Ijtimoiy tarmoqlarda davlat tashkilotlari hanuzgacha ko‘pchilikdan talab qilinishi taqiqlangan hujjatlarni so‘rayotgani haqidagi shikoyatlar yozib qoldirilmoqda.

Eslatib o‘tamiz!

Qonunchiligimizda (PF–6191-son, PF–6269-son– to‘liq ro‘yxat) aholidan quyidagi hujjatlarni talab qilish allaqachon bekor bo‘lgan:

- shaxsni tasdiqlovchi hujjat nusxasi;

- shaxsning belgilangan shakldagi fotosurati;

- diplom ma’lumotlari (oliy ta’lim va o‘rta maxsus);

- kam ta’minlanganligi to‘g‘risidagi ma’lumotlar;

- STIR ma’lumotlari;

- imtiyozga egalik to‘g‘risidagi ma’lumotlar va boshqalar.

Bu turdagi hujjatlar davlat tashkilotlari tomonidan idoralararo hamkorlik yo‘li bilan olinadi.

Ushbu hujjat va ma’lumotlarning aholidan talab qilinishi davlat xizmatlarini ko‘rsatish sohasidagi qonunchilik talablarining buzilishi hisoblanib, bunday yo‘l tutgan davlat idoralari uchun javobgarlik mavjud.

Hurmatli fuqarolar, agar Siz talab qilinishi bekor bo‘lgan hujjatlarni so‘rash holatlariga duch kelsangiz, Adliya vazirligining 1148 koll-markaziga murojaat qilishingiz mumkin.

Shuningdek, bu haqda bot manziliga  yozib qoldirsangiz ham bo‘ladi.