Qimmatbaho metallar va qimmatbaho toshlardan zargarlik va boshqa buyumlar ishlab chiqarish uchun yangi litsenziya olish

Litsenziya beruvchi tashkilot: O‘zbekiston Respublikasi Markaziy banki huzuridagi Qimmatbaho metallar agentligi.

Xizmat ko‘rsatish muddati: 10 ish kuni.

Ushbu xizmatni olish uchun kerak bo'ladigan ma'lumotlar:
  - Xizmat ko'rsatish ko'zlanayotgan manzil:
     А) Agar bino (xona) shaxsiy mulk bo'lsa, kadastr raqami;
     В) Agar bino (xona) ijaraga olingan bo'lsa, ijara shartnomasi haqida ma'lumotlar;

  - Tarozi va toshlar tekshirilgani haqida ma’lumotlar;

  - Zargarlik buyumlarini ishlab chiqarish taxmin qilinayotgan ob’ektning yong‘in xavfsizligi talablariga mos kelishi haqida ma’lumotlar;

  - O‘zbekiston Respublikasi Markaziy banki zaxirasidan ajratilgan qimmatbaho metallar va qimmatbaho toshlardan foydalanish mo‘ljallanayotgan ob’ektlar uchun (yuridik shaxslar uchun) — ob’ektning texnik jihatdan mustahkamligi va O‘zbekiston Respublikasi ichki ishlar organlari qo‘riqlash bo‘limlarining texnik qo‘riqlash markaziga (punktiga) ulangani haqida ma’lumot;

  - Arizani ko‘rib chiqish uchun yig‘imlar va litsenziya olish uchun davlat boji to‘langanini tasdiqlovchi ma’lumotlar.

Ushbu xizmatni tartibga soluvchi normativ-xuquqiy hujjat:
O‘zbekiston Respublikasi Vazirlar Mahkamasining "Qimmatbaho metallar va qimmatbaho toshlardan zargatlik va boshqa buyumlar ishlab chiqarishni litsenziyalash tartibi to'g'risidagi nizomni tasdiqlash haqida" 2017 yil 30 sentabrdagi № 777 sonli Qarori