Miynet shártnamasın biykar etiw túsinigi hám tiykarları.
Miynet shártnamasın biykar etiw degende Miynet Kodeksinde názerde tutılǵan tiykarlar boyınsha xızmetker hám jumıs beriwshi arasındaǵı jeke tártiptegi miynet qatnasıqların toqtatıw túsiniledi.
Miynet shártnamasın biykar etiw tiykarları tómendegilerden ibarat:
1) táreplerdiń kelisimi;
2) miynet shártnaması múddetiniń tamamlanıwı;
3) miynet shártnamasın xızmetkerdiń baslaması boyınsha biykar etiw;
4) miynet shártnamasın jumis beriwshiniń baslaması boyinsha biykar etiw;
5) shólkem múlk iyesiniń almasıwı, onıń qayta shólkemlestiriliwi, shólkemniń basqarıw boysınıwshılıǵınıń ózgeriwi múnásibeti menen xızmetkerdiń jumıstı dawam ettiriwden bas tartıwı;
6) xizmetkerdiń jańa miynet sharayatlarında islewdi dawam ettiriwden bas tartıwı;
7) xızmetkerdiń jumıs beriwshi menen birge basqa jerge jumıs islew ushın kóshiwden bas tartıwı;
8) xızmetkerdiń medicinalıq juwmaqqa muwapıq densawlıǵınıń jaǵdayına bola qarsı kórsetpe bolmaǵan basqa jumısqa ótkeriwden bas tartıwı yamasa jumıs beriwshide tiyisli jumıs bolmaǵan jaǵdayda;
9) táreplerdiń ıqtıyarına baylanıslı bolmaǵan jaǵdaylar;
10) jańa múddetke saylanbaǵanlıǵı yamasa tańlawdan ótpegenligi yáki saylawda, tańlawda qatnasıwdan bas tartqanlıǵı;
Miynet shártnaması Miynet kodeksinde hám basqa nızamlarda názerde tutılǵan basqa tiykarlar boyınshada biykar etiliwi múmkin.
Miynet shártnamasın jumıs beriwshiniń baslaması boyınsha biykar etiwdi qadaǵan etiw.
Miynet shártnamasın:
1) Miynet Kodeksiniń miynet hám shınıǵıwlar tarawında kemsitiwdi qadaǵan etiw talabın buzatuǵın;
2) xızmetkerdiń waqtınsha miynetke jaramsızlıq dáwirlerinde, ol miynet haqqındaǵı nızamshılıqta hám miynet haqqındaǵı basqa huqıqıy hújjetlerde, miynet shártnamasında názerde tutılǵan dem alıslarda bolǵan dáwirlerde;
3) xızmetker mámleketlik yáki jámiyetlik minnetlemelerdi orınlaǵanlıǵı múnásibeti menen jumıstan azat etilgen dáwirde;
4) xızmetker xızmet saparında bolǵan dáwirde;
5) hámiledar hayallar (Miynet Kodeksiniń 408-statyası) hám úsh jasqa shekemgi balası bar xızmetkerler (Miynet Kodeksiniń 409-statyası) ushın kepillikler beriwdi názerde tutatuǵın talaplarǵa boysınbastan jumıs beriwshiniń baslaması boyınsha biykarlaw qadaǵan etiledi.