Мамлакатни дунёга танитишда спортнинг ўрни беқиёс. Шунинг учун ҳам юртимизда спортга бўлган эътибор катта ва спортчиларга яратилаётган имкониятлар бисёр. Бизни, айниқса, чемпионатлардаги боксчиларимизнинг “нокаутли” ғалабалари, шахматчиларимизнинг “мот” қилувчи “юришлари” қувонтирмоқда. Ҳар сафар Ўзбекистон байроғи юқорига кўтарилганида такрор-такрор тўлқинланиб, фахр ва ифтихор туйғусини ҳис қилишимизга сабабчи бўлмоқда. Мана шу эришилаётган ютуқларда эса устоз-тренерларнинг ҳам ҳиссаси катта.

My.gov.uz да спорт мураббийлари учун электрон давлат хизматлари йўлга қўйилган. Тренер-ўқитувчиларга малака тоифалари онлайн тарзда айнан my.gov.uz орқали берилади.

Жумладан:

Спорт-таълим муассасаларининг тренер-ўқитувчиси учун олий малака тоифасини олишга ариза юбориш; 

Спорт-таълим муассасаларининг тренер-ўқитувчиси учун биринчи ёки иккинчи тоифаларини олишга ариза юбориш;

Спорт-таълим муассасаларининг йўриқчи-услубчиси учун олий малака тоифасини олишга ариза юбориш;  

Спорт-таълим муассасаларининг йўриқчи-услубчиси учун биринчи ёки иккинчи малака тоифасини олишга ариза юбориш.
 

Бўш келманг, мураббийлар ва чемпионлар! Биз сиз билан биргамиз!

My.gov.uz билан тежалган вақтни эса спортимизни янада ривожлантиришга сарфлайверинг!