Ҳурматли фойдаланувчилар! Портал фаолияти бўйича техник носозликлар юзасидан 1242 алоқа марказига мурожаат қилишингизни сўраймиз.
image

Имтиёзли транспорт картасини my.gov.uz орқали олинг!

27.02.2023

Бунинг учун my.gov.uz даги “Шаҳар йўловчилар транспортида бепул юриш ҳуқуқини берувчи имтиёзли транспорт карталарини расмийлаштиришга ариза бериш” хизматини танлайсиз.

Оферта шартлари билан танишгач, танлаш кўрсатилган майдонларни тўлдирасиз, юбориш тугмасини босасиз.

Ариза 3 иш кунида кўриб чиқилади.

Хизмат мутлақо бепул кўрсатилади.

Бундай карта эгалари республикамизнинг барча ҳудудларидаги шаҳар йўловчилар транспортида (троллейбус, автобус, трамвай, метро) бепул юриш ҳуқуқига эга.

Имтиёзли транспорт картаси кимларга берилади?

- 1941 — 1945-йиллардаги уруш қатнашчилари;

- 1941 — 1945-йиллардаги уруш ногиронлари;

- 1941—1945-йиллардаги уруш даврида фронт ортида фидокорона меҳнати

ва бенуқсон ҳарбий хизмати учун орден ва медаллар билан тақдирланганлар;

- Афғонистон Республикасида ва бошқа мамлакатлар ҳудудидаги жанговар ҳаракатларда қатнашган собиқ байналминалчи жангчилар;

- ҳақиқий муддатли ҳарбий хизматни ўтаётган ҳарбий хизматчилар ва контракт бўйича оддий аскарлар ҳамда сержантлар таркибидаги ҳарбий хизматчилар;

- Чернобил АЕС ҳалокати оқибатида нурланиш касаллигига чалинган ва уни бошдан кечирган шахслар;

- ногиронлиги бўлган кўзи ожиз шахсларга.

Имтиёзли транспорт картаси чекланмаган муддатга берилади.

Ундан бошқа шахсларнинг фойдаланиши тақиқланади.

Эслатма: 2023-йил 1-майгача фақат Тошкент ва Самарқанд шаҳарларида амалда бўлувчи бу имконият мазкур муддатдан кейин республиканинг барча шаҳарларида босқичма-босқич йўлга қўйилиб, имтиёзли транспорт карталари ўрнатилган тартибда расмийлаштирилади ва эгаларига топширилади.

Барча янгиликлар

My.gov.uz портали сервер қурилмалари кўчирилмоқда!

Жорий йилнинг 21-24 март кунлари Ягона интерактив давлат хизматлари портали (my.gov.uz) сервер қурилмаларини Рақамли ҳукумат марказининг Маълумотларни қайта ишлаш марказига кўчириш бўйича ташкилий-техник ишлар амалга оширилади.

15.03.2024
Эндиликда педагогик фаолиятни бошлаётган кадрлар касбий сертификатга эга бўлиши талаб этилади

Мазкур талабдан келиб чиқиб My.gov.uz порталида "Давлат умумий ўрта таълим ташкилотлари педагог кадрларини касбий сертификатлаш" хизмати ишга туширилди.

11.03.2024
My.gov.uz портали орқали 2 та янги давлат хизматлари ишга туширилди

2024 йил 1 март санасидан бошлаб My.gov.uz порталида ёшларнинг IT-сертификат харажатларини қоплаш ва ўқув марказларини қўллаб-қувватлаш мақсадида 2 та янги давлат хизмати ишга туширилди

04.03.2024
Энди барча фанлардан миллий сертификат олиш мумкин

My.gov.uz порталида барча фанлардан (тегишли умумтаълим ва махсус фанлардан) билиш даражасини аниқлаш ва миллий сертификат олиш учун имтиҳонда қатнашишга ариза бериш хизмати жорий этилди.

22.02.2024
Яна бир янги хизмат!

Эндиликда жисмоний ва юридик шахслар ўз мулкларини қўриқлаш хизматига топшириш учун My.gov.uz орқали онлайн ариза беришлари мумкин.

13.02.2024