Yangi transport vositalarini ro‘yxatdan o‘tkazish

1. Ariza beruvchi YIDXPda avtorizatsiyadan o‘tadi (yoki ro‘yxatdan o‘tadi), xizmat turini tanlaydi, ya'ni belgilangan manzilga YHXX xodimi tashrif buyurgan holda xizmat ko‘rsatilishi yoki mustaqil ravishda YHXX bo‘limiga tashrif buyurishini (faqat “Fayzobod”) tanlaydi va so‘rov yuboradi.

2. Yuborilgan arizaga muvofiq to‘lov uchun invoyslar shakllanadi (avtotransport vositasini ro‘yxatdan o‘tkazish uchun, davlat raqam belgisi uchun, davlat ro'yxatidan o'tganlik guvohnomasi (texpasport) uchun, va/yoki YHXX xodimi tashrif buyurgan holda xizmat ko‘rsatishi uchun).

3. Ariza beruvchi to‘lovni amalga oshiradi.

4. Ariza beruvchiga:

a) YHXX xodimi arizada belgilangan joyga chiqqan holda xizmat ko‘rsatishi yuzasidan xabarnoma yuboriladi (YHXX xodimi ariza beruvchi bilan bog‘lanadi)

b) YHXX bo‘linmasiga tashrif buyurishi lozimligi yuzasidan xabarnoma oladi (faqat “Fayzobod”).

5. YHXX xodimi transport vositasini ro‘yxatdan o‘tkazish to‘g‘risidagi guvohnomani va davlat raqam belgisini beradi.