One ID – bu nafaqat Yagona portal, balki koʻplab davlat tashkilotlarining maʼlumotlar bazasidan xavfsiz foydalanish imkoniyatini beradigan Yagona identifikatsiya tizimidir.

Shuning uchun ham subsidiya, kredit, koʻchmas mulk, kadastr kabi yuzlab xizmatlarga xavfsizlik nuqtai nazaridan murakkabroq login va parol bilan mustahkamlangan One ID tizimi orqali kiriladi.

Hozirgi kunda shaxsiy ma’lumotlarga befarqlik tufayli identifikatsion raqam begonalar qo‘liga tushib qolishi sabab boshqalar nomidan ro‘yxatdan o‘tish holatlari uchramoqda.

Agar sizning nomingizdan begonalar ish yuritishini xohlamasangiz, hech kimga JShShIR raqamingizni bermang. One IDdan shaxsan o‘zingiz ro‘yxatdan o‘ting.

Shaxsni tasdiqlovchi pasport maʼlumotlari va telefon raqamini biriktirgan holda One ID tizimida roʻyxatdan oʻtsangiz, boshqalar sizning nomingizdan ish yuritolmaydi.

One ID tizimidan ro'yxatdan o'tish tartibi bilan quyidagi videorolikda tanishing: https://youtu.be/IL7z72X5tPw?si=no-GEwzkHjEKRzZj