirish to‘g‘risida Davlat xizmatlari markaziga yoki Yagona interaktiv davlat xizmatlari portali orqali murojaat qiladi.

2. Litsenziyalovchi organ litsenziyani qayta rasmiylashtirish to‘g‘risida tegishli hujjatlar kiritilgan so‘rovnomani olgan kundan e'tiboran besh kun muddatda litsenziyani qayta rasmiylashtiradi yoki tegishli sabablarni keltirgan holda lisenziyani qayta rasmiylashtirishni  rad etadi.

3. Litsenziyalovchi organ litsenziyani qayta rasmiylashtirishda litsenziyalar reestriga tegishli o‘zgartirishlar kiritadi.