Call-center
My.gov.uzдаги “Кўчмас мулк ижара шартномаларини солиқ органларида ҳисобга қўйиш (https://my.gov.uz/oz/service/376)” хизмати туфайли кўчмас мулкни уйдан чиқмаган ҳолда ижарага бериш мумкин.
Хизмат мутлақо бепул кўрсатилади. Кўп вақт ҳам олмайди.
Муҳими, шартномани ҳар икки томон масофадан туриб имзолайди.
Бунинг учун:
-Ижарага берувчи тегишли хизматни танлаб, сўралган маълумотларни тўлдиради.
-Ижарага олувчига идентификация кодини юборади.
-Ижарага олувчи ҳам тегишли хизматни танлаб, сўралган майдонга идентификация кодини ёзиш орқали аризани давом эттиради.
-Шартнома автоматик равишда тузилади ҳамда уни юклаб олиш имконияти мавжуд.
Агар ижарага турувчи талаба бўлса, ижара тўловининг 50 фоизи қоплаб берилади (лекин қайтариладиган сумма 1 БҲМ дан ошмаслиги керак). Уй эгасининг эса ижарага беришдан олинадиган даромадига солиқ солинмайди.
