Ҳозирги кунда турли мулк шаклларини олди-сотди қилишда аввалгидек идорама-идора қоғоз кўтариб юриш шарт эмас.

Жумладан:

Уй сотиб олишда:

Давлат кадастр реестридан маълумот олиш

Мулкдорга тегишли маълумотлар унинг ўзи томонидан ёки розилиги асосида my.gov.uz портали орқали олиниши мумкин. “Давлат кадастр реестридан кўчмас мулк бўйича кўчирмани текшириш” хизмати объект ва унга доир ҳуқуқлар тўғрисида электрон маълумот олиш имконини беради.

Яшаш жойи бўйича доимий рўйхатда туриш

Фуқаролар my.gov.uz портали ёрдамида масофадан туриб, “Яшаш жойига доимий рўйхатга туриш учун ариза юбориши” , шунингдек,  “Вақтинча турган жойи бўйича ҳисобга қўйиши” мумкин.

Шунингдек, Кадастр паспортини шакллантириш; Кўчмас мулкка бўлган ҳуқуқни кадастрда рўйхатдан ўтказиш; Ер участкасини хусусийлаштириш  каби қатор хизматлар мавжуд.

Автотранспорт сотиб олишда:

Автомобиль ҳақида маълумот

Ягона порталдаги “Автомобиль тарихи ҳақида маълумотнома” хизмати орқали автомобиль кимнинг номида, қачон ишлаб чиқарилган ва техник ҳолати каби маълумотларни олиш мумкин.

“Автотранспорт воситаларининг тақиқини текшириш”  хизмати орқали эса автомобилга тақиқ ёки чеклов мавжудлигини онлайн билса бўлади.

Шунингдек, Автотранспорт бошқарувига электрон ишончнома олиш; “Тонировка” учун рухсатнома олиш  каби қатор хизматлар мавжуд.