Imtiyozli transport kartasini my.gov.uz orqali oling!

Buning uchun my.gov.uz dagi “Shahar yoʻlovchilar transportida bepul yurish huquqini beruvchi imtiyozli transport kartalarini rasmiylashtirishga ariza berish” xizmatini tanlaysiz.

Oferta shartlari bilan tanishgach, tanlash koʻrsatilgan maydonlarni toʻldirasiz, yuborish tugmasini bosasiz.

Ariza 3 ish kunida koʻrib chiqiladi.

Xizmat mutlaqo bepul koʻrsatiladi.

Bunday karta egalari respublikamizning barcha hududlaridagi shahar yoʻlovchilar transportida (trolleybus, avtobus, tramvay, metro) bepul yurish huquqiga ega.

Imtiyozli transport kartasi kimlarga beriladi?

- 1941 — 1945-yillardagi urush qatnashchilari;

- 1941 — 1945-yillardagi urush nogironlari;

- 1941—1945-yillardagi urush davrida front ortida fidokorona mehnati
va benuqson harbiy xizmati uchun orden va medallar bilan taqdirlanganlar;

- Afgʻoniston Respublikasida va boshqa mamlakatlar hududidagi jangovar harakatlarda qatnashgan sobiq baynalminalchi jangchilar;

- haqiqiy muddatli harbiy xizmatni oʻtayotgan harbiy xizmatchilar va kontrakt boʻyicha oddiy askarlar hamda serjantlar tarkibidagi harbiy xizmatchilar;

- Chernobil AES halokati oqibatida nurlanish kasalligiga chalingan va uni boshdan kechirgan shaxslar;

- nogironligi boʻlgan koʻzi ojiz shaxslarga.

Imtiyozli transport kartasi cheklanmagan muddatga beriladi.

Undan boshqa shaxslarning foydalanishi taqiqlanadi.

Eslatma: 2023-yil 1-maygacha faqat Toshkent va Samarqand shaharlarida amalda boʻluvchi bu imkoniyat mazkur muddatdan keyin respublikaning barcha shaharlarida bosqichma-bosqich yoʻlga qoʻyilib, imtiyozli transport kartalari oʻrnatilgan tartibda rasmiylashtiriladi va egalariga topshiriladi.