Mamlakatni dunyoga tanitishda sportning o‘rni beqiyos. Shuning uchun ham yurtimizda sportga bo‘lgan e’tibor katta va sportchilarga yaratilayotgan imkoniyatlar bisyor. Bizni, ayniqsa, chempionatlardagi bokschilarimizning “nokautli” g‘alabalari, shaxmatchilarimizning “mot” qiluvchi “yurishlari” quvontirmoqda. Har safar O‘zbekiston bayrog‘i yuqoriga ko‘tarilganida takror-takror to‘lqinlanib, faxr va iftixor tuyg‘usini his qilishimizga sababchi bo‘lmoqda. Mana shu erishilayotgan yutuqlarda esa ustoz-trenerlarning ham hissasi katta.

My.gov.uz da sport murabbiylari uchun elektron davlat xizmatlari yo‘lga qo‘yilgan. Trener-o‘qituvchilarga malaka toifalari onlayn tarzda aynan my.gov.uz orqali beriladi.

Jumladan:

Sport-ta’lim muassasalarining trener-o‘qituvchisi uchun oliy malaka toifasini olishga ariza yuborish; 

Sport-ta’lim muassasalarining trener-o‘qituvchisi uchun birinchi yoki ikkinchi toifalarini olishga ariza yuborish;

Sport-ta’lim muassasalarining yo‘riqchi-uslubchisi uchun oliy malaka toifasini olishga ariza yuborish;  

Sport-ta’lim muassasalarining yo‘riqchi-uslubchisi uchun birinchi yoki ikkinchi malaka toifasini olishga ariza yuborish.

Bo‘sh kelmang, murabbiylar va chempionlar! Biz siz bilan birgamiz!

My.gov.uz bilan tejalgan vaqtni esa sportimizni yanada rivojlantirishga sarflayvering!