Yagona interaktiv davlat xizmatlari portalida e’lon qilinadigan ayrim yangiliklar, axborot materiallari hamda foydalanuvchilar tomonidan berilgan savollarga portalning “AI-assistenti” tomonidan taqdim etiladigan javoblar sun’iy intellekt texnologiyalari yordamida shakllantirilishi mumkin.

Sun’iy intellekt texnologiyasi foydalanuvchilarga qulaylik yaratish, ma’lumotlarni tezkor yetkazish va xizmatlardan foydalanish jarayonini soddalashtirish maqsadida qo‘llaniladi. Shu bilan birga, sun’iy intellekt tomonidan yaratilgan yoki tavsiya qilingan kontent to‘liq aniqlik, to‘g‘rilik yoki yangiligi bo‘yicha kafolatlanmasligi mumkin.

Shuningdek, foydalanuvchilarga:

• Sun’iy intellekt orqali yaratilgan javoblar maslahat xususiyatiga ega ekanligi;
• Rasmiy qarorlar, huquqiy talqinlar yoki majburiy ma’lumotlar faqat tegishli davlat organlarining tasdiqlangan hujjatlariga asoslanishi;
• Zarurat tug‘ilganda foydalanuvchi rasmiy manbalarga murojaat qilishi lozimligi ma’lum qilinadi.

Foydalanuvchilar sun’iy intellekt tomonidan yaratilgan ma’lumotlardan mustaqil ravishda oqilona foydalanish uchun mas’ul hisoblanadilar.