image

ID-kartasini olish uchun my.gov.uz orqali murojaat qilish tartibi belgilandi

08.01.2022

Hukumat qarori (8-son, 06.01.2022-y.) bilan Fuqarolikni rasmiylashtirish sohasida ayrim davlat xizmatlari ko‘rsatishning ma’muriy reglamentlari tasdiqlandi.

Qarorga ko‘ra, quyidagi xizmatlar Migratsiya va fuqarolikni rasmiylashtirish bo‘linmalari (vakolatli organ) va davlat xizmatlari markazlari bilan bir qatorda onlayn tarzda Yagona interaktiv davlat xizmatlari portali (my.gov.uz) orqali amalga oshiriladi:

O‘zbekiston fuqarosi, O‘zbekistonda doimiy yashovchi chet el fuqarosi va fuqaroligi bo‘lmagan shaxslar tomonidan identifikatsiyalovchi ID-kartasini olish uchun murojaat qilish bo‘yicha davlat xizmati;

O‘zbekistonda doimiy yashovchi fuqaroligi bo‘lmagan shaxslar va O‘zbekiston fuqarolari tomonidan fuqarolikka qabul qilish yoki fuqarolikdan chiqish uchun vakolatli davlat organiga murojaat qilish bo‘yicha davlat xizmati ko‘rsatish.

Shunga ko‘ra, murojaat etuvchi ID-karta olish uchun elektron so‘rovnoma to‘ldiradi.

Vakolatli organ so‘rovnomaga kiritilgan ma’lumotlarning haqqoniyligini tekshirib, ular to‘g‘ri bo‘lgan taqdirda murojaat etuvchiga tegishli xabarnoma yuboradi.

Fuqaro 3 ish kuni ichida belgilangan miqdorda davlat boji to‘laydi.

To‘lov amalga oshirilib, ID-kartani olish yuzasidan tegishli xabarnomani olgach, 3 ish kuni ichida tegishli hujjatlarni vakolatli organga shaxsan kelib taqdim etadi.

Vakolatli organ tomonidan talabnoma shakllantirilgandan so‘ng murojaat etuvchiga 1 ish kunida ID-karta rasmiylashtiriladi va taqdim etiladi.

Barcha yangiliklar

Texnik ishlar!

O‘zbekiston Respublikasi Prezidenti huzuridagi Ijtimoiy himoya milliy agentligining "Tibbiy-ijtimoiy ekspertiza" elektron axborot tizimi (VTEK) server qurilmalarida texnik ishlar olib borilayotganligi sababli my.gov.uz orqali nogironlik bo'yicha ko'rsatiladigan elektron xizmatlarda uzilishlar kuzatilishi mumkin.

19.07.2024
Test sinovi natijalarini my.gov.uz orqali tez va oson tekshiring!

Shu kunlarda oliy ta'lim muassasalarining bakalavriat ta’lim yo‘nalishlariga o'qishga kirish uchun test sinovlari o'tkazilmoqda. Test sinovlarida ishtirok etgan abituriyentlar o‘z natijalarini my.gov.uz dagi "Abituriyent test sinovlari natijasi bilan tanishish" xizmati orqali bepul tekshirishlari mumkin.

16.07.2024
Hurmatli foydalanuvchi! Avtomobil sotib oldingizmi yoki endi xarid qilish niyatidamisiz?

Unda Sizga quyidagi qo'llanmamizdan foydalanishni taklif etamiz.

15.07.2024
Yangilangan MyGov mobil ilovasi!

Siz hali ham yangilangan MyGov ilovasini yuklab olmadingizmi?

11.07.2024
Abituriyentlar diqqatiga! Ruxsatnomalar tayyor!

2024-2025-o'quv yilida oliy va professional ta'lim muassasalariga kirish uchun onlayn ro'yxatdan o'tgan abituriyentlarga "Abituriyent ruxsatnomasi"ni berish boshlandi!

11.07.2024